2010 jylǵy 29 qarasha Almaty qalasy
Saqtandyrý portfelin berý erejesin bekitý týraly
2000 jylǵy 18 jeltoqsandaǵy «Qazaqstan Respýblıkasyndaǵy saqtandyrý qyzmeti týraly» Qazaqstan Respýblıkasynyń Zańyn júzege asyrý maqsatynda Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý agenttigi Basqarmasy (budan ári – Agenttik) qaýly etedi:
1. Saqtandyrý portfelin berý erejesine qosa berilip otyrǵan qosymshaǵa sáıkes bekitilsin.
2. Mynalar:
1) Agenttik Basqarmasynyń 2006 jylǵy 25 naýryzdaǵy «Saqtandyrý portfelin berý erejesin bekitý týraly» № 86 qaýlysynyń (Normatıvti quqyqtyq aktilerdi memlekettik tirkeý Tiziliminde № 4209 tirkelgen);
2) Agenttik Basqarmasynyń 2008 jylǵy 26 aqpandaǵy «Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý agenttigi Basqarmasynyń 2006 jylǵy 25 naýryzdaǵy «Saqtandyrý portfelin berý erejesin bekitý týraly» № 86 qaýlysyna ózgerister men tolyqtyrýlar engizý týraly» № 22 qaýlysynyń (Normatıvti quqyqtyq aktilerdi memlekettik tirkeý Tiziliminde № 5176 tirkelgen) kúshi joıyldy dep tanylsyn.
3. 2012 jylǵy 1 qańtarda engiziletin osy qaýlynyń qosymshasyndaǵy 9-tarmaqtyń ekinshi bóligin qospaǵanda, osy qaýly alǵash resmı túrde jarııalanǵan kúnnen on kúntizbelik kún ótken soń qoldanysqa engizilsin.
Tóraıym E. BAHMÝTOVA.
Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý agenttigi Basqarmasynyń 2010 jyly 29 qarashadaǵy № 171 qaýlysymen bekitilgen
Saqtandyrý portfelin berý erejesi
1-taraý. Jalpy erejeler
1. Osy Ereje 2000 jylǵy 18 jeltoqsanyndaǵy «Qazaqstan Respýblıkasyndaǵy saqtandyrý qyzmeti týraly» Qazaqstan Respýblıkasynyń Zańyna (budan ári – Zań) sáıkes ázirlendi jáne saqtandyrý (qaıta saqtandyrý) uıymdarynyń, konservasııa satysyndaǵy nemese saqtandyrý (qaıta saqtandyrý) uıymyn májbúrlep taratý týraly sot sheshimi zańdy kúshine engenge deıin ýaqytsha ákimshiliktiń (ýaqytsha basqarýshy), májbúrlep taratylatyn saqtandyrý (qaıta saqtandyrý) uıymynyń taratý komıssııasynyń saqtandyrý portfelin berý tártibin belgileıdi.
2. Osy Erejede paıdalanylatyn negizgi túsinikter:
saqtandyrý portfelin berý – saqtandyrý uıymyna (ýaqytsha ákimshilikke (ýaqytsha basqarýshy), taratý komıssııasyna) shart (sharttar) negizinde bir nemese birneshe saqtandyrý (qaıta saqtandyrý) uıymymen, osy saqtandyrý uıymynyń saqtanýshylarymen jasalqan saqtandyrý sharttarynyń barlyǵy nemese bir bóligi negizinde týyndaǵan quqyqtar jáne mindetterdi berý;
saqtandyrýshy-alýshy – saqtandyrý portfelin qabyldaıtyn saqtandyrý (qaıta saqtandyrý) uıymy;
áleýetti saqtandyrýshy-alýshy – saqtandyrý portfelin qabyldaýǵa múddelilik tanytqan saqtandyrý (qaıta saqtandyrý) uıymy;
ýákiletti organ – qarjy naryǵyn jáne qarjy uıymyn retteý men qadaǵalaý jónindegi memlekettik organ.
3. Osy Erejeniń qoldanylýy Qazaqstan Respýblıkasynyń zańnamasy negizinde ámbebap quqyq ıelenýshilik kezde, múlik kesheni sııaqty saqtandyrýshynyń kásipornyn satý kezinde saqtandyrý sharttary boıynsha saqtandyrýshynyń quqyqtary men mindetteriniń kóshý jaǵdaılaryna taralmaıdy.
2 taraý. Saqtandyrý portfelin berý
4. Qazaqstan Respýblıkasynyń zańnamasyna sáıkes saqtandyrý sharttary boıynsha quqyqtary men mindetterin berý (qabyldaý) quqyǵy (mindeti) bar kez kelgen saqtandyrý (qaıta saqtandyrý) uıymynyń (budan ári – saqtandyrý uıymy) bastamasy boıynsha jasalǵan saqtandyrý sharttary boıynsha mindetterdi aýdarý osy Taraýǵa sáıkes saqtandyrý portfelin berý úshin negiz bolyp tabylady.
Saqtandyrý uıymy saqtandyrý portfelin berý týraly shartty erikti túrde taratý týraly sheshimdi qabyldaǵanǵa deıin kez kelgen ýaqytta jasaı alady.
