Úshqońyr

Burynǵy Shamalǵan, qazirgi Úsh­qońyr aýylynda 36 ult ókili qo­nystanǵan. Jıyrma myńǵa tarta halyqtyń turmysy da aýyz tolty­ryp aıtýǵa turarlyqtaı. Jáne jyl­dan-jylǵa kúnkóristeri jaqsa­ryp keledi. Munda óskeleń urpaqqa sanaly tárbıe, sapaly bilim berý­diń barlyq joldary qarastyryl­ǵan. Atap aıtsaq, tórt jyl buryn 280 balaǵa óz esigin aıqara ashqan «Bota» balabaqshasy mektepke deıingi tárbıeniń qaı jaǵynan bol­ma­syn minsiz bolýyn qamta­masyz etýde. Olardyń tulǵa bolyp qa­lyp­tasýy jolynda aýyldaǵy soń­ǵy zamanaýı tehnologııalarmen jab­dyq­talǵan úsh mektep pen bir mektep-gımnazııa ustazdary aıanbaı eńbektenýde. Mektep demekshi, Úshqońyr aýy­lyndaǵy Elbasy alǵash qalam ustap, árip tanyǵan Qarasaı ba­tyr (burynǵy Fýrmanov) atyn­daǵy orta mekteptiń orny erekshe. Mun­daǵy árbir shákirt «Prezıdentimiz oqyǵan mektep», dep maqtanyp, Memleket basshysy­nyń ómirbaıa­nyn jatqa baıan­daıdy. Sebebi, osyn­daǵy «Shapa­ǵat» atty tarıhı-ólketaný mýzeıinde oqýshylardyń bilimin jetildirý úshin barlyq jaǵdaı bar. 1998 jyly ashylǵan murajaı aýyl tarıhynan habar beretin san alýan derekter men Nursultan Ábishulynyń ómiri men eńbek jolynan syr shertetin jádi­ger­lerge toly. Elbasynyń qoly­nan «Qurmet» ordenin alǵan mura­jaı meńgerýshisi Rymkesh Baıqo­nysova árbir jádigerge til bitirip, túsi­nikti etip ornalastyrǵan. 2007 jyly Prezıdent joly túsip alǵash bilim alǵan mektebin ara­laǵanda óz rıza­shylyǵyn bildirip, 60 sýretti syıǵa tartqan eken. Aýyldyń órkendep, gúldenýi­ne úlken mán beretin Elbasy­myzdyń týǵan jerinde aýyl sha­rýashy­ly­ǵyna, qurylys jumys­ta­ryna qa­jet mamandardy daıyndaý isi de jolǵa qoıylǵan. Osy maqsatta sý sharýa­shylyǵy kolledji men № 2 kásiptik mektep te óz jumystaryn minsiz atqaryp keledi. Al aýyl jastary­nyń bos ýa­qyttaryn tıimdi ótki­zýine eldi mekendegi Má­de­nıet úıinde barlyq jaǵdaı jasal­ǵan. Sala­matty ómir saltyn ustaný úshin arnaıy sport úıirmeleri ju­mys istese, bilimderin tereń­detip, oılaryn jetildirgisi keletinderge kitaphana esigi ashyq. Kınoteatr men Jastar or­ta­lyǵy da jaqynda iske qo­syl­maq. О́rkenıetti aýyl úshqońyr­lyq­­tardyń densaýlyǵy da myqty bo­lýy úshin jańadan ashylǵan kóp salaly aýyldyq  50 tósektik aýrýhana jumys istese, emhana 150 adamdy birden qabyldap tıisti dárigerlik qyzmet kórsetedi. Al tirshilik nári – aýyz sýdyń taza­lyǵyna «Nurbol» JShS zor kó­ńil bólse, kógildir otynnyń ósh­peýin «Sıgma» atty seriktestik qadaǵalap otyrady. Bir aıta keterligi, osyndaǵy barlyq mekemeler men kásiporyndar, uıymdar bolsyn, óz jerlesteri Elbasynyń sara saıasatyn qoldap, kórsetken baǵyt-baǵdary boıynsha jumys­ta­ryn júrgizýde. Búgingi tańda júrek tazalyǵy men ımannyń beriktigi adam ba­lasy úshin asa qajet. Úshqońyr aýyly­nyń shetinde, Tóle bıdiń qalpaǵyn­daı bolǵan tabıǵaty tamasha, aýasy taza Úshqońyr taýy­nyń bókterine jaqyn Qarasaı meshiti ornalasqan. Keremetteı kóz tartady. Alla úıiniń esigi ár musylmanǵa aıqara ashyq. On jyl boıy oıy túzý adamdy ımandy­lyqqa shaqyryp, adaldyq­qa úgit­tegen oblystyq meshit bul. Ká­lımaǵa tili kelgender osynda kelip neke qıdyryp, juma namaz­ǵa jyǵylýǵa, nemese ımandy­lyq ýaǵyzdaryn tyńdaýǵa kelip tura­dy. Al odan ári, taý bókterin betke alsańyz kórikti mazarǵa kózińiz túseri anyq. Onda Nursul­tan Ábishulynyń ata-babalary, áke-sheshesi máńgi uıqyda jatyr. Qaýyrt jumystardan qoly bosa­ǵan­da, sáti túskende Elbasy osy týǵan ólkege at basyn buryp, arýaqtarǵa quran baǵyshtap qaı­ta­tyn qasıetti oryn. Balalyqtyń bal dáýren shaǵy­nyń baǵaly estelikteri saqtal­ǵan qara shańyraqtyń da oty mazdap tur. Mine, Tuńǵysh Prezıdentimiz ty­nystap, túlep ushqan aýyl kelbeti osyndaı. Jambyl babamyz: «Eńsesi bıik el alyp, el bastaǵan er alyp» dep jyrlaǵandaı, táýel­sizdiktiń týyn berik ustaǵan El­basyn ótken saıası naýqanda jerlesteri de esh kúmánsiz qoldaı bildi. Barlyǵy biraýyzdan belsendilik tanytyp, daýystaryn  berdi. Bul eń aldymen halyq qalaý­lysynyń el seniminen shy­ǵyp, úmitin aqtaı bilgendiginiń jemisi. Kúmisjan BAIJAN.