Halyqqa qyzmettiń úzdik úlgisi

Eli sengen Elbasy, mine, el tizginin qaıta qolyna aldy. О́z basym, sáýirdiń 3-i kúngi kezekten tys prezıdenttik saılaýda saılaý­shylar­dyń 95 paıyzdan astamynyń qol­daý­yn alǵan Nursultan Ábish­uly­nyń bul jeńisi is júzinde 20 jyl boıy halqyna qaltqysyz qyzmet et­ken eren eńbeginiń jemisi dep sa­naımyn. Osy oraıda, men ózim tanyǵan Elbasynyń úsh qasıeti týraly aıtýdy jón kórip otyrmyn. Meni eń aldymen Elbasynyń qyraǵy­ly­ǵy qaıran qaldyrady. Osydan týra 14 jyl buryn elimizdiń astanasy Arqa tósine aýysady degende, býy­nyp-túıinip kelgen kóshtiń orta­syn­da men de boldym. Qyzmetke kiristik. Kún-tún demeı jumys ja­sa­dyq. 300 myńǵa turǵyny áreń jetetin shahardyń búgingideı ásem qa­laǵa aınalaryna alǵashynda men de kúdikpen qarap edim. Tek qana Elba­sy­myzdyń kóregendigi arqasynda Astana álemdegi qaýqarly qala­lar­dyń birine aınaldy. Ekinshi bir qa­sıeti – qaısarlyǵy tańdandyrady. Á degennen, qoǵamdy dendep, tun­shyqtyryp bara jatqan uıymdas­qan qylmystyq toptardyń kózin joıý­dy talap etti. Jeń ushynan jal­­ǵasqan jemqor­lyqpen kúresti qolǵa aldy. El ta­baldyryǵynan esirt­­kiniń enbeýin tapsyrdy. Osy­nyń arqasynda kó­shedegi buzaqylyq kemip, eldiń kóńili tynyshtaldy. Jurttyń qu­laǵy jastyqqa tıgende ýaıymsyz kóz iletin boldy. Eldiń áleýmettik ahýalyn kóterý úshin bız­nestiń baqshasyn gúldendirdi. Árbir adam­ǵa óz kásibin dóńgeletý úshin ba­ryn­sha jaǵdaı jasady. Mem­le­kettik organdardyń tarapy­nan jasalǵan qysymdy shektep, ká­sipkerlerge kedergi keltiretin bar­lyq tetikterdi alyp tastady. So­nyń arqasynda biraz jurt bız­nes­tiń ne ekenin túsinip, otandyq taýarlar óndirisiniń kósegesin kógert­ti. «Syrt kóz – synshy» degen. Talaı shet memleketter men halyqara­lyq uıymdar jańadan táýelsizdik alyp «táı-táı» basqan jas mem­le­kettiń aıaq alysyna syn kózben qarap, demokratııalyq ınstıtýttar­dyń qalaı damıtynyn baqylap otyrdy. Nursultan Nazarbaevtyń tulǵalyq qasıeti, onyń ózge memleket basshylarymen senimdi árip­tes­tik, kirshiksiz dostyq ornatýy Qa­zaq­stan atyn álemge pash etti. EQYU-ǵa tóraǵalyǵyna Qazaqstan saılanyp, qazaq jerine álemniń alpaýyt elderiniń birinshi basshy­larynyń taban tireýi jáne bul tarıhı kezdesýdiń abyroımen ótýi tek Elbasymyzdyń arqasynda bolǵan qubylys desek artyq aıtqandyq emes. Men jastaıymnan temirdeı tártipke baǵynyp, sapta júrip eseıgen azamatpyn. Prezıdenttiń al­dynda adal eńbek ettik. Bola­shaq­ta da el muraty úshin qaltqysyz qyzmet jasaýǵa ázirmiz. Biraq men halyq aldynda tik turyp, qyzmet etýdiń máneri qalaı bolý kerektigin Elbasymyzdyń aldyna barǵanda túsindim. Tabıǵı tákapparlyǵy taýdaı bolǵanmen, halqynyń aldynda rııasyz kóńili men meıirimdiligi sezildi maǵan. Kózderinen ushqynda­ǵan jalyn bolashaqtyń esigin qaǵyp turǵandaı áserde qaldym. Bul kisimen kez kelgen taýdy qoparyp, talaı bıikti baǵyndyrýǵa bolatynyn baıqadym. Mine, bizdiń Elbasy osyndaı tulǵa retinde árdaıym qurmet sezimin týǵyzady. Marat DEMEÝOV, Astana qalalyq ishki ister departamentiniń bastyǵy,  polısııa general-maıory.