Saqtandyrý portfelin konservasııa satysyndaǵy nemese saqtandyrý uıymyn májbúrlep taratý týraly sot sheshimi kúshine engenge deıin berý saqtandyrý uıymynyń ýaqytsha ákimshiligimen, al saqtandyrý uıymyn májbúrlep taratý týraly sot sheshimi kúshine engennen keıin – saqtandyrý uıymynyń taratý komıssııasymen júzege asyrylady.
5. Saqtandyrý uıymyn saqtandyrý portfelin berý shartyn jasaýda májbúrleýge jol berilmeıdi.
6. Zańmen jáne osy Erejeniń 44-tarmaǵynyń 2)-tarmaqshasymen, 48, 61-tarmaqtarymen qarastyrylǵan jaǵdaılardy qospaǵanda, saqtandyrý portfelin berý saqtanýshynyń kelisimi bolǵan jaǵdaıda ǵana júzege asyrylady.
7. Saqtandyrý portfeline engiziletin jáne Zańnyń 37-1-babynyń 3-tarmaqshasymen belgilengen talaptarǵa sáıkes saqtandyrý sharttary beriletin saqtandyrý synyptaryn júzege asyrýǵa lısenzııalary bar saqtandyrýshyǵa (saqtandyrýshylarǵa) saqtandyrý portfeli beriledi.
8. Saqtandyrýshy saqtandyrý portfelin qabyldaýdy saqtandyrýshynyń ýákiletti organynyń tıisti sheshimi negizinde júzege asyrady.
9. Saqtandyrýshynyń saqtandyrý portfelin berýine mynadaı:
saqtandyrý portfelin qabyldaıtyn saqtandyrýshy-alýshy ony qabyldaý kezinde prýdensııalyq normatıvter boıynsha jáne qabyldanatyn saqtandyrý portfelin esepke ala otyryp, normalar men lımıtterdi qadaǵalaýǵa qatysty ózge mindetti talaptardy qadaǵalamaǵan;
Zańmen jáne osy Erejeniń 44-tarmaǵynyń 2)-tarmaqshasymen, 48, 61-tarmaqtarymen qarastyrylǵan jaǵdaılardy qospaǵanda, saqtandyrýshyny aýystyrýǵa saqtanýshylardyń kelisimi bolmaǵan;
saqtandyrýshy-alýshynyń saqtandyrýdyń qabyldanatyn synyby (synyptary) boıynsha lısenzııasy bolmaǵan;
saqtandyrý uıymynyń beriletin saqtandyrý portfeli boıynsha mindettemelerdi (saqtandyrý rezervterin) óteýge jetkilikti aktıvteri bolmaǵan jaǵdaılarda jol berilmeıdi.
Beriletin portfel boıynsha mindettemelerdiń (saqtandyrý rezervteriniń) mólsherin baǵalaýdy táýelsiz aktýarıı júzege asyrady.
10. Erejeniń 9-tarmaǵynyń besinshi abzasyndaǵy ereje saqtandyrý portfelin Zańnyń 69-1-babyna sáıkes berý jaǵdaıyna taralmaıdy.
11. Saqtandyrý sharty boıynsha mindettemelerdi berý osy shart boıynsha saqtandyrý uıymynyń boryshkerleri nemese kredıtorlarynyń olarmen baılanysty quqyqtary nemese mindettemelerin bir mezgilde berý arqyly júrgiziledi. Osy saqtandyrý shartynan týyndaǵan tek quqyqtardy nemese tek mindetterdi berýge bolmaıdy.
12. Bir saqtandyrý shartynan saqtandyrý mindettemelerinen basqa, ózge de mindettemeler týyndaǵan jaǵdaıda, onda saqtandyrý uıymynyń quqyqtary men mindetteriniń berilýi Qazaqstan Respýblıkasynyń zańnamasymen belgilengen tártipte ózge mindettemeler boıynsha onyń quqyqtary men mindetterin bir mezgilde berý arqyly júzege asyrylady.
13. Saqtandyrý sharttary boıynsha quqyqtar men mindetterdi berýimen bir mezgilde qaıta saqtandyrý sharttary boıynsha saqtandyrý portfelin beretin saqtandyrý uıymynyń - qaıta saqtanýshynyń quqyqtary men mindetterin berýi múmkin.
Eger qaıta saqtandyrý sharty boıynsha saqtandyrý portfelin beretin saqtandyrý uıymy – qaıta saqtanýshynyń quqyqtary men mindetteri bir mezgilde onyń qaıta saqtandyrylǵan saqtandyrý sharttarynan týyndaǵan quqyqtary men mindetteri berilmegen jaǵdaıda, saqtandyrý uıymy – qaıta saqtanýshy qaıta saqtandyrý obektisi tolyq nemese ishinara joıylǵany týraly habarlaıdy.
14. Saqtandyrý portfelin berý kezinde saqtandyrý sharttaryn berý boıynsha saqtandyrý uıymynyń quqyqtary men mindetteri saqtandyrýshyǵa saqtandyrý portfelin berý kezinde bolatyn sol kólemde jáne sol talaptarda kóshedi.
Saqtandyrýshy – alýshynyń saqtandyrý portfelin berý týraly shartta kórsetilgen saqtandyrý sharttary boıynsha quqyqtar men mindetteri oǵan kóshken kezden bastap, barlyq toqtatylmaǵan quqyqtarǵa ıe bolady jáne beriletin saqtandyrý sharty kúshine engen kezden bastap týyndaǵan saqtandyrýshy uıymnyń toqtatylmaǵan mindetterine jaýap beredi.
