Jarystar kúndeligi

Fýtbol. 9 sáýir kúni Qa­zaq­stan chempıonaty premer- lıgasynyń kezekti týry ótti. Osy kúni altynshy týrdaǵy matchtaryn ótkizgen komandalar arasynda alań ıeleri 5 ret, qonaqtar 1 ret jeńiske jetti. Bir-birine arqa qaǵysyp, teń tarasqan oıyndar bul joly bolǵan joq. Taldyqorǵandyqtar óz al­ańyn­da «Atyraýdy» jeńip, týrnır kes­tesi­niń tizginin beker ustap otyr­ma­ǵan­daryn kórsetti. Esep – 2:0. Odan keıingi orynda kele jat­qan «Aq­tó­be» de syrt alańynda syr bergen joq. Ta­raz­ǵa qonaqqa bar­ǵan vıse-chempıondar alań ıelerin 2:0 esebimen utty. Dál osyn­­daı esep Astanada «Lo­k­o­mo­tıv» pen «Vostok» ko­manda­la­ry­nyń arasynda oıynda tir­­keldi. Bul joly óske­men­dik ujym­­nan  aı­la­­syn asyrǵan astana­lyq­tar qajet­ti 3 upaılaryn alyp, týrnır kestesinde Qaraǵan­dy­nyń  «Shahter» koman­dasyn ba­syp oz­dy. Qa­zir «temir­jol­­shy­lar­da» – 13, «Shahterde» – 10 upaı. Al óz ala­ńynda qa­­raǵan­dy­lyq ko­man­dany 1:0 esebimen utqan «Or­da­basy» bolsa, osy jeńisten keıin 6 upaı­men «Qaı­­­sar», «Qaırat», «Aty­­raý» ujym­­da­ryn ba­syp ozdy. Bul ko­man­dalardyń ishinde «Jetisýdan» jeńilgen «Aty­raý­dan» bas­qa «Qaı­sar» qonaqta «Ertisten» 4:1, «Qaı­rat» Qostanaıda «To­byl­dan» 3:1 esebimen jeńildi. Altyn­shy týrdan keıin osylaısha 6 upaı ıe­lengen komandalar qazir 9-11 oryn­dardy bólisýge májbúr bolyp otyr. Doıby. Lenıngrad ob­ly­synda ótken Reseı birinshiliginde Astrahan memlekettik tehnıkalyq ýnıver­sı­tetiniń stýdenti Janna Sarshaeva úsh altyn medalge ıe boldy. Grossmeıster 1992-1994 jyl­dary týǵan qyzdar arasynda ót­ken týrnırge qatysty. Osy ja­rysta Re­seıdiń alty óńirinen kel­gen 11 doı­by­shynyń arasynda ol sankt-peter­býrgtik Saıyn Popovadan jar­ty upaı ozyp, birinshi oryndy ıelendi. Kelesi jarysta toǵyz oıynda jeńip, bir oıynda teń túsken Sarshaeva múmkin bolǵan 10 upaıdan 9,5 upaı jınady. Munda ol taǵy da sol Sankt-Peterbýrgtiń ókil­deri­nen ba­syp ozdy. Neva ózeni­niń jaǵasynan kelgen Nıký Leopoldova qazaq qy­zynan jarty upaı artta qaldy. Reseı birinshiligine budan bas­qa Astrahan oblysynan jeti doı­by­shy qatysqan bolatyn. Sonyń ishinde AMTÝ-diń stýdenti Májıt Sarshaev 1989-1991 jyldary tý­ǵan jastar arasynda 11 oıynshy­dan ozyp, qola júldege ıe bolsa, 1995 jyly týǵan jasóspirimder ara­syn­da ótken jarysta Karına Ábilova da úshinshi orynǵa taban tiredi. Short-trek. As­tana­daǵy «Alaý» sport sara­ıynda Qazaqstan Respýb­lı­ka­synyń I Qysqy jastar oıyny aıasynda short-trek boıyn­sha jarystar ótýde. Oǵan Almaty, Ońtústik Qazaq­stan, Qaraǵandy, Batys Qazaq­stan, Shyǵys Qazaqstan oblys­tary men Astana jáne Almaty qalalarynan 8 komanda qatysýda. Jarysta bar­lyǵy 81 sportshy kúsh synasýda. Qazirgi kezde 1500 m qashyq­tyq boıynsha qyzdar men erler ara­syn­daǵy syndar bastalyp ketti. Keshe onyń alǵashqy jeńim­paz­dary anyqtaldy. 1500 metrlik qashyqtyqta ere­sek qyzdar arasynda birinshi oryn­­dy Anastasııa Kýznesova je­ńip al­dy. Ekinshi oryndy  Irına Iýrochkına, úshinshi oryndy Anna Samarına ıelendi. Jasós­pi­rim qyz­dar arasynda birinshi oryn­ǵa Anastasııa Krestova, ekinshi oryn­ǵa Darıa Goncharova, úshinshi orynǵa Marııa Zınchenko ıe boldy. Osy qashyqtyqtaǵy erler ara­syndaǵy jarysta bas júldeni Nıkıta Radaev, ekinshi oryndy Madııar Nurpeıisov, úshinshi oryn­dy Erhat Qubashev jeńip alsa, jasós­pi­rim er balalar arasynda 2 mınót 54,70 sekónt kórsetkishpen Denıs Nıkısha eshkimge des bermedi. Odan keıingi oryndarǵa  Mersaıd Jaq­sy­­baev pen Stas Iýrochkın  ıe boldy. Búgin 1000 metrlik, erteń 500 metrlik qashyqtyqtaǵy jarystar ótedi. Dastan KENJALIN.