Jańarǵan zaýyttan kúter jaqsylyq mol

Qorshaǵan ortany qorǵaý, aýa men aýyz sýdyń sapasy taý-taý bolyp jınalyp, qatty jelmen qalanyń da, dalanyń da kórkin ketirip, berekesin alatyn turmystyq qaldyqtardy retteý ásem Aqtaý úshin ózekti másele bolǵaly qashan. Bul mańyzdy máseleniń sońǵy jyldary «Jer-Teńiz-Aspan» megajobasy aıasynda qolǵa alynýda ekendigi quptarlyq ta qýanarlyq jaı. Olaı deıtinimiz, ótken jylǵy kóktemde oblys ákimdigi men Eýropa qaıta qurý jáne damý banki «Aqtaý qalasynyń sýmen qamtý jáne bólý júıelerin  jańǵyrtý» jáne «Aqtaý qalasynda qoqystardy óńdeý keshenin salý» jobalary boıynsha nesıelik kelisimge qol qoıǵan-dy. Sonyń nátıjesinde, bul kúnderi oblys­ta jalpy somasy 5,6 mlrd. teńge bolatyn eki iri joba júzege asyrylý ústinde edi. Endi osy aptada oblys ákimdigi men atalmysh bank arasynda jalpy quny 2,2 mlrd.teńge bolatyn Aqtaý qalasynyń sý tushytatyn zaýytyn jańǵyrtý jónindegi jobany daıyndaý boıynsha mandattyq kelisimge qol qoıý rásimi boldy. Oblystyq energetıka jáne turǵyn úı-kom­mýnaldyq sharýashylyq basqarmasynyń, «Kaspıı áleýmettik-kásipkerlik korporasııasy» UK, Aqtaý qalasy ákimdiginiń basshylary men Eýropa qaıta qurý jáne damý bankiniń ókili E.Mıroshnık qol qoıǵan qujat boıynsha qorshaǵan ortany qorǵaý, Kaspıı  teńizi sýynyń lastanýyn boldyrmaý, t.b. ózekti máseleler óz sheshimin tappaqshy. Sondaı-aq, joba aıasynda zaýytpen qatar sý saqtaıtyn oryn qurylysyn salý, taǵy bir sýmen jabdyqtaý torabyn iske qosý arqyly qalamen irgeles Munaıly aýdany, «Aqtaý teńiz porty» arnaıy ekonomıkalyq aımaǵynyń birneshe quramdas bóligin, Kaspıı energetıkalyq habyn taza sýmen qamtý josparlanýda. Jáne bir atap aıtarlyǵy, osynaý jobanyń júzege asyrylýy barysynda oblys eldi mekenderi sapaly aýyz sýmen qamtamasyz etilýmen qatar onyń tutyný tarıfterin tómendetýdiń alǵysharttaryn jasaýǵa múm­kindik týatyndyǵy bolyp otyr. Sondaı-aq, osynaý yntymaqtastyqtyń nátı­je­sinde turǵyn úı-kommýnaldyq sharýa­shylyǵy salasynyń damýy, onyń túrli qyzmetterine ınvestısııa tartýda basqa da oń ózgerister kútilýde. Jalpy, kommýnaldyq saladaǵy osynaý úsh ınnovasııalyq jobanyń da elimizdegi qanatqaqty joba retinde júzege asyrylýy aımaq­tyń ekologııa­synyń jaqsarýy men halyqtyń turmys-tirshiligine ıgi yqpal etetindigine kú­mán joq. Jolaman BOShALAQ. Aqtaý.