15. Saqtandyrý uıymy basqa saqtandyrýshyǵa (saqtandyrýshylarǵa) saqtandyrý portfelin bergenge deıin osy Erejeniń 1-qosymshasyna sáıkes beriletin saqtandyrý portfeliniń quramyna engiziletin saqtandyrý sharttarynyń tizimin (budan ári – Tizim) jasaıdy. Sharttardyń tizimi saqtandyrý (qaıta saqtandyrý) sharttarynyń Tiziliminiń málimetteri negizinde qalyptastyrylady, onyń tizbesi Saqtandyrý uıymynyń saqtandyrý qyzmetin júzege asyrýǵa qoılatyn, onyń ishinde saqtandyrý naryǵyna qatysýshylarmen ózara qarym-qatynasy boıynsha talaptardyń 5-1 tarmaǵynda jáne Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý jónindegi agenttigi Basqarmasynyń 2010 jylǵy 1 naýryzdaǵy № 25 qaýlysymen (Normatıvti quqyqtyq aktilerdi memlekettik tirkeýdiń Tiziliminde № 6164 tirkelgen) bekitilgen saqtandyrý agentiniń deldaldyq qyzmetti júzege asyrý ókiletinde belgilengen.
Sharttardyń tizimi onyń quramynda bar aqparatty ózgertý nemese jańasyn alýyna qaraı jańartylýy tıis (shartty buzý, saqtandyrý shartyn berýge saqtanýshydan kelisim alý nemese bas tartý, saqtandyrý jaǵdaıy týraly ótinish alý, saqtanýshynyń saqtandyrý syılyqaqysyn tóleýi, júzege asyrylǵan saqtandyrý tólemi jáne basqa da aqparattardyń ózgeristeri).
16. Sharttardyń tizimin jasaǵannan keıin saqtandyrý uıymy árbir saqtandyrý sharty boıynsha saqtandyrý rezervteriniń mólsherine aldyn ala esepteý júrgizedi. Árbir saqtandyrý sharty boıynsha saqtandyrý rezervteriniń quramyna:
eńbek sińirilmegen syılyqaqy rezervi;
týyndaǵan, biraq saqtandyrý synyby boıynsha eńbek sińirilmegen syılyqaqynyń birikken rezervinde saqtandyrý sharty boıynsha eńbek sińirilmegen syılyqaqy rezervi úlesin negizge ala otyryp eseptelgen, málimdenbegen shyǵyndar rezervi engiziledi.
Saqtandyrý rezervterin esepteý Qazaqstan Respýblıkasynyń Ulttyq Banki Basqarmasynyń 2002 jylǵy 3 maýsymdaǵy № 211 qaýlysymen (Normatıvti quqyqtyq aktilerdi memlekettik tirkeý Tiziliminde №1921 tirkelgen) bekitilgen Qazaqstan Respýblıkasynyń saqtandyrý (qaıta saqtandyrý) uıymdarynyń saqtandyrý rezervterin esepteý ádistemesine qoıylatyn talaptar týraly nusqaýlyqqa sáıkes júrgiziledi.
17. Berilýi boljanǵan saqtandyrý mindettemelerine sáıkes saqtandyrý rezervteriniń aldyn ala mólsherin aıqyndaǵannan keıin saqtandyrý uıymy saqtandyrý portfelimen birge berilýi boljanyp otyrǵan aktıvterdiń tizbesin jasaıdy.
Aktıvterdiń tizbesi mynalardy qamtýy tıis:
1) saqtandyrý mindettemeleriniń berilýi boljanyp otyrǵan tıisinshe saqtandyrý rezervteriniń aldyn ala mólsheriniń shamasy;
2) saqtandyrý portfeliniń quramynda berilýge tıis aktıvterdiń mólsheri, túri jáne tizbesi (saqtanýshynyń debıtorlyq bereshegi jáne basqa aktıvter);
3) Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý agenttigi Basqarmasynyń 2008 jylǵy 22 tamyzdaǵy № 131 Qaýlysymen (Normatıvti quqyqtyq aktilerdi memlekettik tirkeý Tiziliminde № 5331 tirkelgen) (budan ári – № 131 Qaýly) bekitilgen Saqtandyrý (qaıta saqtandyrý) uıymynyń prýdensıaldyq normatıvter esebiniń normatıvtik máni men ádistemesi, prýdensıaldyq normatıvterdiń oryndalǵandyǵy jónindegi esepti berý nysandary men merzimi týraly Nusqaýlyqtyń talaptaryna sáıkes saqtandyrý rezervterin óteýde qabyldanatyn aktıvterine sáıkes keletin aktıvterdiń mólsheri, túri jáne tizbesi;
4) jetkiliksiz somaǵa ózge aktıvterdiń mólsheri, túri men tizbesi jáne 131 qaýlyǵa sáıkes saqtandyrý rezervterin óteýge qabyldanatyn aktıvterge sáıkes keletin aktıvterge olardy aýystyrý túrleri (berilýi boljanyp otyrǵan saqtandyrý mindettemelerine sáıkes saqtandyrý rezervterdiń mólsherine qatysty 131 qaýlynyń talaptaryna sáıkes saqtandyrý rezervterin óteýge qabyldanatyn aktıvterge sáıkes keletin aktıvter mólsheriniń jetkiliksiz jaǵdaıda).
