«Men oǵan senemin»

Keshe Memleket basshysy Nursultan Nazarbaev Astana ákimdiginde bolyp, qol­danys­taǵy zańnamaǵa sáı­kes, depý­tat­­tardyń qaraýy­na Astana qa­lasynyń ákimi qyzmetine I.­Tas­­ma­ǵam­be­tov­tiń kandıda­tý­ra­sy engizilgen qalalyq máslı­hat­tyń ke­zekten tys sessııa­synyń jumysyna qatysty, dep ha­barlady Qazaqstan Res­pýb­lı­kasy Prezıdentiniń bas­pasóz qyzmeti. Depýtattar Memleket bas­shysynyń usynysyn biraýyzdan qoldady. – Imanǵalı Tasmaǵambetovtiń basshylyq qyzmette mol tá­jirıbesi bar. Premer-Mınıstr, Memlekettik hatshy, Prezıdent apparatynyń basshysy bolyp ta­ǵaıyndaldy, Atyraý oblysynda, Almaty qalasynda ákim bolyp eńbek etti, endi qazir osynda qyzmet atqarýda. Men oǵan senemin, ol men úshin erekshe mánge ıe qalada, bizdiń basty qalamyzda úlken is jasap jatyr dep esepteımin, – dedi Prezıdent. Memleket basshysy ótken pre­zıdenttik saılaýda zor senim kórsetken astanalyqtarǵa rıza­shylyǵyn bildirdi. – Elimiz boıynsha ortasha eseppen alyp qaraǵanda, saı­laýǵa qa­tys­qandardyń arasynan astana­lyq­tardyń 95 paıyzy maǵan daýys berdi – bul osy qala qurylysy, ony kórkeıtý úshin istegen isimizge berilgen úzdik baǵa. Eń bastysy, saılaýdyń qorytyn­dylary búkil álemge Qazaqstan halqynyń birligin, bizdiń baǵy­ty­myzdyń durys­ty­ǵyn kórsetti. Qazaqstan halqy bizge senedi jáne bizdiń keleshek úmitimiz bá­ri­miz birge atqaratyn isterge baı­la­nysty. Osyndaı joǵary deń­geı­degi qoldaý bizdiń Táýel­siz­digimizdiń 20 jyldyǵy jylynda kórsetildi, bul kóp jáıtti ańǵartady. Biz qazir jalpy elimiz boıynsha jáne Astana kóleminde aldymyzǵa qoıǵan mindetterdi ta­bysty oryndaýda­myz. Qazaq­stan birqatar kórsetkish­ter boı­ynsha búginde álemniń báse­kege qabiletti 50 eliniń qataryna enip otyr. Desek te, óte kóp jumys kútip tur. Jáne de elimiz boı­ynsha jaǵymdy ózgerister, esh ásirelemeı aıtsaq, bizdiń elor­damyzdyń qarqyndy damýymen tikeleı baılanysty deýge bo­la­dy. Astana búginde – Qazaq­stan­nyń tabysy men jeńisiniń ny­shany, – dep atap kórsetti Memleket basshysy. – Maǵan kórsetken jáne kór­setip kele jatqan zor senimińiz úshin Sizge taǵy da shyn jú­re­gim­men alǵys aıtýyma ruhsat etińiz. Astana – bul, bárinen buryn, údemeli damyp otyrǵan qalanyń nyshany, bul bizdiń elimizdiń ál-aýqatynyń nyshany jáne elor­daǵa degen Sizdiń kóńilińizdiń erek­she kórinisi. Sizdiń Astanaǵa qarym-qatynasyńyz erekshe eke­ni shúbásiz, biz erekshe qam­qor­lyqtamyz. Osynyń bári bizdiń bá­rimiz úshin zor jaýapkershilik júkteıtini sózsiz jáne men biz ózimizde bar barlyq tájirıbemiz ben bilimimizdi Siz alǵa qoıǵan bıik mindetterdi oryndaý úshin jumsaı­ty­ny­myzǵa sendirgim keledi, – dedi I.Tasmaǵambetov. Máslıhattyń kezekten tys sessııasynda Memleket basshysy Astana ákimdiginiń ujymy aldy­na birqatar naqty mindetter qoı­dy. Birinshi kezekte, qalada ınvestorlarmen belsendi jumys­tar júrgizý kerek, sondaı-aq ındýs­trııalyq-ınnovasııalyq damý baǵ­darlamasynyń barlyq jospa­ryn oryndaýdy qamtamasyz etý qa­jet. Astanalyqtardy jumyspen qam­týǵa erekshe nazar aýdarý kerek. Nursultan Nazarbaevtyń tap­syrmasy boıynsha jyldyń aıaǵy­n­a deıin ótken jylǵy memlekettik baǵ­darlama boıynsha barlyq tur­ǵyn úı kesheniniń qurylysy aıaq­ta­latyn bolady, sondaı-aq úles­ker­lik qurylystyń 25 ny­sany, áleý­mettik nysandardy salý kestesi qatań baqylaýǵa aly­nady. Sony­men qatar, Astanada alǵashqy me­dı­sınalyq kómek salasyndaǵy ju­mys­tar jaqsara­tyn bolady, son­daı-aq jaqyn ornalasqan oblys­tar­men birlesip elordanyń azyq-túlik beldeýi baǵdarlamasyn iske asyrý jal­ǵasyn tabady. – Qalanyń basshylyǵyna, ákim Imanǵalı Tasmaǵambetovke, jáne sizderdiń barlyǵyńyzǵa olar­men bir komanda bolyp biz­diń elordamyzdy kórkeıtýde, salýda, ony zamanaýı ásem qalaǵa aınaldyrýda úlken nátıjelerge qol jetkizýlerińizdi tilegim keledi. Sizder árdaıym osy mindetti oryndap keldińizder, aldaǵy ýaqytta da solaı bolaryna senemin, sizderge myqty densaýlyq jáne zor tabys tileımin, – dedi Memleket basshysy.