Bul shara «El táýelsizdigine – 20 jyl» dep atalady. Osy taqyryptaǵy mańyzdy, mazmundy kitap kórmesi endi oblystyń shalǵaıdaǵy aýyldaryn aralaıdy. Sultanmahmut Toraıǵyrov atyndaǵy oblystyq kitaphananyń uıymdastyrýmen ótetin bul kóshpeli kórme elimizdiń ótkeni, búgini, erteńi jaıynda taǵylymdy, tarıhı maǵlumattar bere alady.
Kórmede ár jyldary jaryq kórgen el ómiriniń táýelsizdik alǵanǵa deıingi, odan keıingi erkindik ýaqyty, bolashaǵyn baıandaıtyn júzden asa kitap bar. Bulardyń arasynda eń basty kitaptar qatarynan elimizdiń saıasat pen ekonomıkada qol jetkizgen jetistikteri, sondaı-aq, Elbasy jáne Qazaqstan halqy Assambleıasy jaıly mazmundy kitaptar oryn alǵan. Osy jyldar ishinde elimiz álem tanyǵan memleketke aınaldy, keń aýqymdy saıası, ekonomıkalyq jáne áleýmettik reformalardy iske asyrýda.
Mine, osy jetistikterdiń bárin aýyldyqtar jyljymaly stendterdegi polıgrafııalyq basylymdar arqyly kóre alady.
Al merekelik kitap kórmesi Aqtoǵaı aýdanynyń shalǵaıdaǵy aýyldarynda alǵashqy saparlaryn bastaǵan bolatyn.
Farıda BYQAI.
Pavlodar oblysy.