18. Saqtandyrý portfelimen beriletin aktıvterdiń 131 qaýlyǵa sáıkessizdiginde, saqtandyrý uıymy sáıkes kelmeıtin saqtandyrýshy-alýshy qabyldamaıtyn aktıvterdi aýystyrýǵa baǵyttalǵan qajetti is-sharalardy (satyp alý-satý, aýystyrý jáne basqa da operasııalar) júrgizedi.
19. Naqty saqtandyrý sharty boıynsha saqtandyrýshyny aýystyrýǵa qajetti kelisim alý qajettiligi boıynsha saqtandyrý uıymy árbir osyndaı shart boıynsha saqtandyrý portfelin berýimen bir mezgilde berýge jatatyn qujattar jıyntyǵyn qurastyrady.
20. Saqtandyrý portfeliniń quramynda saqtandyrý sharttaryn berýge saqtanýshydan kelisim alý úshin merzimi aıaqtalǵannan keıin saqtandyrý uıymy Sharttyń tizimge tıisti ózgerister engizedi jáne saqtandyrý portfelin berý týraly shartty daıyndaýdy jáne onyń talaptaryn saqtandyrýshy-alýshymen birge kelisýdi bastaıdy.
21. Saqtandyrý portfelin berý týraly shartty jasaǵannan keıin saqtandyrý uıymy saqtandyrýshy-alýshyǵa saqtandyrý portfelin berý týraly shartta taraptar kelisilgen merzimde, tártipte jáne talaptarynda saqtandyrý portfeline jatatyn barlyq qujattardy, tıisti saqtandyrý mindettemelerine beriletin saqtandyrý rezervteriniń mólsherindegi aktıvter, saqtandyrý portfelin berý týraly shart talaptaryna sáıkes aqparat jáne basqa málimetter men qujattardy beredi.
22. Berilgen saqtandyrý portfeline engizilgen quqyqtar men mindetterdiń kóshý kezinen bastap saqtandyrý portfelin qabyldaǵan saqtandyrýshy-alýshy berilgen saqtandyrý portfeli boıynsha barlyq quqyqtardy ıelenedi jáne mindetterge jaýap beredi. Saqtandyrý uıymy saqtandyrý portfelin berý týraly shartta taraptarmen kelisilgen talaptarda saqtandyrýshy-alýshyǵa saqtandyrý portfelin bergennen keıin saqtandyrý portfelin bergen saqtandyrýshyǵa kelip túsken barlyq qujattar men aqparatty beredi.
23. Saqtandyrý uıymy beriletin saqtandyrý portfeline sáıkes saqtandyrý rezervteriniń mólsherin esepteý úshin saqtandyrý portfelin berý kúnine aktýarııdi tartady. Saqtandyrýshy-alýshy saqtandyrý rezervteriniń mólsherin esepteýdi júzege asyrý durystyǵyn tekserý úshin aktýarııdi tartýy múmkin.
Saqtandyrý uıymyn májbúrlep taratý kezinde saqtanýshylarǵa (saqtandyrylǵandar, paıda alýshylar) saqtandyrý tólemderin júzege asyrýǵa kepildeme beretin uıym ótkizetin saqtandyrý uıymyna jáne saqtandyrýshy -alýshynyń aktýarııleriniń esepteýdi baǵalaý úshin aktýarııa tartýy múmkin.
3-taraý. Saqtandyrý uıymynyń erikti tártipte beretin saqtandyrý portfeline engiziletin quqyqtar men mindetterdi berýge saqtanýshynyń kelisimi
24. Saqtandyrýshyny aýystyrýǵa saqtanýshynyń kelisimin alý úshin saqtandyrý uıymy saqtanýshyǵa osy Erejeniń 2-qosymshasyna sáıkes jazbasha suratý jiberedi.
25. Saqtandyrý portfelin berý týraly sharttyń mazmunynda qaıta saqtandyrýshyny (qaıta saqtanýshyny) aýystyrýǵa qaıta saqtanýshynyń (qaıta saqtandyrýshynyń) kelisimi týraly ereje bolǵan jáne oǵan qaıta saqtandyrýshy (qaıta saqtanýshy) qol qoıǵan jaǵdaıda qaıta saqtandyrý sharttary boıynsha qaıta saqtandyrýshyny (qaıta saqtanýshyny) aýystyrýǵa qaıta saqtanýshynyń (qaıta saqtandyrýshynyń) kelisimi alyndy dep eseptelinedi.
26. Saqtandyrýshyny aýystyrýǵa saqtanýshynyń kelisimi týraly suratý mazmunynda olar jaýap berýge tıisti kúni bar. Saqtandyrýshyny aýystyrýǵa kelisim týraly suratý adresattyń óz qolyna qolhatpen nemese suratýdyń deregin jáne alǵan kúnin rastaıtyn ózge de tásilmen berilýi múmkin.
27. Saqtandyrýshyny aýystyrýǵa kelisimi týraly saqtanýshylarǵa beriletin suratýynda saqtandyrýshy olardyń saqtandyrýshyny aýystyrýdan jáne saqtandyrý shartynyń merzimin uzartýdan bas tartýǵa quqyǵyn túsindiredi. Saqtanýshy aldyńǵy saqtandyrý shartynyń qoldanylý merzimi aıaqtalǵanǵa deıin saqtandyrý shartynyń merzimin uzartý boıynsha saqtandyrý syılyqaqysyn tólegen jaǵdaıda, merzimi uzartylǵan shart oǵan qoıylatyn talaptardy eskere otyryp, beriletin saqtandyrý portfeline engizilýi múmkin.
