«Sholpan» jýrnaly kitap bop shyqty

1922-1923 jyldary Tashkent shaharynda shyǵyp turǵan «Sholpan» jýrnaly tóte arab jazýy­nan kırıllısaǵa kóshirilip, jeke kitap bop shyqty. Jýrnaldyń segiz nómirin túgeldeı túpnusqa­larynan qazirgi qazaq qarpine túsirgender – Muhtar Áýezov atyndaǵy OQMÝ ýnıversıtetiniń dosenti, tarıh ǵylymdarynyń kan­dıdaty Sársebaı Káribaev pen OQO saıası qýǵyn-súrgin qurban­dary mýzeıiniń ǵylymı qyzmet­keri Nursulý Tóleeva. «Sholpan­ǵa» izdeý salyp, О́zbekstannyń memlekettik muraǵatynan kóshir­melerin aldyryp, kitap bolyp shyǵýyna deıin basshylyq jasa­ǵan – Shymkenttegi saıası qýǵyn-súrgin mýzeıiniń dırektory Hanbıbi Esenqaraqyzy. Jaqynda osy mýzeıde jýr­nal­dyń baǵaly mádenı muraǵa aınalǵan kitaby – «Sholpannyń» tusaý­keseri uıymdastyryldy. Qa­rap otyrsa­ńyz, talaı-talaı nár­­sege qanyǵa­syz. «Sharýashy­lyq», «Partııa tirshiligi», «Áde­bıet bólimi», «Saıasat bólimi», «Bilim bólimi», «Tarıhı bólim» sııaqty aıdarlardyń aıtar syry mol desek, Maǵjan Juma­baevtyń «Batyr Baıany» men «Shol­pannyń kúnási» áńgimesi, Muhtar Áýezov­tiń «Qyr áńgimeleri», Shá­kárim­niń, Sákenniń, taǵy basqa tul­ǵa­­lar­dyń týyndylary tuńǵysh ret osy «Sholpanda» jarııalanǵan. Tusaýkeserde ǵalymdar Ý.Bıshimbaev, Q.Ergóbek, Á.Musa­qulov, Á.Qalybekova, B.Tileýberdıev, S.О́mir­zaqov, aqyn-jazýshy­lar M.Baıǵut, N.Begalyuly, Q.Tóretaıuly jáne taǵy basqalar oı-pikirlerin bildirip, jınaqtyń taǵylymdy mán-mańyzyna jan-jaqty toqtaldy. «Egemen-aqparat».