Qazaqstan Respýblıkasynyń Premer-Mınıstri Kárim Másimov seısenbi kúni keshkilik О́skemenge kelip, Shyǵys Qazaqstan oblysynyń aktıv jıynyn ótkizdi. Jıyndy ashqan Úkimet basshysy Berdibek Saparbaevtyń oblys ákimi qyzmetine qaıtadan taǵaıyndalǵany týraly Elbasy Jarlyǵyn oqyp berdi.
Oblystyq ardagerler keńesiniń tóraǵasy G.Berdıýgın, «Imstalkom» kásipornynyń basshysy, oblystyq máslıhattyń depýtaty M.Labýkov Berdibek Máshbekulynyń eki jyl ishinde atqarǵan isterine joǵary baǵa berdi. «Jańa ǵana depýtattar korpýsy oblys ákiminiń kandıdatýrasyna biraýyzdan qoldaý bildirdi. О́ńirde údemeli ındýstrııalyq-ınnovasııalyq jobalar batyl óndiriske engizilýde, tek ótken jyly óńirde 15000-nan astam jumys orny ashyldy», dedi olar.
Úkimet basshysy K.Másimov B.Saparbaevty quttyqtap, Semeıdegi jylý berý qazandyqtaryn jóndeýdi jalǵastyrý, densaýlyq saqtaý, bilim berý salalaryna serpin qosý, shaǵyn jáne orta kásipkerlikti damytý, adamdardyń ál-aýqatyn jaqsartýda kóp izdenister tanytý qajettigin atap kórsetti. Údemeli jobalardy odan ári jalǵastyra berý kerektigi de sóz boldy.
Ońdasyn ELÝBAI.
О́skemen.