Kóktemgi egiske ázirlik qalaı?

Premer-Mınıstr Kárim Má­si­movtiń tóraǵalyǵymen ótken se­lektorlyq rejimdegi Úkimet oty­rysynda kóktemgi egis naý­qa­nyna daıyndyq jumystarynyń barysy qaraldy. Osy másele boıynsha baıandama jasaǵan Aýyl sharýashylyǵy mınıstri Asyl­jan Mamytbekovtiń aıtýynsha, bıylǵy jyly aýylsharýashylyq daqyldarynyń egistigi 21,3 mıllıon gektar alqapty quramaq. Sonyń ishinde 18,6 mıllıon   gektar jerge jazǵy bıdaı egilmek. Atalǵan jumystardy júrgizý úshin «QazAgro» holdıngi 88,2 mıllıard teńge qarjy ba­ǵyt­taı­tyn bolady. Munyń 78 mıllıard teńgesi – bıýdjet qarjysy. Mınıstrdiń aıtýynsha, ja­saq­­talyp otyrǵan jańa baǵ­darla­ma­nyń negizinde Aýyl sharýa­shy­ly­ǵyn qarjylaı qoldaý qory ar­qy­ly shaǵyn jáne usaq sharýa­shy­lyqtarǵa kómektesý maqsatynda qarjy baǵyttalady. Al memlekettik sýbsıdııanyń kólemi 30,5 mıllıard teńgeni quraıdy. Kóktemgi egis naýqanyn júr­gizý úshin aýylsharýashylyq taý­ar­­laryn óndirýshilerge 106,2 myń tonna arzandatylǵan janar-jaǵar-maı jóneltilgen. Bul – jos­parlanǵan kólemniń 50 paıyzy. Tehnıkalardyń ázirlik deń­geıi – 93 paıyz. Aqtóbe, Batys Qa­zaqstan oblystarynan basqa óńirlerdiń barlyǵy tıisti tuqym kólemimen qamtamasyz etilgen. Al atalǵan oblystarǵa memlekettik resýrstar esebinen 50 myń ton­na tuqym beriledi. Sóıtip, bul másele de tolyq sheshimin tappaq. Atalǵan otyrysta Aýyl sha­rýa­shylyǵy mınıstrliginiń bas­shysy kóktemgi egis kezinde ag­rar­lyq sharýashylyqtardy ne­sıe­­len­dirýdiń jańa júıesin usyn­dy. Bul júıe boıynsha «QazAgro» holdıngi esebinen osy holdıng qura­myn­daǵy «Azyq-túlik keli­sim-shart kor­porasııasy» AQ arqyly áleý­mettik kásipkerlik kor­porasııalar kepildigimen 12 mıllıard teńgeniń bıýdjettik qarajaty baǵyttala­tyn bolady. Osy nesıeni óteý úshin sharýa­shylyqtar men sharýa qojalyq­tary kúzdik ónim esebinen ósirgen astyqtaryn tapsyra ala­dy nemese aqsha kúıinde de esep aıyrysa alady. Tańdaý sharýa­shy­lyq­tar­dyń ózderine beriledi. Asyljan Mamytbekovtiń aı­týy boıynsha, tipti qurǵaqshylyq ornaǵan jaǵdaıdyń ózinde nesıe esebinde beriletin bul qarjynyń qaıtarymdylyǵyna kepildik bar. О́ıtkeni, sharýashylyqtar bul qar­jyny ár gektardan 3-4 sentnerden ónim alǵannyń ózinde de qaıtara alatyn bolady. Árbir gektar jerge bólinetin nesıeniń kólemi 6 myń teńgeden esepteledi. Sharýashylyqtar nesıeni kúz­dik ónim esebinen astyq tapsyrý arqyly qaıtarǵan jaǵdaıda ol astyqtyń baǵasy da kúzde belgilenetin bolady. Eger sharýa­shy­lyq­tardyń barlyǵy alǵan nesıelerin astyq boıynsha tapsyrdy degen­niń ózinde 400 myń tonna astyq jı­na­lýy qajet eken. Azyq-túlik kelisim-shart korpo­ra­sııasynyń bı­ylǵy jyly astyq ósirýshilerdi qoldaý maqsatynda 1 mıllıon ton­­nanyń astyǵyn sa­typ alýdy josparlap otyrǵan­dy­ǵyn eske alaty? ??????, ???n bolsaq, memleket úshin sharýashylyqtarǵa ber­­gen nesıeni astyq esebinde qaı­taryp alýdyń da eshbir zııany joq. Atalǵan máseleni qorytyn­dy­laı kele, Úkimet basshysy Kárim Másimov azyq-túlik baǵasynyń kóterilmeı qalypty deńgeıde us­talýyna erekshe mán berdi. Pre­mer-Mınıstrdiń aıtýy boıyn­sha, aldaǵy ýaqytta munaı baǵasy qaıta quldyraýy da ǵajap emes. Onyń ekonomıkanyń barlyq sa­lalaryna, sonyń ishinde astyq baǵasyna da áser etýi múmkin. Osyǵan oraı Kárim Má­simov Eko­nomıkalyq damý jáne saýda mınıstrligine táýekeldi basqarýdyń durys júıesin jasaqtap, qalyp­tastyrýdy tapsyrdy. Otyrys barysynda Úkimet bas­shysy Batys Qazaqstan obly­syndaǵy tasqyn sýdyń zardap­ta­ryn joıý jumystarynyń bary­sy­men tanysty. Premer-Mınıstrge bul jaıynda Batys Qa­zaq­stan oblysynyń ákimi Baq­ty­qoja Izmu­hambetov pen Tótenshe jaǵdaılar mınıstri Vladımır Bojko má­lim­dedi. Olardyń aı­tý­ynsha, qazirgi kúni tasyǵan ózen­der arnasy qaıta qalpyna kele bastaǵan. Biraq qaýip áli tolyq seıilgen joq. Suńǵat ÁLIPBAI.