El belsendiligi erekshe kórindi

Elimizdiń saıası máde­nıeti taǵy bir synnan abyroımen ótti. Halyq Prezıdent jarııalaǵan Úndeýdi múd­delilikpen, bilik­tilikpen talqylady. Biz osy úderistiń bel ortasynda bol­dyq. Eldiń óskendigine, aza­mattardyń saıası qyraǵylyǵy men zań­­na­malyq saýat­ty­ly­ǵyna kóz jet­kizdik. Súısindik. Pikir­ler, oılar ker­neýinen asyp-tasyp jatty. Halyq – bıliktiń qaınar kózi degen osy! Aza­mattyq qoǵam, el patrıottary Kons­tıtýsııanyń 26-baby tóńiregin­d­e bosqa ter tókpegen eken. Elbasy ony bilip, qaperge alyp, bul másele boıynsha Konstıtý­sııa­ǵa ózgeris engizbeýdi usyndy. Al Jumys toby jetekshisi­­niń sózine qaraǵanda, Ata Zańnyń 63-babyn qamtıtyn 6 myń­daı usynys túsip­ti. Bul, sóz joq, azamattardyń saıa­sı belsendiliginiń ós­ken­digi­niń, quqyqtyq saýat­­­tylyǵynyń kemel­den­gendiginiń, el­degi demo­kra­tııanyń taǵ­dyry­na beı-jaı qara­maı­­tyn­dyǵynyń aıqyn aıǵaǵy. Qoǵam óz pikirin aıt­ty. О́z mıssııasyn abyroı­men oryn­­dady. Endigi jaýap­kershilik Par­lament depýt­tarynda. Olar halyq, aza­mattyq qoǵam, saıası partııa­lar usyn­ǵan naqty usy­nys­tardy zań bap­taryna aı­nal­dyryp, naqtylap, eli­miz­­diń saıası júıesine, eń aldymen, Par­la­menttiń óziniń qyzmetine qan júgir­tetin normalar qabyldap, ýaqyt bıigi­nen kórine ala ma – endigi másele osynda. Qazaqstannyń saıası júıesin jandandyrýdyń, onyń búkil boıyna qan júgirtýdiń basty tetikteriniń biri – Parlamenttiń bıliktiń derbes tarmaǵy retindegi ókilettikterine, zań shyǵarý qyzmetiniń sapasy men aýqymyna baılanysty ekendigi búginde daýsyz aqıqat. Parlament depýtattary batyldyq kórsetip, joba-usynysty tolyqtyryp, óz bıligin nyǵaıtý, ásirese, eldi bas­qarýdaǵy atqarýshy bıliktiń bılik júıesindegi birjaqty basym­dy­ǵyn eńserý úshin óziniń halyq al­dyn­daǵy jaýapkershiligin jańa ýaqyt deńgeıinen paıymdap, jasam­pazdyq tanytyp, eldegi bılik tarmaq­tary ara­syndaǵy tepe-teńdikti qalyp­tas­tyrýǵa umtylýy kerek. Bizdiń taǵy bir aıtarymyz, depýtattar korpýsy zań shyǵarýshy bılik­tiń bedelin kóterip, órisin, fýnksııa­laryn keńeıtetin normalar qabyl­daýy kerek-aq. Mundaı múmkindik kún­de bola bermeıdi. Elbasy depýtat­tarǵa tamasha zańnamalyq tetikti ózi berip, ózi usynyp otyr. Qoǵam endi parlamentshilerden zańnamalyq shyǵarmashylyq, batyldyq, saıası kemeldilik, demokratııa taǵdyry úshin janashyrlyq kútedi. Náýbat QALIEV, L.N. Gýmılev atyndaǵy Eýrazııa ulttyq ýnıversıtetiniń professory, saıası ǵylymdar doktory ASTANA