Jarqyraıdy «Altyn aýyl» ottary

Aýdan ortalyǵy – Qaskeleń qalasynyń kúnshyǵysynda alys­tan menmundalaıtyn, kóz tartyp, kóńil qýantatyn dep aıtýǵa anyq keletin bir  ádemi jer bar. Ony «Altyn aýyl» shaǵyn aýdany dep  ataıdy. Shynynda da,  «Altyn aýyl» dese degendeı-aq. Qazdaı tizilip, qatar qonǵan, sáýlet óneriniń soń­ǵy úlgilerine saı salynǵan 7-9 qabatty záýlim úıler qalanyń ajaryn aıryqsha kirgizip, kórkin óte kórkem etip turǵany anyq. Búginde ózinshe ádemi qala­shyqqa aınalǵan shaǵyn aýdan­daǵy bıik  úılerde júzdegen ot­ba­­sy alań­syz ómir súrip, eńbek etýde. Bala-shaǵa ósirýde. Ási­rese, 2008-2010 jyldary memlekettik «Tur­ǵyn úı» baǵ­darla­masy bo­ıyn­sha qurylys qarqyn­dy júr­gizilip, ıpo­tekalyq jáne jalǵa berý jú­ıesimen talaı jyl páter kiltin armandaǵandar úı aldy. Olardyń ishinde Uly Otan soǵy­synyń ardagerleri, kóp ba­laly analar, mú­gedekter, jas  mamandar, mem­leket­tik sala qyz­met­­kerleri, muǵa­limder, dáriger­ler bar. Sóz joq, bul – elimizdegi asa mańyzdy memlekettik-áleýmettik saıasattyń jemisi. Tipti, muny el táýelsizdiginiń jeńisi de degen bolar edim óz basym. Bul úshin Elbasyna, oblys, aýdan basshy­la­ryna aıtar alǵysym kóp. Biz osy barlyq turmystyq jaǵdaıy bar yqsham aýdannan páter alǵandardyń birimiz. Uzaq jyl mektepte muǵalim bolyp, jas urpaqqa bilim men tárbıe berdik. Sóıtip, qıyndyǵy da, qyzyǵy da jetip artylatyn ustazdyq jo­lynda júz­degen shákirtti oqytyp, úlken ómirge qanat qaqtyrdyq.  Qazir qurmetti demalysta elimniń amandyǵyn tilep otyrmyz. Jubaıym da el qurmetine bólengen azamat. Ekeýimiz erli-zaıypty retinde birneshe bala  tárbıelep ósirdik, ne­mere súıdik. Balalarymyzdyń al­dy qazaq jeriniń kindigi – Astanada jumys isteıdi. Sózimniń sońynda aıtarym, aı­qyn jeńiske jetip, halyq qa­la­ýymen  qaıta Prezıdent bolyp saılanǵan Nursultan Ábishulynyń  eńbegine tek tabys, jetistik tileımiz! Maıra ÁBDIRÁSILQYZY, zeınetker ustaz.