Brondy «Arlan» dóńgelekti mashınasy synaqtan ótti

Elimizdiń Qarýly Kúshteri qataryndaǵy Qurlyq áskerleriniń qarý-jaraq qoryna kelip túsken jańa otandyq ónim – brondy «Arlan» dóńgelekti mashınasy synaqtan ótti. «Shyǵys» polıgonynda qazaqstandyq brondy kóliktiń áskerı múmkindikteri qysqy qatal aýa raıy jaǵdaıynda tekserildi. Synaq barysynda áskerı qyzmet­shiler brondy mashınamen eń aldymen qalyń qarmen júrip ótti. Muny Qorǵa­nys mınıstrliginiń terrorızmmen kúres desanttyq toby júzege asyr­dy. Tájirı­bede otandyq «KAE» kásiporny­nyń «SARP» áskerı modýliniń atqysh jıyntyǵy paıdalanyldy. Iаǵnı, «Arlan» Kalashnıkov avtomaty, Dra­gýnov myltyǵy jáne OSV-96 iri kalıbrli myltyǵymen atqylanyp, bron­dy kóliktiń beriktigi tekserildi. Nátı­jesin­de, otandyq ónimniń jeke qu­ram­nyń qaýipsizdigin qamtamasyz etetin, óte joǵary sapaly, manevrli jáne myqty qorǵanysy bar ekendigi dáleldendi. Aıta ketý kerek, «Arlan» – bul mınaǵa qarsy qorǵanysy kúsheıtil­gen kóp baǵytty brondy dóńgelekti teh­nıka. Mundaı mashınalardan ońaı­lyqpen oq ótpeıdi ári jarylǵysh zat­qa tótep bere alady. Salmaǵy 16 ton­nalyq brondy kólik «Arlannyń» jyl­damdyǵyna keler bolsaq, saǵatyna 100 shaqyrym qashyqtyqty basyp óte alady. Tipti, -50⁰S-tan +50⁰S-qa deıingi temperatýrada da buzylmaı júre beredi. «Arlannyń» jan-jaqty elektrondy-optıkalyq júıesiniń áskerı modýli keremet jasaqtalǵan. Mamandardyń aıtýynsha, ol jylý beretin kameramen, kúndizgi kórý kamerasymen, lazerlik alysty ólsheýshi quralmen, kez kelgen klımattyq jaǵdaıda, túngi jáne kúndizgi ýaqytta baqylaýǵa, barlaýǵa jáne kózdep atýǵa múmkindik beredi eken. Qazaqstan Qarýly Kúshteriniń talap­­tary men usynystaryn eskergen «Qazaqstan Paramaýnt Injınırıng» JShS-niń qurastyrýshy bıýrosynyń jergilikti mamandary «Arlan» brondy mashınasyn jasap, otandyq ónim retinde tuńǵysh ret shyǵaryp otyr. Ony tehnıkalyq synaý sátine jýrnalıster arnaıy shaqyryldy. Al «Arlan» synaǵyna qatysqan «KAE» JShS – túngi, kúndizgi kórý kameralaryn, barlaý modýl­derin, áskerı radıobaılanys quraldaryn jasaı­­tyn elimizdegi birden-bir kásip­oryn. «Qazaq­stan Paramaýnt Injı­nırıng» bolsa, áskerı brondy dóńge­lekti kólikterdiń túr-túrin shyǵa­ra­tyn Orta­lyq Azııadaǵy eń iri kásip­oryn bolyp tabyla­dy. Atalǵan kásip­oryn­dardyń birikken is-qımyl­dary­nyń nátıjesinde «Arlan» brondy tehnıkasy búginde synaqtan sátti ótti. Raýshan NUǴMANBEKOVA, jýrnalıst SEMEI