Umytylmaıtyn sát

Elbasyn ulyqtaý sal­tana­tyna qatysý – men úshin ǵana emes, osy oqı­ǵaǵa úlesin qosqan barlyq sarbazdar úshin úlken már­tebe, abyroı. 8 sáýir – biz­diń ómirimizde eń este qa­la­tyn kún bolyp qa­la­dy. О́ıtkeni, Prezıdentti ulyq­taý sal­tanatyna qatysý eki­niń biriniń mańdaıyna ja­zyla bermeıtini sózsiz. Biz ulyqtaý saltanatynda qas qaqpaı qyzmet ettik. Al oǵan daıyndyqtyń ózi bir tó­be áńgime. Osy sharada bárimiz de otandas­ta­ry­myzdyń nazarynda bolatynymyzdy eskerip, oǵan bir adamdaı kún saıyn saǵattar boıy daı­yndaldyq. Qazir bizdiń boıymyzda ulyq­taý sharasynan keıin elimiz úshin, Qarýly Kúsh­te­rimiz úshin maqtanysh sezimi kernep tur. Mundaı jaýapty, syn saǵattarda syr bermeı aıtýly sharaǵa qosqan úlesimiz úshin bizdi daıyndaǵan Qarýly Kúshterimizge myń da bir alǵys. Áskerge ótken jyly Almaty qalasynan shaqyryldym. Osy ýaqyt ishinde áskerı tártiptiń ne ekenin, Otan aldynda qyzmet etý, áskerı boryshty óteýdiń mańyzdylyǵyn túsindim. Áskerde júrip, sonda ysylǵan sarbazdardyń bári erteńgi kúni elimiz úshin aıanbaı qyzmet etetinine senemin. О́ıtkeni, ásker eń aldymen adamnyń boıynda otansúıgishtik sezimdi qalyptastyryp, jınaqy da jigerli, sabyrly da shydamdy bolyp tárbıelenýine septigin tıgizedi. Men 3 sáýir kúni Qazaqstannyń bolashaǵy úshin Elbasyna daýys berdim. Bul tańdaýyma Prezıdenttiń táýelsizdik alǵan kezden beri elimizdi tórge súırep, halqymyzdyń baqytty ómir súrýine istep jatqan jumystary sebepshi boldy. Tımýr ISAMOLDA, Qurmetti qaraýyl rotasynyń bólimshe komandıri.