Naz

Ultymyzdyń jadynan da, tur­­mysynan da ysyrylyp bara jat­qan salt-dástúrlerdi tiriltip, ol jaıynda tom-tom kitaptar shyǵa­ryp zerttegen etnograf, jazý­shy-satırık Seıit Kenjeahmetov te dúnıeden ozdy. «Egemen Qa­zaq­stan» el gazeti degen atyna laıyqty arysyn joǵaltqan ha­lyqqa kóńilin aıtyp, jazý­shy­men qoshtasty. Al elimizdegi tele­arnalar men radıolar únsiz qal­dy. О́tkende Lıýdmıla Gýrchenko kóz jumǵanda birinen biri ozyp, talasa efırden oryn bergen elektrondy BAQ-tardyń osy joly únsiz qalýy qalaı? Topyraǵy torqa bolǵyr, Gýrchenko, árıne, myqty daryn ıesi, biraq ol dál qazaq balasy úshin Seıit Kenjeahmetovteı eńbek etpegeni aıqyn ǵoı. Arystaı aza­mattyń, ultyna áli de bereri mol qalamgerdiń kelmestiń kemesine minip, baqılyq saparǵa attan­ǵanyn elemegen áriptesterimizge ne aıtýǵa bolady? «О́zińdi óziń jattaı syıla, jat boıynan túńilsin» demeıtin be edi. О́zimizdiń arda­ǵymyzdy baǵalaı bileıik degen oı ǵoı aıtpaǵymyz. Anar TО́LEÝHANQYZY.