Kóktemniń alǵashqy aıynda respýblıkamyzdyń shyǵysynda, soltústigi men ortalyǵynda jaýyn-shashyn normadan joǵary bolady, dep habarlaıdy «Qazgıdromet» RMK.
Málimetter boıynsha, qar men jańbyr Atyraý, Mańǵystaý, Qyzylorda, Batys Qazaqstan, Aqtóbe, Qaraǵandy, Ońtústik Qazaqstan jáne Jambyl oblystarynda jaýmaıdy.
Ortasha temperatýra normadan 1-2°S joǵary. Naýryz aıynyń ortasynan bastap aýa temperatýrasy kóterilip, soltústik bólikte 5-13 gradýs, ońtústik bólikte 13-23 gradýs jyly bolady.
Aýa raıynyń kúrt jylynýynan ózen-kólderdegi muz erte erýi múmkin.