Keshe keshkilik oblysqa elimizdiń Úkimet basshysy Kárim Másimov keldi. Ol oblystyq ákimdikte ótken aktıv jıylysynda Prezıdenttiń usynysyna sáıkes oblystyq máslıhat depýtattarynyń kelisimimen qaıtadan taǵaıyndalǵan oblys ákimi Baqytjan Saǵyntaevtyń aldaǵy atqaratyn qyzmetine tabys, sáttilik tiledi.
Baqytjan Saǵyntaev óndiristi óńirdi úsh jyldaı ýaqyt basqaryp keldi. Oblystaǵy ındýstrııalyq-ınnovasııalyq aýqymdy baǵdarlamalardyń júzege asýyna úles qosty. Shalǵaı aýyldarǵa sandyq teledıdar habarlary jetti. Jańa mektepter, aýrýhanalar, balabaqshalar ashyldy.
Alqaly jıynda Baqytjan Saǵyntaev sóz alyp, ózine zor senim bildirgeni úshin Elbasyǵa alǵysyn aıtty jáne elimizdiń ekonomıkalyq áleýetiniń ósip-órkendeýindegi óndiristi oblystyń budan ári qaraı da tabys bıiginen túspeıtinin jetkizdi.
Jıyn sońynda Kárim Másimov qyzmetine qaıta taǵaıyndalǵan oblys ákimi Baqytjan Saǵyntaevqa aldaǵy ýaqytta da osyndaı bıik belesterden kórinýine tilektestik bildirdi.
Farıda BYQAI.
Pavlodar.