Tehnıkalyq jáne kásiptik bilim berý mekemeleriniń oqytýshylary úshin Samsung ınnovasııalyq akademııasynda arnaıy trenıng ótti. Oǵan Almaty qalasynda ornalasqan 15-ke jýyq kolledj oqytýshylary qatysyp, bilimderin tolyqtyryp qaıtty.
IT-trenıngten ótken oqytýshylar stýdenttermen jańa formatta jumys istep qana qoımaı, IT salasyndaǵy bilimderin arttyryp, aqparatty ózdiginen izdeý daǵdysyn damyta túspek. Jańa pán eńbek naryǵynyń ózekti talaptaryna negizdele otyryp, óndiriste bilim jınaýdyń álemdik tájirıbesine sáıkes jasalǵan eken. Baǵdarlama maqsaty – halyqqa jáne túrli kásiporyndarǵa sandyq teledıdarlardy, mobıldik qurylǵylardy, prınterler men ónerkásiptik jeldetkish júıelerdi jóndeý boıynsha servıstik qyzmetter usynatyn joǵary bilikti mamandar daıyndap shyǵarý. 2015-2016 oqý jylynyń ekinshi jartyjyldyǵynda ál-Farabı atyndaǵy QazUÝ-dyń tehnıkalyq kolledjinde synaqtan ótken jańa pándi Ortalyq Azııa tehnıkalyq-ekonomıkalyq kolledjiniń (OATEK) oqý-ádistemelik keshenderin ázirlegen oqytýshylary oqytpaq. Praktıkalyq bilim alýǵa múmkindik beretin zamanaýı tehnıkalyq jáne qosarly jabdyqtarmen jabdyqtalǵan Samsung zerthanasynda stýdentter túrli tehnıkalardy jóndeýden ótkizý tetikterin, tutynýshylarmen jumys isteý erejelerin úırenedi.
«Turaqty damýǵa yqpal etý» qoǵamdyq qorynyń bilim berý baǵdarlamalary jónindegi sarapshysy Natalıa Anısımovanyń aıtýynsha, trenıng el damýynyń jańa strategııasyna saı ázirlengen. «Elbasy bıylǵy Joldaýynda elimizdegi bilim berý salasyndaǵy ınnovasııalyq ádistemelerge qatysty oıyn aıqyn atap ótken bolatyn. Oqytý júıelerin, bilim berý ıntegrasııasyn, ǵylym men óndiristi damytý, sondaı-aq, jumys berýshiler men áleýmettik seriktestermen ózara baılanys arqyly tehnıkalyq jáne kásibı bilim berýdi damytý asa mańyzdy faktor bolyp tabylady», deıdi Natalıa Mıhaılovna.
Mıra BAIBEK,
«Egemen Qazaqstan»
ALMATY