Áleýmettik áriptestik kepili

ÚShJAQTY KELISIMNIŃ ORYNDALÝYNA BAILANYSTY Qazaqstan Respýblıkasynyń Ata Za­ńynda árkimniń eńbek etý bostandyǵyna, qyzmet pen kásip túrin erkin tańdaýyna qu­qyǵy bar ekeni atap kórsetilgen. Al, ómirde kezdeısoq jaılar bolatynyn eskersek, eńbek adamynyń quqyǵyn qorǵaý qajettigi týyndaıtyn kezder de kezdesedi. Bul másele kásipodaq uıym­darynan qoldaý taýyp, úshjaqty kelisim nátıjesimen sheshiletinine kóz jetkizildi. О́ńirde ótken jyly 37 adam jumys ornynda zardap shekse, onyń 18-i aýyr jaraqat alyp, eńbekke jaramsyz retinde tirkelgen. Úshjaqty kelisim arqasynda osy azamattardyń quqyqtary qorǵa­lyp­ty. 2008-2010 jyldary aralyǵynda at­qarylǵan jumys qorytyndysy shyǵa­rylyp, aldaǵy mindetter aıqyndaldy. Kásipodaq qyzmetin qaıta jandan­dy­rý qajettigin kótergen Myrzaǵalı Mol­dahmettiń basshylyǵymen óńirdegi kópte­gen mekemelerde kásipodaq uıymdary ju­mys isteýde. Olardyń jumys berýshiniń jalaqyny ýaqtyly tóleýin, jumys­shy­larǵa áleýmet­tik-turmystyq jaǵdaı jasaý men eńbekkerlerdiń quqyǵyn qorǵaý jáne eńbek zańynyń oryndalýyn qatań ba­qy­laıtynyn aıtýǵa bolady. Nátı­je­sinde qan­shama azamat óz quqyqtary qor­ǵalýyna jol ashsa, ózge de máseleler sheshimin tabýda. Bul úshjaqty kelisimdegi negizgi tar­maqtardyń biri. Kelisim aıaq­ta­lyp, ótken jumysqa esep berilip, jańa­syn taldaǵan basqosýdaǵy ózekti másele osy­ǵan tireldi. Almaty kásipodaqtar odaǵynyń tór­aǵa­sy Myrzaǵalı Moldahmet ár jumysshy óz quqyǵyn bilýi tıis, sonda ǵana daýly másele bolmaıdy, dedi. Úshjaqty kelisim – áleý­mettik áriptestiktiń negizi. Almaty ob­ly­sy­nyń ákimi, Almaty kásipodaqtar oda­ǵy já­ne Jetisý óńiriniń jumys berýshiler birles­tikteri 2008-2010 jyl­dar­ǵa úshjaq­ty kelisimge otyrǵan. О́tken jyl­dar ara­ly­ǵyn­daǵy kelisim merzimi aıaq­taldy. Osy ara­lyqta halyqty áleýmettik qorǵaý, olardyń tabysy men ómir súrý deńgeıi, eńbek qaýip­sizdigi jáne basqa da áleý­mettiń áleýetin kó­te­rýge baǵyttalǵan ju­mystar jaıly esep­ter tyńdalyp, kóp­tegen jaılar ortaǵa salyndy. Oblystyq jumyspen qamtýdy úı­les­tirý jáne áleýmettik baǵ­darlamalar bas­qarmasynyń bastyǵy Umsyn Balabıeva áleýmettik saladaǵy atqarylǵan jumys qorytyndysy jaıly aıtty. Má­selen, ót­ken jyldary óńir halqyn ju­myspen qam­tý, jańa maman­dyqtarǵa oqy­tý, jastardy kásibı daıarlaý bary­syn­daǵy jumystar jandana túsipti. Osy­laısha bólingen qa­rajat tıimdi jum­salyp, myńdaǵan jumys orny ashyl­ǵa­nyn aıtqan jón. Úshjaqty kelisimniń taǵy bir baǵyty – balalar quqyǵy. Olardyń bilim alyp, demalystaryn tıimdi ótkizýine baǵyt­tal­ǵan sharalardyń óz deńgeıinde bolýyn qa­daǵalaý óz jemisin bergen. Talaı jyl­dar­dan beri aıtylǵan balalarǵa arnalǵan demalys lagerleri jaıly ózekti másele de úshjaqty kelisim nátıjesinde sheshimin tabatyndyǵy. Endi balalar burynǵydaı mektep janyndaǵy lagerlerde demal­maı­dy. Ásem tabıǵat aıasynda arnaıy lager salý jedel qolǵa alynýda. Úshjaqty kelisim jalǵasyn tabady. On­yń maqsaty men múd­desi jetisý­lyq­tardyń erteńgi ómirin qalyptastyrýǵa negizdelýde. Kúmisjan BAIJAN. Almaty oblysy.