28. Saqtandyrýshy-alýshynyń saqtandyrý erejesi saqtandyrý portfeliniń quramynda beriletin saqtandyrý sharttarynyń talaptaryna sáıkes kelmegen jaǵdaıda, saqtandyrýshyny aýystyrýǵa kelisimi týraly suratýymen bir mezgilde saqtanýshyǵa sharttyń talaptary ózgerýine jáne (nemese) saqtandyrýdyń jańa erejelerine oferta jiberiledi.
29. Saqtandyrýshyny aýystyrýǵa kelisimi týraly suratýymen bir mezgilde saqtandyrý uıymy saqtanýshylardy saqtandyrý portfelin berý boljanǵan kúni týraly habardar etedi.
Saqtandyrý portfelin bergennen keıin saqtandyrý uıymy saqtanýshylardy saqtandyrý portfelin berý bolǵan kúni týraly habardar etedi jáne oǵan saqtandyrý portfelin qabyldaǵan saqtandyrýshy týraly aqparatty habarlaıdy (mekenjaıy, telefondary, Qazaqstan Respýblıkasyndaǵy saqtandyrýshynyń ókilderi týraly aqparatty, olardyń jumys ýaqyty týraly jáne saqtandyrý sharty boıynsha olardyń quqyqtary men mindetterin budan ári iske asyrý úshin qajetti basqa aqparatty).
Saqtandyrýshy saqtanýshyǵa saqtandyrýshyny aýystyrý bolǵany týraly habarlaıdy jáne kórsetilgen aqparatty buqaralyq aqparat quraldarynda jarııalaý arqyly jańa saqtandyrýshy týraly aqparatty jiberedi.
30. Saqtandyrý uıymy saqtanýshylar saqtandyrýshyny aýystyrýdan bas tartqan jaǵdaıda, saqtandyrý sharttaryn bermeıdi.
31. Saqtandyrý uıymy saqtanýshydan suratýda kórsetilgen merzimde saqtandyrý shartyndaǵy saqtandyrýshyny aýystyrýǵa kelisimi nemese bas tartý bar jazbasha jaýabyn almaǵan jaǵdaıda, kelisim alynbady dep eseptelinedi. Saqtandyrý uıymy osyndaı saqtandyrý shartyn beriletin saqtandyrý portfeline engizbeıdi.
32. Saqtandyrýshyny aýystyrýǵa kelisimi týraly suratýymen bir mezgilde saqtanýshyǵa sharttyń talaptary ózgerýine jáne (nemese) saqtandyrýdyń jańa erejelerine oferta jiberilgen bolsa, al saqtanýshy saqtandyrý shartynyń talaptaryn ózgertýden bas tartqan jaǵdaıda, onda saqtandyrýshyny aýystyrýǵa saqtanýshynyń kelisimi alynbady dep eseptelinedi.
33. Saqtandyrý portfelin berý múmkindigi saqtanýshydan saqtandyrý portfelin berýge kelisimi alynbaǵan sebebinen barlyq jaǵdaılarda saqtandyrý mindettemelerde tulǵalardy aýystyrý júrgizilmeıdi jáne osy shart onyń taraptaryna jáne ózge qatysýshylarǵa (saqtandyrýshyǵa, saqtanýshyǵa, ózge kredıtorǵa (paıda alýshyǵa) jáne sharttyń basqa da qatysýshylaryna) qatysty odan ári qoldanysta bolady.
34. Zańnyń 37-1-babynyń 2-tarmaǵymen nemese shartpen kózdelgen jaǵdaıda, saqtandyrý portfeliniń quramyna berilmegen saqtandyrý sharty ózgertiledi, buzylady nemese Qazaqstan Respýblıkasynyń zańnamasynda nemese shartta belgilengen tártippen jáne talaptarynda ózge tásilmen toqtatylady.
35. Saqtandyrý portfeliniń quramyndaǵy qandaı da bolmasyn saqtandyrý shartyn berý múmkindigi bolmaǵan kezde, osy shartta saqtandyrýshyny aýystyrýǵa kelisim bergen saqtanýshylar saqtandyrý mindettemesinde tulǵalardyń aýystyrylmaǵany týraly habardar etiledi.
