Keshe Premer-Mınıstr Kárim Másimov Qostanaıǵa keldi. Ol oblystyń aktıvin Elbasynyń Jarlyǵymen Qostanaı oblysynyń ákimi bolyp aımaqtyń burynǵy basshysy Sergeı Kýlagınniń qaıta taǵaıyndalǵanynan habardar etti.
Sergeı Kýlagın Qostanaı oblysyn jeti jyl basqardy. Respýblıkadaǵy oblys ákimderiniń arasynda bir oblys tizginin osynsha uzaq merzimge ustaǵan basshy da ózi eken.
Sergeı Vıtalevıch oblys ákimi laýazymyna qaıta taǵaıyndalýyn Elbasynyń ózine degen úlken senimi dep baǵalady jáne sol senim bıiginen tabylý úshin tapsyrǵan tapsyrmalardy júzege asyrýǵa bar kúsh-jigerin jumsaıtynyn aıtty.
Kárim Másimov Sergeı Kýlagındi quttyqtaı otyryp, alda kóńil bóletin máseleler men tapsyrmalardy da atap ótti. Kóktemgi dala jumystaryn ótkizý ákimniń alda atqaratyn basty jumysynyń biri bolmaq. Bıyl mal sharýashylyǵyn damytýǵa arnalǵan baǵdarlama bastalmaq. Úkimet basshysy oblys ákiminiń osy máselege kóńil bólýin jáne azyq-túlik baǵasyn qadaǵalaýdy tapsyrdy.
Názıra JÁRIMBETOVA.
Qostanaı.