Oblys ortalyǵyndaǵy KSRO ushqysh-ǵaryshkeri, Keńes Odaǵynyń Batyry Vıktor Pasaevtyń eskertkishi aldynda 12 sáýir – Kosmonavtıka kúnine arnalǵan «Adamzattyń ǵaryshqa alǵashqy qadamy» atty mıtıng boldy. Bul oblystyq planetarıı uıymdastyrǵan «Juldyzdy 50 jyl» aptalyǵynyń saltanatty jabylýymen tuspa-tus keldi. Aksııaǵa qatysýshylar ǵaryshker jerlesteriniń eskertkishine gúl shoqtaryn qoıdy. Osyndaǵy V.Pasaev atyndaǵy jas ushqyshtar jáne orta mektepterdiń balalary, qalalyqtar tuńǵysh ǵaryshker Iýrıı Gagarınniń ǵaryshqa ushar aldyndaǵy sózin tyńdap, daýysyn estidi.
Saltanatty sharaǵa jınalǵandar aldynda Vıktor Pasaevtyń qaryndasy, jýrnalıst Galına Pasaeva aǵasy týraly, al, otstavkadaǵy polkovnık Keýlimjaı Jýasov ózi qurylysyn salýǵa atsalysqan Baıqońyr ǵarysh aılaǵy jaıynda estelikter aıtty. Qalalyq tehnıkalyq shyǵarmashylyq úıiniń jas tehnıkteri ózderi qurastyrǵan zymyrandar modelderin, al aksııaǵa qatysýshylar 500 áýe sharlaryn ushyrdy.
Satybaldy SÁÝIRBAI.
Aqtóbe oblysy.