4-taraý. Saqtandyrý portfelin berý týraly shart
36. Saqtandyrý portfelin berý týraly shart jazbasha nysanda jasalady.
37. Saqtandyrý portfelin berý týraly shart mynadaı:
1) beriletin saqtandyrý portfelindegi saqtandyrý sharttary týraly
2) saqtandyrý portfeline beriletin saqtandyrý sharttarynda kózdelgen quqyqtary men mindetteri týraly (tólenbegen saqtandyrý syılyqaqysynyń mólsheri, saqtandyrý syılyqaqysyn merzimin keıinge qaldyryp tóleýdi nemese bólip tóleýdi eskere otyryp tóleý merzimi, saqtandyrý syılyqaqysyn tóleý mólsheri men ótken merzimi, jasalǵan saqtandyrý tólemderi, jarııalanǵan, biraq rettelmegen shyǵyndar);
3) saqtandyrý sharttaryn berý kúni týraly;
4) beriletin saqtandyrý sharttary boıynsha qujattardy, sondaı-aq saqtandyrý shartynyń oryndalýyn kórsetetin qujattardy (saqtandyrý sharttarynyń túpnusqalary, saqtandyrý syılyqaqysyn (saqtandyrý jarnalaryn) tóleýin rastaıtyn qujattary, saqtandyrýshy saqtandyrý jaǵdaılaryn retteý kezde jınaǵan qujattardy, sondaı-aq saqtandyrý tólemderin júzege asyrýdy rastaıtyn qujattamany, rettelmegen saqtandyrý jaǵdaılary boıynsha qujattardy) berý tártibi men merzimderi týraly;
5) saqtandyrý portfelin bergennen keıin saqtandyrý uıymyna kelip túsken berilgen saqtandyrý portfeli boıynsha qujattardy jáne aqparattardy berý tártibi men merzimderi týraly;
6) osy Erejeniń 16-tarmaǵyna sáıkes saqtandyrý portfelin beretin saqtandyrý uıymynyń jáne saqtandyrýshy-alýshynyń aktýarııleri eseptegen jáne saqtandyrý portfelin berý kúnine laıyqty saqtandyrý sharttaryna sáıkes beriletin saqtandyrý rezervteriniń mólsheri týraly;
7) beriletin aktıvterdiń mólsheri men quramy jáne olardy berý týraly málimetterden turady.
38. Saqtandyrý uıymyna saqtandyrý portfelin berý týraly barlyq mańyzdy sharttyń talaptary málim bolǵan, ony berýge tıisti kelisimder alǵan jáne saqtandyrý portfelin berýge qajetti ózge talaptar buzylmaǵan jaǵdaıda, saqtandyrýshy bir nemese birneshe saqtandyrý uıymyna saqtandyrý portfelin berý týraly shart jasaý usynysymen oferta jiberýi múmkin.
Saqtandyrý portfelin berý týraly shartty jasaý usynysyn saqtandyrý uıymy jarııa oferta arqyly jasaýy múmkin.
39. Saqtandyrý uıymy saqtandyrý portfelin berýge nıet bildirse, biraq oǵan beriletin saqtandyrý portfeliniń quramyna engizýge jatatyn quqyqtar men mindetteriniń túpkilikti kólemine qatysty saqtandyrý portfelin berý týraly sharttyń barlyq talaptary málim bolmaǵanda, saqtandyrý uıymy jáne saqtandyrýshy – alýshy saqtandyrý portfelin berý týraly aldyn ala shart jasaı alady.
Saqtanýshy jáne saqtandyrýshy-alýshy saqtandyrý portfelin berý týraly aldyn ala sharty boıynsha bolashaqta saqtandyrý portfelin berý týraly shartty (negizgi shart) bolashaqta aldyn ala shartta kózdelgen talaptarǵa saı jasaýǵa mindettenedi.
Aldyn ala shart jazbasha nysanda jasalady, onda sharttyń mánin belgileýge múmkindik týdyratyn jaǵdaılary, sondaı-aq taraptar shartty jasaýǵa mindettenetin merzimin kórsete otyryp, saqtandyrý portfelin berý týraly sharttyń basqa taraptarynyń jaǵdaılary bolýy tıis.
40. Saqtandyrý uıymynyń qujattaryn berý osy Erejeniń 3-qosymshasyna sáıkes qabyldaý-ótkizý aktisi boıynsha beriledi.
41. Saqtandyrý uıymy jáne saqtandyrýshy-alýshynyń mórimen kýálandyrylǵan berilgen qujattardyń kóshirmeleri saqtandyrý uıymynda saqtalady.
5-taraý. Saqtandyrý uıymyn konservasııalaǵanda, lısenzııasynan aıyrý kezinde saqtandyrý portfelin berýdiń erekshelikteri
42. Ýákiletti organmen kelisilgen ýaqytsha ákimshiliktiń sheshimi konservasııa satysynda nemese saqtandyrý uıymyn májbúrlep taratý týraly sot sheshimi kúshine engenge deıin saqtandyrý portfelin berýge negizdeme bolyp tabylady.
43. Konservasııa satysynda nemese lısenzııadan aıyrý kezinde saqtandyrý portfelin berýdi ýákiletti organmen kelisimimen jáne saqtandyrý sharttaryn qamtamasyz etýge aktıvter jetkilikti bolǵan jaǵdaıda ýaqytsha ákimshilik júzege asyrady.
44. Saqtandyrý uıymynda konservasııa engizýge baılanysty taǵaıyndalǵan ýaqytsha ákimshilik:
1) otyz kúntizbelik kún ishinde saqtandyrýdyń bir nemese birneshe synyby boıynsha saqtandyrý portfelin tolyq nemese onyń bir bóligin berý týraly sheshimdi qabyldaıdy;
2) saqtandyrý uıymyn lısenzııadan aıyrǵan kúnnen bastap on jumys kún ishinde saqtandyrý portfelin tolyq kólemde berý týraly sheshim qabyldaıdy;
3) osy tarmaqtyń úshinshi abzasymen belgilengen saqtanýshylardyń jazbasha túrde qarsylyq bildirýge arnalǵan merzimi aıaqtalǵan kúnnen bastap úsh kúntizbelik kún ishinde saqtandyrý portfelin berýge kelisetin saqtandyrýshylar tizimin qalyptastyrady.
