ENRC Batys Qazaqstan oblysyna kómek kórsetedi

ENRC jáne «ENRC Kómek» korporatıvtik qaıyrymdylyq qory Batys Qazaqstan oblysyndaǵy sý tasqynynan zardap shekkenderge jalpy somasy 50 mln. teńge kó­le­minde qarjylyq kómek kórsetedi. Aýqymdy tabıǵı apattyń saldary qazaq­standyqtardy nemquraıly qaldyrǵan joq. ENRC korporasııasy osyndaı aýyr kezeńde qıyndyqqa ushyraǵan adamdarǵa kómek kór­setkenderge nıettestik bildiredi. Korporasııa ujymy aýdarylǵan qarjy zardap shekkenderge kómektesedi dep úmittenedi. «Bizdi Batys Qazaqstanda bolǵan tabıǵı apattyń saldary túrshiktiredi. ENRC korpo­rasııasy atynan barlyq zardap shekkenderge kóńil aıtamyn. Bizdiń boryshymyz – olarǵa kómekke kelý. Sondyqtan, ENRC zardap shek­kender qoryna qarjylaı kómek aýda­rýdy jón dep eseptedi. Biz oblystaǵy jaǵ­daı jaqyn bolashaqta túzeledi degen úmit­te­miz», – dep atap ótti ENRC PLC bas atqa­rýshy dırektory Felıks Výlıs myrza. «Egemen-aqparat».