16 sáýirde Nıgerııada prezıdenttik saılaý bolyp ótken edi. Onda is basyndaǵy prezıdent Gýdlak Djonatan aıtarlyqtaı basymdyqpen jeńiske jetti dep jarııalanǵan-tyn. Al ekinshi úmitker Muhammad Býharı daýys berý nátıjeleri durys eseptelmedi dep óziniń narazylyǵyn bildirgen edi.
Sóıtip, Býharıdiń jaqtastary Kadýn qalasynyń kóshelerine shyqty. Osylaısha Afrıka qurlyǵynda taǵy bir turaqsyzdyq oshaǵy paıda bolǵan syńaıly. Qaqtyǵystar saldarynan eki adam qaza tapty degen aqpar bar. Osy arada Djonatannyń hrıstıan dininiń ókili, al Býharıdiń musylman dininiń ókili ekenin aıta ketken jón.
DEMONSTRANTTARǴA QARSY OQ ATYLDY
Sırııanyń Homs qalasynda tártip saqshylary beıbit narazylyq aksııasyn kúshpen tarqatty. Manıfestanttardyń sózderine qaraǵanda, narazylyq aksııasyna shamamen 10 myń adam qatysqan. Olar qalanyń bas alańyna jınalyp, elde prezıdent Bashar Asadtyń rejimi aýysqansha oryndarynan tapjylmaıtyndyqtaryn málimdegen bolatyn.
Keshqurym Homsty kúsh qurylymdary qorshaýǵa aldy. Qalanyń syrtyna úsh qatardan turatyn tosqaýyl beketteri qoıyldy. Aksııa ótip jatqan alańǵa kelgen quqyq qorǵaý organdarynyń ókilderi jınalǵandardan ketýdi talap etti. Aıtqandaryna qulaq asar eshkim tabylmaǵan soń, olar aksııaǵa qatysýshylarǵa qarsy oq atty. Qarý qoldaný saldarynan 30 shaqty adam qaza tapqan degen derek bar.
KARIMOV PARLAMENTTIŃ О́KILETTIGIN KEŃEITTI
О́zbekstan prezıdenti Islam Karımov el konstıtýsııasyna parlamenttiń quqyǵyn keńeıtetin túzetý engizdi. Jańa redaksııaǵa sáıkes endi parlamenttik kópshilik úkimet basshysynyń kandıdatýrasyn usyný quqyǵyna ıe bolady. Buǵan deıin premer kandıdatýrasyn prezıdenttiń ózi usynyp kelgen edi.
Sondaı-aq konstıtýsııaǵa parlamentshiler úkimet basshysyna senimsizdik tanytatyn votým engizilip otyr. Sáıkes sheshim eger usynysty tómengi jáne joǵary palatalar depýtattarynyń úshten ekisi qoldaǵan jaǵdaıda qabyldanady. Sonymen qatar, prezıdent qandaıda bir sebeppen óz mindetin atqara almaǵan jaǵdaıda bılik tizgini senat tóraǵasyna beriledi. Buryn bul jáıt naqtylanbaǵan edi.
PREZIDENTTIKKE TÚSÝGE ShEShIM QABYLDADY
Reseı Federasııasy Kommýnıstik partııasynyń serkesi Gennadıı Zıýganov 2012 jylǵy prezıdenttik saılaýǵa túsetinin málimdedi. Onyń sózine qaraǵanda, kandıdatýrasyn RFKP-nyń birqatar óńirlik bólimsheleri usynyp úlgergen. Al biraq onyń prezıdenttikke túsýin tek partııa sezi ǵana sheshe alady.
О́ziniń múmkindigin baǵalaı kelip, G.Zıýganov jurtshylyqtyń «Edınnaıa Rossııaǵa» antıpatııasyna úmit artatynyn kóldeneń tartty. Jalpy, ol Reseı prezıdenttigine 3 ret túsken bolatyn. 1996 jyly B.Elsınge, 2000 jyly V.Pýtınge, al 2008 jyly D.Medvedevke jol bergen edi. Onyń sheshimin jeńilgen kúreske toımaıdy dep baǵalaýǵa bolatyndaı.
EŃ QYMBAT PÁTERLER IESI – ÝKRAINALYQ BAI
Londondaǵy eń qymbat turǵyn úı keshenindegi apartament ıesi ýkraınalyq mıllıarder Rınat Ahmetov bolyp tabylady. Ol sý jańa eki páterin 136 mıllıon fýnt sterlıngke (shamamen 221,2 mıllıon dollar) satyp alǵan kórinedi.
Bıznesmen atalǵan keshennen jalpy aýmaǵy 2300 sharshy metrdi quraıtyn úsh deńgeıli eki páter satyp alypty. Ol páterlerin jóndep-árleýge taǵy 60 mıllıon fýnt sterlıng jumsaımyn dep otyr eken. «Forbs» jýrnalynyń reıtıngisine sáıkes, sáýir aıynyń basynda R.Ahmetov eń baı ýkraınalyq bolyp tanylǵan.
TORNADODAN KEMINDE 45 ADAM KО́Z JUMDY
AQSh-ta bolyp ótken surapyl tornado saldarynan kem degende 45 adam kóz jumǵan. Tek bir ǵana Soltústik Karolına shtatynda 16 sáýirge qaraǵan túni 62 tornado tirkelse, tabıǵat apaty saldarynan 21 adam opat bolǵan. Tutastaı alǵanda, 1984 jyldan beri atalǵan shtatta tornadodan 42 adam qaza taýypty.
AQSh-tyń shyǵys jaǵalaýyndaǵy osy tabıǵat qubylysy 14 sáýirde Oklahoma shtatynan bastalǵan bolatyn. Sodan keıin ol Arkanzas, Mıssısıpı, Alabama, Soltústik Karolına jáne Vırdjınııa shtattary arqyly ótken edi. Tornadoǵa baılanysty Vırdjınııa aýmaǵynda tótenshe jaǵdaı rejimi jarııalanǵan bolatyn.
QYSQA QAIYRYP AITQANDA:
Brıýer hanym AQSh prezıdenttigine kandıdat óziniń amerıkalyq azamattyǵyn dáleldeıtin mindetteme jazylǵan jańa zań jobasyna veto qoıdy. Eger mundaı zań jobasy qabyldanar bolsa, Gonolýlada týǵan Barak Obama prezıdenttikke ekinshi qaıtara túse almaıdy.
Brıtanııalyq Endrıý Raıan Karlaıl qalasyndaǵy kitaphanadan Quran kitabyn arnaıy urlap alyp shyǵyp, ony atalǵan eldi meken ortalyǵyndaǵy eskertkish janynda órtegeni úshin 70 kúnge túrmege qamaldy.
Máskeý basshylyǵy 2011 jylǵy Jeńis kúni sherýin ótkizý úshin óz qazynasynan 101,7 mıllıon rýbl bóletin boldy. Bul qarjy paradqa daıyndyqqa, ony ótkizýge jáne aýyr áskerı tehnıkalar júrip ótkennen keıin qalpyna keltirý jumystaryna jumsalatyn bolady.
Internet materıaldary negizinde ázirlendi.