Dańqty boksshyny eske aldy

Burnaǵy kúni Almaty qa­lasyndaǵy Qazaq sport jáne týrızm akademııasy ǵımaratynda Qazaqstannyń eńbek sińirgen jat­tyq­tyrýshysy, dańqty boksshy Ábdisalan Nurmahanovty eske alý sharasy bolyp ótti. Sportsúıer qaýym bas qosqan jıylysty ashqan akademııanyń pre­zıdenti, professor Qaırat Zá­kirııanov óz sózinde kók baır­a­ǵymyzdyń álemdik dodalarda bıik jelbireýine jol ashqan bilikti ustaz, ǵalym Á.Nurmahanovtyń esi­mi osy oqý ornynyń eń jaqsy jabdyqtalǵan jattyǵý zalyna be­rilgenin, jyl saıyn dańqty boksshy atyndaǵy stıpendııany qabiletimen kózge túsken stýdentke taǵaıyndap otyrǵandyqtaryn jetkizdi. Sondaı-aq Qazaqstan Ult­tyq ǵylym akademııasynyń prezıdenti, akademık M.Jury­nov, Almaty qa­la­lyq boks federasııasynyń prezıdenti, Qajymuqan Muńaıtpa­s­uly atyndaǵy sport mektebiniń dırektory A.Tshan, Qazaqstan­nyń ardager boksshylary federa­sııa­synyń tóraǵasy, dáriger M.Daıyrbekov, KSRO jáne Qazaq­stannyń eńbek sińirgen jattyq­ty­rý­shysy, AIBA tóreshisi B.Sha­rashvılı sekildi Ábdisalan Nurma­han­ovtyń zamandastary men táli­min kórgen shákirtteri estelikter aıtyp, boksshy qazaqtyń esimin bolashaq urpaq umytpas úshin ıgi ister atqarý jóninde pikirlerin ortaǵa saldy. Ekonomıka ǵylym­darynyń doktory Orazaly Sáb­den boksshynyń zaıyby Kúlpash Nurmahanovanyń ıyǵyna qazaq­tyń dástúrimen qamzol jaýyp, syı-sııapat kórsetti. Qazan aıynda Almatyda qala­lyq jáne oblystyq boks fe­de­rasııalarynyń uıymdastyrýy­men Á.Nurmahanov atyndaǵy ha­lyqaralyq týrnır ótetin boldy. Azııa-Afrıka oıyndarynyń je­ńim­pazy, KSRO halyqtary spar­ta­kıadasynyń eki dúrkin júlde­geri, KSRO chempıonatynyń kúmis júldegeri, qazaqtyń dańqty boks­shysy Ábdisalan Nurmahanov tiri bolǵanda bıyl 75 jasqa tolar edi. Qanat ESKENDIR. Almaty.