1958 jyly qazirgi Qarasaı aýdanynyń ortalyǵy – Qaskeleń qalasyndaǵy Abaı atyndaǵy mektepti (búginde mektep-gımnazııa) biz 42 bala bitirgen edik. Shetimizden armanshyl, qııalshyl bolatynbyz. Oqýdy aıaqtasaq bárin de japyryp tastaıtyndaı bolyp júretinbiz.
Ishimizde ol kezde nebir «seriler» de boldy ǵoı. Alaıda, sol mektep qabyrǵasynda júrgende-aq synyptasymyz bala Nursultannyń batyldyǵyna, barlyq máseleni biletindigine, baıypty sóılep, baıqap jumys isteıtinine kózimiz jetken-di. Iаǵnı, ol úzdik sabaq úlgerimimen de, qoǵamdyq jumysqa belsene qatysýymen de, erinbeıtin eńbeksúıgishtigimen de, týrashyl, adaldyǵymen de, ádilettiligimen de, ádemi ázilqoılyǵymen de, shynyqqan shymyrlyǵymen, sportshylyǵymen de, tipti, ánshiligimen de erekshe kózge túsetin. Áıteýir, qandaı bir jańalyq, jaqsy isterdiń basy-qasynda jasyndaı jarqyldap Nursultan júretin. Jap-jas kúıimen ózin qaı máselede bolsyn, salmaqty, sabyrly ustaıtyn. Odan túbinde bir myqty shyǵatynyn túsinip, túısinetinbiz.
Mektepten keıin bárimiz jan-jaqqa tarap kettik, ómirdiń aryndy aǵyny árqaısymyzdy ár jaqqa qaraı «laqtyrdy» ǵoı.
Nursultan bolsa, aldymen myqty metallýrg bolyp, tolassyz temir balqytty. О́stip júrip ózi de quryshtaı shynyqty, úzdiksiz úırendi, úlgi aldy, ósti, óndi, órken jaıdy. Odan arǵysy bárimizge de belgili, ıaǵnı meniń qymbatty synyptasym Nurekeńniń onan keıingi, endigi qyzmet joly týǵan halqynyń kóz aldynda ótip jatyr.
Iá, Nursultan eliniń baǵy úshin jaralǵan er. Ol Qazaqstan memleketin talaı-talaı qıyn-qystaý kúnderden aman alyp ótti, Táýelsizdik týyn jelbirete otyryp, baıandy bolashaqqa qaraı batyl bastap barady.
Jasaı ber, elińniń qalaýly eri – Nursultan! Biz árdaıym maqtanysh etemiz. El-jurtyń saǵan qapysyz senedi.
Jomart SEKSENBAEV, Elbasynyń synyptasy.