Metrodaǵy jarylys qurbany 12 adam

Belorýssııa astanasy – Mınsk qalasyndaǵy metro­nyń «Oktıabrskaıa» stansasyndaǵy jarylystan 12 adam qaza taýyp, 149-y  ár túrli deńgeıdegi jaraqat­tar aldy. Osy eldiń Memlekettik qaýipsizdik komıteti jarylysty  júzege asyrýy múmkin degen kúdiktini anyqtaǵandary týraly málimet te taratty. Jarylys qýaty 5-7 kılo trotıldeı. Jarylǵysh zat metall kesindilerimen tol­tyrylypty. Qazirgi kezde Ulybrıtanııa, Reseı jáne Izraıl elderi qylmysty ashýǵa óz kómekterin usynyp otyr. VAShINGTON QALASYNYŃ MERI TUTQYNDALDY Vashıngtondaǵy Kongress ǵıma­ra­tynyń aldynda ruqsat etilmegen qarsylyq aksııasyna qatysqandary úshin Vashıngton meri Vınsent Greıdi jáne qala keńesiniń bes múshesin Kapıtolııa polısııasy tutqynǵa aldy. 200-ge tarta sheneýnik pen qoǵamdyq belsendiler qatysqan bul aksııa qala baǵdarlamalaryn qarjylandyrýdyń qysqarýyna narazylyq retinde uıym­dastyrylǵan. Qol ustasyp kósheni jaýyp tastaǵandar «Qaladan qoldaryńdy tartyńdar!» dep urandatqan kóri­nedi. Eske sala ketsek, AQSh Kongresiniń tómengi palatasy prezıdent ákimshiligimen kelise otyryp, 2012 jyldyń bıýd­jetin aıtarlyqtaı qysqartqan bolatyn. RADIASIIаLYQ QAÝIP KÚShEIE TÚSTI Japonııa «Fýkýsıma-1» atom elektr stansasynyń qaýiptilik deńgeıin Chernobyl apatyndaǵydaı 7-shi deńgeıge deıin kóterdi. El bıligi «Fýkýsıma-1» stan­sasynda Chernobyl AES-inde oryn alǵan apat qaýpi  týyndaǵanyn moıyndap otyr. «Fýkýsıma-1» AES-indegi jaǵdaıdyń bulaısha kúrt nasharlap ketý sebebi ázirge aıtylmaýda. Belgilisi,  №4 reaktorda órt shyqqan, biraq ol tez sóndirilgen. Osy rette Honsıý aralynyń shyǵys jaǵalaýynda qýaty 6,6 ball bolatyn jer silkinisi tirkelgendigin aıta keteıik. Dúmpý oshaǵy Tokıonyń soltústik-shyǵysynda, qaladan 77 shaqyrym jerde 13,1 shaqyrym tereńdikte bolǵan. BURYNǴY PREZIDENTTIŃ ÚSTINEN IS QOZǴALDY Kot-d’Ivýardyń jańadan saılanǵan pre­zıdenti Alas­san Ýattara óziniń teledıdar arqyly halyqqa arnaǵan ún­deýinde eldiń burynǵy prezıdenti Loran Gbagbonyń ústinen sot tekserisi bas­talǵandyǵyn málimdedi. Arnaıy komıssııa Gbagbo jáne onyń odaqtastarynyń eldegi áskerı qaqtyǵystaǵy áreketterin tekserýmen aınalysatyn bolady. Respýblıkanyń moıyn­dalmaǵan basshysy apta boıy óz rezıdensııasyndaǵy býnkerde jasyrynyp kelgen. Ýattara telearna arqyly tarat­qan úndeýinde kotdıvýarlyqtardy kek qaıtarmaýǵa shaqyryp, «jańa dáýirdiń» týǵandyǵyn atap ótken. SOǴYSTY TOQTATÝǴA KELISKENDEI EDI Koalısııa ushaqtary Lıvııanyń Ál-Djýfra