Almatyda ótken XXVIII Dúnıejúzilik qysqy Ýnıversıadanyń mýltımedalısi Anna Shevchenko Pavlodar qalasynan eki bólmeli páterge ıe boldy. Jaqynda oblys ákimi Bolat Baqaýov sportshyǵa jańa páterdiń kiltin tabys etti.
О́ńir basshysy óz sózinde Ýnıversıadaǵa qatysqan pavlodarlyq sportshylardyń aıaq alysyn jiti baqylaǵanyn atap ótti. Sondaı-aq, el qorjynyna 5 júlde salǵan Anna Shevchenkonyń tabandylyǵyna tánti bolǵanyn jetkizdi.
A.Shevchenko Ýnıversıadadan keıin Estonııa jáne Fınlıandııa elderinde ótken halyqaralyq jarystarǵa qatysty. Onyń endigi maqsaty – keler jyly Koreıa Respýblıkasynda uıymdastyrylatyn qysqy Olımpıadaǵa joldama alý. Sondyqtan, ol tórt jyldyqtyń basty dodasyna tyńǵylyqty daıyndyqty bastaıdy.
A.Shevchenko – XXVIII Dúnıejúzilik qysqy Ýnıversıadada Qazaqstan quramasyna alǵashqy júldeni syılaǵan sportshy. Sondaı-aq, Almatyda 5 medaldan enshilegen eki sportshynyń biri – osy Shevchenko. Ol reseılik shańǵyshy Lılııa Vasılevamen birge jeńis tuǵyryna bes ret (1 altyn, 1 kúmis jáne 3 qola) kóterildi. A. Shevchenko úsh qolany jekeleı synda ıelense, altyn men kúmisti komandalyq jarystarda oljalaǵan.
A.Shevchenko – bir Ýnıversıadada 5 medal utqan alǵashqy qazaqstandyq sportshy-stýdent. Buǵan deıingi rekord shańǵyshy Anastasııa Slonovaǵa tıesili edi. Ol osydan eki jyl burynǵy qysqy Ýnıversıadada 2 altyn men 2 kúmisti, jalpy 4 medaldy moınyna ilgen-di.
Farhat ÁMIRENOV,
jýrnalıst
PAVLODAR