Qazaqstan aýmaǵynda eki márte jer silkinisi boldy, dep habarlaıdy QazAqparat.
«QR BǴM Seısmologııalyq tájirıbe-ádistemelik ekspedısııasy» MM seısmıkalyq stansalar jelisi 9 naýryz kúni Almaty ýaqytymen 04 saǵat 33 mınýt 36 sekýndta jer silkinisin tirkegen bolatyn.
«Zilzala oshaǵy Almaty qalasynan soltústik-batysqa qaraı 407 shaqyrym qashyqtyqta Qazaqstan aýmaǵynda ornalasqan. Jer silkinisiniń energetıkalyq sanaty - 9.3. MPV baǵany boıynsha magnıtýdasy - 4.0. Tereńdigi - 10 shaqyrym. MSK-64 baǵany boıynsha sezilý týraly aqparattar túsken joq», - delingen taratylǵan habarlamada.
Sonymen qatar, «QR BǴM Ǵylym komıtetiniń Seısmologııalyq tájirıbe-ádistemelik ekspedısııasy» MM-nyń seısmıkalyq stansalar jelisi Almaty ýaqytymen 08 saǵat 00 mınýt 01 sekýndta bolǵan jer silkinisin tirkedi.
"Jer silkinisiniń oshaǵy Almatydan ońtústikke qaraı 326 shaqyrym qashyqtyqta, Qytaı men Qyrǵyz Respýblıkasynyń shekarasynda ornalasqan. Zilzalanyń energetıkalyq klasy -9.5. Terbelisi - MPV 4.1, tereńdigi - 5 shaqyrym. Zilzala dúmpýi Almatyda sezilgen joq», - dep habarlady STÁE.