qala­syndaǵy birqatar azamattyq jáne áskerı nysandardy bombalaǵan. Bul jóninde Lıvııa telearnasy áskerı basqarma derekterine súıene otyryp habarlady. «Lıvııaǵa krest joryǵyn jasaǵan basqynshylardyń ushaq­tary tastaǵan bombalar Ál-Djýfra qalasyndaǵy áskerı, sondaı-aq azamattyq nysandarǵa da tústi», dep habarlady lıvııalyq telearna. Buǵan deıin Ońtústik Afrıka Respýb­lıkasynyń prezıdenti Djekob Zýma bastaǵan Afrıka oda­ǵynyń delegasııasy Mýammar Kaddafımen kezdesip, onymen  soǵysty toqtatýǵa keliskendeı bolǵan. Al oppozısııa bolsa, mámile ýaqytynyń tym kesh jasalǵan­dyǵyn alǵa tartýda. QAÝIP TÝDYRǴAN KEZDE ISKE QOSYLADY Izraıl áskerıleri soǵys jaǵ­daıynda «Temir kúmbez» tómengi eshe­lon­dy zymy­randarǵa qarsy qorǵanys júıesin synaq­tan sátti ótkiz­gen­dikterin málimdedi. Sáýirdiń 7-9-y ara­lyǵynda osy qarý arqyly Izraıl aýmaǵyna qaraı atylǵan 35 «Kassam» jáne «Grad» zymyran­da­rynyń segizin  joıýǵa qol jetkizilipti. Atalǵan qarý júıesi zymyrandardyń tek 24 paıyzyn ǵana joıǵan. Ony jasaýshylar «Temir kúmbez» zymy­randar tek eldi mekenderge naqty qaýip týdyrǵan kezde ǵana iske qosylatyndyǵyn aıtady. Tel-Avıv bul baǵyt­taǵy jumysty durys sanap otyr. Buǵan deıin áýe nemese artıllerııadan soqqy berý aıtarlyqtaı nátıje bermeı kelgen kórinedi. TILSIZ JAÝ – О́RT 80 ÚIDI JALMADY AQSh-tyń Tehas shtatyndaǵy tabıǵı órt  sal­darynan 80-ge tarta ǵımarat qyzyl jalynǵa oranǵan. Tek Fort-Devıs qalasynyń ózinde 40-qa tarta úı janyp ketken. Djeff-Devıs pen Mıdlend okrýgterinde tilsiz jaý jalmaǵan aýmaq 100 myń (shamamen 404 sharshy shaqyrym) akrǵa jetken. Keıbir jerlerde qyzyl jalyn 5-6 metrge deıin kóterilipti. Onyń munshalyqty tez taraýyna kúshti jel men aýa raıynyń jylylyǵy áser etken. Tilsiz jaýdy aýyzdyqtaýǵa eriktiler men kórshiles shtattardan órt sóndirý komandalary jumyldyrylǵan. QYSQA QAIYRYP AITQANDA: Sısılııada Etna výlkany oıandy. Odan atqylaǵan lava men tútin baǵanynyń bıiktigi úsh shaqyrymǵa deıin kóterilip, jel arqyly kúl ondaǵan shaqyrym jerge  taraǵan. Egıpettiń burynǵy prezıdenti men onyń balalary Gamal men Álı sotqa kelýi kerektigi týraly shaqyrtý aldy. Bul jóninde eldiń ýaqytsha úkimetiniń quramyna kirgen ishki ister mınıstri «Ál-Arabııa» spýtnıktik telearnasyna bergen suhbatynda málimdegen. Qardyń qalyń túsýinen  transkavkaz avtomagıstrali boıyndaǵy qozǵalys múldem toqtap qaldy. Atalǵan jolda sel men qar kóshkininiń oryn alý múmkindigi joǵary. Internet materıaldary negizinde ázirlendi.