Qytaıdaǵy órtti 7,5 myń adam sóndirýde

О́temaqy tóleý jospary ázirlenýde «Fýkýsıma-1» atom elektr stansa­sy­nyń operatory TERSO kompanııasy ózine qarasty AES-tegi apat saldarynan bolǵan shyǵynǵa ótemaqy tóleý jos­pa­ryn jasaý jumysta­ryn bastady. Osynyń aldynda agenttik jergilikti buqaralyq aqparat quraldaryna silteme jasaı otyryp, apat saldarynan bolǵan shyǵyndarǵa tólenetin ótemaqy kólemi al­dyn ala esep boıynsha 2-3,8 trıllıon ıen (24-45 mlrd. doll.) bolady dep habarlaǵan edi. Sol sııaqty TERSO-nyń top-mened­jeri M.Sımısý AES operatorynyń ótemaqy shyǵyndaryn bó­lisý tý­raly birqatar japondyq energetıkalyq kompanııa­lardyń usy­nystarymen óziniń tanys emes ekenin de málimdegen. MÚBÁRAK 15 TÁÝLIKKE QAMAÝǴA ALYNDY Egıpettiń bas prokýratýrasy eldiń burynǵy prezıdenti Hosnı Múbárak pen onyń balalarynyń qamaýǵa alynǵany týraly habarlady. Associated Press agenttiginiń habar­laý­yn­sha, Egıpettiń eks-prezıdenti Múbárak 15 táý­likke qamalǵan. Sol sııaqty onyń balalary da 15 táýlikke qamaýǵa alyndy. Osyǵan deıin Múbáraktyń otbasy Sharm-el-Sheıh qalasynda úı tutqynynda otyrǵan bolatyn. Tergeýshige jaýap alýǵa shaqyrylǵan kezde 130 shaqyrym jol júrýge májbúr bolǵan eks-prezıdenttiń aıaq astynan qan qysymy kóterilip, jú­rek soǵysy nasharlap ketkendikten, ol aýrýhanaǵa jatqy­zyl­ǵan-dy. Jaǵdaıy jaqsara salysymen tergeýshi tikeleı aýrýhanada jaýap alýdy bastaǵan. ChERKESTER KADDAFIGE KО́MEKTESPEK Cherkestik qoǵam qaıratkerleri ishki oppozısııaǵa qarsy kúreste Lıvııa dja­mı­hırııasynyń kósemi Mýammar Kaddafıge ózderiniń kómekterin usynyp, ashyq hat joldady. Soltústik Kavkazdan shyqqan musylmandar bolyp tabylatyn cherkes halqy búginde búkil álemge tarap ketken. Onyń dıas­poralary Túrkııada, Sırııada, Izraılde jáne Lıvııada turady. Dıasporanyń eń irisi Reseıde qonys tepken. Biz orys-cherkes soǵysy kezinde osy elge qashqan cherkesterdi shyn júrekten qarsy alǵan Lıvııaǵa kómektesý arqyly ózimizdiń bo­ryshymyzdy ótegimiz keledi, dep málimdegen cherkes qaırat­ker­leriniń máji­lisine qatysqan Aslan Beshto. MIGRANTTAR EÝROODAQQA JIK SALDY Soltústik Afrıkadan Eýroodaqqa aǵ­yl­ǵan zańsyz mıgrasııa tasqyny blokqa múshe 27 eldiń ishki ister mınıstrleriniń kezdesýin ýshyqtyryp jiberdi. Kóptegen mınıstrler shekaralyq baqy­laýdy kúsheıtip, Italııada ýaqytsha turýǵa ruqsat alǵan 20 myńǵa jýyq týnıstikterdi óz aýmaqtaryna jibermeý jóninde sheshim qabyldap, Fransııanyń jaǵyna shyqty. Oǵan  jaýap retinde Rım Shengen aımaǵy men búkil Eýroodaq ıdeıa­sy­nyń kúıreıtindigi týraly aıta bastady. Biz kórshilerden yn­tymaqtas bolýdy suradyq, al Eýropa bizge ózderiń sheshińder dep jaýap berdi. Mundaı jaǵdaıda Eýroodaqqa múshe bolýdan qandaı da bir maǵyna bar ma, dep atap kórsetti Italııa ishki ister mınıstri Roberto Maronı Lıýksembýrgtegi kezdesý qorytyndysynda. KELISSО́ZDERDI QAITA BASTAÝǴA ShAQYRDY BUU Bas hatshysy Pan Gı Mýn Koreıa túbegindegi janjaldasýshy elderdi únqa­ty­sýdy qalpyna keltirip, óńirdegi shıelenisti báseńsitý úshin qyzmettestikti ke­ńeıte túsýge shaqyrdy. Pan Gı Mýn ıadrolyq problema jónindegi alty jaqty kelissózderdi neǵurlym tezirek qaıta bastaý kerek dep esepteıdi. «Altylyqtyń» kelissózderi Reseıdiń, Qytaıdyń, Japonııanyń, AQSh-tyń KHDR-diń jáne Ońtústik Koreıanyń dıplomattarynyń qatysýymen 2003 jyly bastalǵan bolatyn. Pan Gı Mýn Ońtústik Koreıanyń syrtqy ister jáne syrtqy saýda mınıstri laýazymynda bolǵan 2004-2006 jyldardaǵy kezeńde ǵana kelis­sóz­­der­de tabystarǵa qol jetkizilgen edi. Qytaıdyń soltústiginde 7,5 myńnan astam adam, negizinen áskerı qyzmet­shiler men polıseıler, ormandy órtten qorǵap qalý úshin kúsh salýda. Hebeı provınsııasyndaǵy orman alqa­byn­daǵy órt ótken seısenbi kúni bastalǵan. Bastapqy órt sóndirý sharalary nátıje bermegen, sóıtip, tańǵa jýyq ot-jalyn ormannyń 133 gektar ýchaskesin qamtyǵan. О́rt­ten zardap shekkender týraly málimet joq. Qytaıdyń ortalyq provınsııalarynyń biri bolyp tabylatyn Hebeıde sońǵy aılarda meılinshe qurǵaqshylyq bolyp turǵanyn aıta ketý kerek. TERAKT JASADY DEGEN KÚDIKTI USTALDY Belarýs Respýblıkasynyń astanasy Mınsk qalasyndaǵy metroda bolǵan ter­rorlyq aktini jasady degen kúdikti ustaldy. Bas prokýratýranyń ókili Andreı Shved­­tiń jýrnalısterge habarlaǵanyndaı, jas adamnyń jarylysqa qatysy bar ekendigi is júzinde dálel­dengen. Ony ol adamnyń aıtqandary da, syrtqy baqylaý kame­rasyndaǵy jazbalar da rastap otyr. Tergeý tobynyń basshysy jarylysty oryndaýshynyń 1986 jyly týǵan jigit ekenin habarlaǵan. Sol sııaqty jarylysty oblys ortalyǵynan kelgen jastardyń jasaǵandyǵy týraly da áńgimeler bolǵan. Biraq qaı oblystan ekendigi naqty­ly aıtylmaǵan kórinedi. Internet materıaldary negizinde ázirlendi.