45. Saqtandyrý portfelin berý týraly sheshimdi qabyldaǵannan keıin mynadaı aqparat bere otyryp, osy operasııany júrgizý týraly máseleni kelisý úshin ýaqytsha ákimshilik ýákiletti organǵa ótinish beredi:
1) saqtandyrý synyptary men obektilerine bólingen saqtandyrý sharttary boıynsha berilýi boljanatyn mindetterdiń mólsheri;
2) aktıvterdiń túri, aktıvterdiń balansty (bar bolsa – baǵalanatyn) quny kórsetilgen saqtandyrý uıymynyń berilýi boljanǵan aktıvteriniń mólsheri, olardyń debıtorlyq bereshegi boıynsha talap etý quqyǵyn, sondaı-aq berilýi boljanǵan aktıvterge saqtandyrý uıymynyń menshik quqyǵyn rastaıtyn qujattamasy kórsetilgen sıpattamasy;
3) saqtandyrý portfelin berý týraly sharttyń jobasy.
46. Ýákiletti organ qajet bolǵan jaǵdaıda ýaqytsha ákimshilikten saqtandyrý portfelin berýmen baılanysty bar qujattardy suratady.
47. Ýákiletti organ on jumys kúninen aspaıtyn merzimde ýaqytsha ákimshilikke saqtandyrý portfelin berýdi kelisedi nemese kelisýden bas tartady.
Saqtandyrý portfelin berý máselesin kelisý týraly ýákiletti organnyń jazbasha jaýabynda saqtandyrý portfeline engiziletin saqtandyrý sharttary beriletin saqtandyrý synyptaryn júzege asyrýǵa beriletin lısenzııasy bar saqtandyrýshylar týraly aqparat kórsetiledi.
48. Ýákiletti organ konservasııa satysyndaǵy saqtandyrý portfelin berý týraly sheshimdi keliskennen keıin ýaqytsha ákimshilik saqtandyrýshylardyń kelisimin alý maqsatynda bes jumys kúnnen keshiktirmeı aldaǵy saqtandyrý portfelin berý týraly Qazaqstan Respýblıkasynyń búkil aýmaǵynda qazaq jáne orys tilderinde taratylatyn merzimdi baspasóz betterinde qarsylyqtardy berý tártibi, merzimi jáne saqtandyrýshylardyń qarsylyqtary qabyldanatyn mekenjaıy kórsetilgen habarlamany jarııalaýdy júzege asyrady.
Saqtandyrýshylar saqtandyrý shartyn berýmen kelispegen jaǵdaıda, jazbasha qarsylyqty habarlandyrý jarııalanǵan kúnnen bastap on kúntizbelik kún ishinde bermeýi, olardyń saqtandyrý sharttaryn berýge kelisýi retinde qarastyrylady.
49. Konservasııa satysynda jumys isteıtin ýaqytsha ákimshilik saqtandyrýshylardyń jazbasha túrde qarsylyq berýine arnalǵan merzim aıaqtalǵan kúnnen bastap, úsh kúntizbelik kún ishinde, saqtandyrý uıymyn lısenzııasynan aıyrǵanda jumys isteıtin ýaqytsha ákimshilik saqtandyrý portfelin berýge ýákiletti organnyń kelisimin alǵan kúnnen bastap, bes kúntizbelik kún ishinde saqtandyrýshyǵa beriletin saqtandyrý Sharttarynyń tizimin qurastyrady.
50. Ýaqytsha ákimshilik joǵaryda atalǵan is-sharalardy júrgizgennen keıin saqtandyrýshylarǵa Erejeniń 52-tarmaǵynyń talaptaryna sáıkes qaraý jáne bes jumys kúninen keshiktirmeı jaýapty berý merzimimen saqtandyrý portfelin qabyldaý týraly usynys-hat jiberedi.
Bul rette hatta beriletin saqtandyrý sharttarynyń boljaldy kólemi kórsetiledi.
51. Saqtandyrý sharttary jáne saqtandyrý uıymynyń aktıvteri boıynsha beriletin mindettemeler boıynsha qujattamalardy áleýetti saqtandyrýshy – alýshylar alǵanda qupııalylyqty saqtaý jáne saqtandyrý portfelin qabyldaý múmkindigin qaraýǵa baılanysty alynǵan aqparatty jarııa etpeý týraly kelisimge (mindettemege) qol qoıady.
Áleýetti saqtandyrýshy-alýshynyń suratýy boıynsha ýaqytsha ákimshilik zańmen qorǵalatyn qupııadan turatyn málimetterdi jarııa etpeý týraly Qazaqstan Respýblıkasy zańnamalyq aktilerimen bekitilgen talaptardy qadaǵalaýmen qosymsha aqparat beredi.
52. Áleýetti saqtandyrýshy-alýshy mynadaı talaptarǵa saı bolýy kerek:
saqtandyrý portfeline engiziletin, olar boıynsha saqtandyrý sharttary beriletin saqtandyrý synyptaryn júzege asyrýǵa berilgen ýákiletti organnyń lısenzııasy bolýy kerek;
sońǵy esepti kúnge jáne aldaǵy qabyldanatyn saqtandyrý portfelin eskere otyryp prýdensııalyq normatıvterdi oryndaýy kerek;
ótinish berý kezinde ýákiletti organ qoldanǵan shekteýli yqpal etý sharalary jáne sanksııalary qoldanysta bolmaýy kerek;
saqtandyrý uıymynyń klıentterine qyzmet kórsetýge arnalǵan fılıaldary bolýy kerek.
