Keshe Kókshetaý qalasynda Aqmola oblystyq máslıhatynyń kezekten tys 32-shi sessııasy bolyp ótti. Kún tártibinde Aqmola oblysy ákimin taǵaıyndaý týraly másele qaraldy.
Sessııa jumysyna qatysqan Qazaqstan Respýblıkasynyń Prezıdenti Ákimshiliginiń Basshysy Aslan Mýsın depýtattar korpýsyna Elbasy N.Á.Nazarbaevtyń Aqmola oblysynyń ákimdigine Sergeı Dıachenkony qaıta taǵaıyndaý jóninde usynys bildirgenin málimdedi. Aqmolalyq depýtattar Elbasy usynysyn biraýyzdan qoldady.
Odan keıin oblys aktıviniń jınalysyn júrgizgen A.Mýsın Elbasynyń tıisti Jarlyqqa qol qoıǵanyn jetkizip, S.A.Dıachenkony Aqmola oblysynyń ákimi qyzmetine qaıta taǵaıyndalýymen quttyqtady. Ol Elbasy, Ult kóshbasshysy N.Á.Nazarbaevtyń joǵary senimin abyroımen atqaratynyna sendirip, óńir tynysyn memleket alǵa qoıǵan tapsyrmalar deńgeıinde jandandyrýǵa sóz berdi.
Aktıv jınalysynda A.Mýsın sóz sóılep, Elbasy Nursultan Nazarbaevtyń atynan kezekten tys prezıdenttik saılaýda joǵary belsendilik tanytyp, senim bildirgen aqmolalyqtarǵa alǵys sezimin jetkizdi.
Baqbergen AMALBEK.
Kókshetaý.