Keshe keshkilik el óńirlerinde jumys babymen bolyp qaıtqannan keıin Premer-Mınıstr Kárim Másimov tabıǵı jáne tehnogendik sıpattaǵy tótenshe jaǵdaılardy joıý úshin 2011 jylǵa respýblıkalyq bıýdjette qaralǵan Úkimet rezervinen Batys Qazaqstan oblysyna qarjy bólý týraly qaýlyǵa qol qoıdy, dep habarlady Premer-Mınıstrdiń baspasóz qyzmeti.
Qaýlyǵa sáıkes 870 000 000 mıllıon (segiz júz jetpis mıllıon) teńge Tótenshe jaǵdaılar mınıstrligine Batys Qazaqstan oblysy ákimdigimen birlesip, 2011 jyldyń kóktemgi sý tasqynynyń tótenshe jaǵdaılaryn joıýǵa baılanysty halyqtyń ómir súrýin qamtamasyz etetin nysandarda jóndeý-qalpyna keltirý jumystaryn júrgizý úshin bólindi.
Bólingen qarjynyń maqsatty paıdalanylýyna baqylaý jasaý Qarjy mınıstrligine júkteldi.
Batys Qazaqstan oblysynyń ákimine 2011 jyldyń 10 qarashasyna deıingi merzimde bólingen qarjynyń maqsatty paıdalanylýy jóninde esep usyný mindetteldi. Qaýly qol qoıylǵan kúninen bastap kúshine enedi