Qazirgi tańda shynynda da memleket aldynda asa kúrdeli mindet tur.
Kásipkerlikti damytýǵa memleket-jekemenshik áriptestigi aıasyn keńeıtý zor múmkindik beredi. О́zektilik – birqatar memlekettik qyzmetter kórsetý mindetin bızneske berý isine qatysty bolyp otyrǵany ras. Memleket mektepke deıingi oqytý men tárbıe isiniń durys jolǵa qoıylýyn qamtamasyz etýde.
О́tken 3 jylda memleket 40 myń orynǵa arnalǵan 189 balabaqsha salsa, jekemenshik sektor 100 myń orynǵa arnalǵan 1300 balabaqsha ashty. Men úshin osy sektordaǵy memleket-jekemenshik áriptestiginiń úlgisi óte mańyzdy. Bul asa mańyzdy jalpyulttyq mindetterdiń biri – 3-6 jas aralyǵyndaǵy balalardy mektepke deıingi bilim berýmen 2020 jylǵa qaraı júz paıyz qamtý máselesin memleket pen bıznes birlese sheship otyrǵanyn kórsetedi» delingen bıylǵy Elbasy Joldaýynda.
Semeı qalasynda da sońǵy kezde kóptegen balalardy damytý ortalyqtary, balabaqshalar ashylyp jatyr. Ásirese, halyq kóp qonystanǵan «Iýnost», 343 jáne 35-kvartal aýdandarynda ashylǵan sońǵy úlgidegi balalardy damytý ortalyǵynda mektepke deıingi tárbıe, oqytý salasy ońtaıly jolǵa qoıylǵan. Bul ortalyqtarǵa kelgen balalarǵa qazaq tilimen qatar, aǵylshyn tilin meńgertý de jas ereksheligine saı qolǵa alynǵan. Árıne, qazaq jáne orys toptarynyń tárbıeshileri baldyrǵandardy jan-jaqty damytyp, ósirýge atsalysýda. «Jumyla kótergen júk jeńil» demekshi, ár azamat Elbasy Joldaýyndaǵy tapsyrmalar men mindetterdi oryndaýda ózindik úlesterin qosýy qajet.
Natalıa FESENKO,
Semeı qalalyq bilim bóliminiń bastyǵy
SEMEI