Kóktemdi sezdirgen kerim kesh

Elordaǵa kóktemniń erte kelgenin osy konsert ústinde sezingendeı boldyq. Kúısandyqtan tógilgen áýezdi saz ásem únmen úılesip, ishki álemdi maqpaldaı jumsaq áýenimen áldıledi. Kóktemniń ózi ishteı yńyldaı aıtqan, kókeıde bulbuldan buqqan án eken ǵoı degen baılamdy oıǵa berilesiń. L.N.Gýmılev atyndaǵy Eýrazııa Ulttyq ýnıversıtetinde bolǵan "Kóktem sezim" atty konsertte dál osyndaı sezimdi bastan keshirgenimiz ras edi. Bul keshte jeke konsert ıesi, ope­ra ánshisi Kenjeǵalı Myr­jyq­ba­ev qazaq, shetel kom­po­zı­tor­la­ry­nyń kóktem, mahabbat, əıel­der­ge arnap jazylǵan vo­kal­dyq shy­ǵarmalaryn oryndady. Zal toly jasy, jasamysy bar kó­­­­rer­men bul joly ánmen ǵana sý­syn­damaı, ánshiniń jarasymdy ázi­li men taban astynda sýy­ryp aıt­qan tap­qyr shýmaqtaryna ezý tar­typ, ja­dy­­rap otyrdy. «Ázil túbi – zil» de­mek­shi, ánshi ataq­ty «Qar­lyǵash» ánin oryndaǵannan keıin, kókeıindegi mu­ńy­men de bólisýdi umytpady. «Mysaly, – dedi professor Kenjeǵalı Tur­syn­bekuly, – áneýbir tórt qyz osyny Ahańnyń – Ahmet Jubanovtyń kó­zin­she aıtsa, avtor óz ánin ózi tanymaı qalar edi-aý...». Fonogramma men jandy jep aı­tatyn jandy daýys arasyndaǵy jer men kókteı alshaqtyq jaıy da sóz boldy bul keshte... Ánshi men ánsúıer qaý­ym ara­syn­­da ádemi baı­­lanys ornaǵan edi. Avtor konsertte ər oryndaǵan shy­­­­ǵar­manyń ataýyn, qaı kom­­­po­zı­­­tor­­­diki jə­­ne sózi kim­­diki eke­nin ata­­­ǵan adamǵa óziniń CD kúı­ta­ba­ǵyn syıǵa tartyp otyrdy. Kórermen qaýymnyń perishte peıilinen qýat alǵan ánshi árbir ánin arýlarǵa degen izetpen, analarǵa degen qurmetpen áspetteı usyndy. Sodan bolar, degdar tyńdarman maestronyń jandy daýyspen naqyshyna keltire oryndaǵan dú­nıe­lerdi júrek qaqpasyn aıqara ashyp qabyl aldy. Yqylaspen soǵylǵan alaqan, roıaldiń ústin jaý­­yp ketken qushaq-qushaq gúl­des­­­te osynyń aıǵaǵy edi. Bul kesh­­­te Sydyq Muhamedjanovtyń «Qyr­­­manǵa kel, qal­qataıynan» bas­tap otyzǵa jýyq án oryn­daldy. Kon­­serttiń sońǵy núktesi, árı­ne, «Nur­ıkamalmen» qoıyldy. Roıal de­mekshi, ánshini syrly sazben súıe­­meldegen Lıýbov Glınkanyń da saý­saǵynan aınaldyq. Kózdi ashyp-jumǵansha óte shyq­qan kerim konserttiń so­ńyn­da sahna tórine atalǵan oqý or­nynyń prorektory Dıhan Qam­zabekuly, professorlar Na­ma­zaly Omash, Tursyn Jurtbaı já­­ne Qarjaýbaı Sartqojauly kó­terilip, Qazaqstannyń eńbek si­ńir­gen ártisi, atalǵan oqý ornyndaǵy «Káý­sar» mádenı-tanymdyq bir­les­tiginiń jetekshisi Kenjeǵalı Myr­jyqbaıǵa asyl óneri úshin al­ǵys aıtty. Áıdik ánshi úshin EUÝ-diń qus­tyń uıasyndaı ǵana zaly tarlyq ete­tindeı kórindi. Qulashty keńge ser­meıtindeı keńdeý zal, bıik sah­naǵa shyǵatyn kez jetken sııa­qty. О́ı­tkeni, klassıkalyq dúnıe su­ra­nys­tan kende bolǵan emes. Qaırat ÁBILDINOV, «Egemen Qazaqstan» ASTANA