Kendi Altaıda sońǵy eki kúnde aýa raıy kúrt ysyp, 25 gradýstan asty. Bıik taýlar men qyrattarda jatqan qalyń qardan bastaý alatyn Úlbi ózeniniń deńgeıi kóterilip, keshe jańa Sógir kentiniń 400-ge tarta turǵyn úılerin sý basty. Ázirshe baıbalam salatyn eshnárse joq. Eger aldaǵy kúnderi de kún ysysa, qaýip kúsheıýi múmkin. Onyń ústine taýly aımaqtarda qar kóshkini júrip jatyr.
Sársenbi kúni oblys ákimi Berdibek Saparbaev úılerin sý basqan adamdarmen áńgimelesip, qoldan kelgen kómekterin aıamaıtyndaryn aıtty. Jeke menshik úıleri bar turǵyndar qora-qopsylaryn sýdan tazartyp jatyr. Alǵashqy kómek te kelip jetti.
Bıyl oblys aýmaǵynda qar qalyń jaýdy. Sondyqtan saqtyq sharalary aldyn ala jasalǵan-tyn. Soǵan qaramastan, óńir basshysy tıisti mekemeler basshylarymen kezdesý ótkizip, qajetti mólsherde tehnıkanyń ázir turýyn muqııat tapsyrdy.
Ońdasyn ELÝBAI.
О́skemen.