Aýa raıynyń jylynýyna jáne elektrosamokat paıdalanýshylar sanynyń artýyna baılanysty Astana qalasynda reıdtik is-sharalar kúsheıtildi. Tekserý jumystary nátıjesinde 200-ge jýyq samokat paıdalanýshysy jaýapqa tartylǵan, dep habarlaıdy Egemen.kz.
Polısııa qyzmetkerleri azamattarǵa jol qozǵalysy qaǵıdalaryn saqtaý qajettiligi týraly turaqty túrde túsindirý jumystaryn júrgizip keledi. Ásirese, elektrosamokattardy qaýipsiz paıdalaný, qorǵanys quraldaryn qoldaný jáne jaıaý júrginshiler men júrgizýshilerge qaýip tóndiretin áreketterge jol bermeý máselelerine erekshe nazar aýdarylǵan.
Reıdter barysynda 200-ge jýyq samokat paıdalanýshysy ákimshilik jaýapkershilikke tartyldy. Sonymen qatar erejeni buza otyryp ornalastyrylǵan 170-ten astam elektrosamokat kommýnaldyq turaqtarǵa evakýasııalanǵan.
Elordada elektrosamokattardy baqylaýdyń jańa júıesi engiziledi
Polısııa atap ótkendeı, samokattardy retsiz qoıý jaıaý júrginshilerge qolaısyzdyq týǵyzyp qana qoımaı, olardyń qaýipsizdigine de qaýip tóndiredi. Bul, ásirese, múmkindigi shekteýli azamattar men balalar arbasymen júrgen ata-analar úshin qıyndyq keltiredi.
Almatyda samokat mingenderge baqylaý kúsheıdi
Qalalyq polısııa departamenti qala turǵyndary men qonaqtaryn jol qozǵalysy qaǵıdalaryn qatań saqtaýǵa shaqyrady. Qaýipsizdikti qamtamasyz etý boıynsha jumystar jalǵasatyn bolady.