53. Ýaqytsha ákimshilik saqtandyrýshy-alýshyny tańdaıdy.
54. Debıtorlyq bereshekter boıynsha talaptardyń beriletin quqyǵynyń quny balansty jáne balanstan tys shottardyń esepte bolatyn bereshek somasy retinde anyqtalady.
Saqtandyrý portfelin berý kezinde saqtandyrý sharttary boıynsha aktıvterdiń quny men mindettemelerdiń mólsheri ýaqytsha jáne saqtandyrýshy-alýshymen kelisilgen berý kúni esepteledi.
55. Saqtandyrý portfelin beretin saqtandyrý uıymy jáne saqtandyrýshy – alýshy arqyly júzege asyrylǵan, beriletin saqtandyrý portfeline engizilgen saqtandyrý sharttary boıynsha aktıvter qunyn jáne mindettemeler kólemin esepteýdegi kelispeýshilikter bolǵan jaǵdaıda, ýaqytsha ákimshilik baǵalaýshynyń aktýarııasyn qarastyrady.
56. Saqtandyrý portfelin berý saqtandyrýshy uıymnyń saqtandyrýshy-alýshymen jasalǵan sharty negizinde júzege asyrylady.
57. Saqtandyrý uıymynyń ýaqytsha ákimshiligimen jáne saqtandyrýshy-alýshynyń arasynda qosymsha mynadaı málimetteri bar qabyldaý-ótkizý aktisi resimdeledi, onda mynadaı málimetter kórsetilgen:
1) saqtandyrý sharttary boıynsha beriletin mindettemeler kólemi, saqtandyrýshynyń tegi, aty, bar bolsa ákesiniń aty kórsetilgen saqtandyrý sharttarynyń tizbesi, saqtandyrý sharty jasalǵan kún jáne onyń nómiri, sharttyń qoldanylý merzimi, saqtandyrý merzimi, saqtandyrý obektisi, saqtandyrý somasy jáne saqtandyrý syılyqaqysynyń mólsheri;
2) ataýy, ınventarlyq nómiri, balanstyq (bar bolsa baǵalanǵan) quny, saqtandyrý uıymynyń quqyǵyn rastaıtyn qujattar kórsetilgen saqtandyrý uıymynyń beriletin aktıvteriniń mólsheri, tizbesi jáne túrleri;
3) debıtorlardyń tegi, aty, ákesiniń aty (bar bolsa), ataýy, debıtorlyq bereshektiń somasy eskerilgen shottardyń nómiri, bereshektiń týyndaýyna negizdeme kórsetilgen debıtorlyq bereshek boıynsha talaptardyń beriletin quqyǵynyń quny men tizbesi;
4) beriletin qujattar (sharttar, kýálikter men basqa da qujattar).
58. Saqtandyrý uıymynyń ýaqytsha ákimshiligi saqtandyrý portfelin berý týraly shart jasaǵan jáne qabyldaý-ótkizý aktisine qol qoıǵan kúnnen bastap bir jumys kúnniń ishinde ýákiletti organǵa kórsetilgen qujattardyń kóshirmesin jiberedi.
59. Ýaqytsha ákimshilik saqtandyrýshy-alýshymen birge press-konferensııa júrgizedi jáne ýákiletti organnyń resmı ınternet-resýrsynda ornalastyrýǵa arnalǵan press-relızdi ýákiletti organǵa beredi.
60. Saqtandyrýshy-alýshy saqtandyrý uıymynyń saqtandyrý portfelin qabyldaǵan kúnnen bastap bes jumys kún ishinde saqtandyrý uıymynyń ýaqytsha ákimshiligi saqtandyrý portfelin berýdi júzege asyrý týraly habarlamany Qazaqstan Respýblıkasynyń búkil aýmaǵynda taralatyn merzimdi baspasóz basylymdarynda qazaq jáne orys tilderinde jarııalaıdy.
Habarlamada:
1) saqtandyrý portfeliniń berilgen kúni;
2) saqtandyrýshy-alýshynyń ataýy jáne baılanys telefondary kórsetilgen onyń ornalasqan jeri týraly aqparat bar.
6-taraý. Saqtandyrý uıymyn májbúrlep taratqanda saqtandyrý portfelin berýdiń ereksheligi
61. Taratý komıssııasynyń saqtandyrý uıymyn májbúrlep taratý týraly sot sheshimi zańdy kúshine engen kúnnen bastap, májbúrlep taratylatyn saqtandyrý uıymynyń taratý komıssııasy saqtandyrý tólemderin kepildendirý júıesine engizilgen saqtandyrýdyń kepildirilgen túrleri boıynsha saqtandyrýshynyń kelisiminsiz saqtandyrý portfelin berýdi tolyq kólemde júzege asyrady.
62. Saqtandyrý portfelin berýdi saqtandyrý uıymyn májbúrlep taratý týraly sot sheshimi zańdy kúshine engen kúnnen bastap toqsan kúntizbelik kún ishinde júzege asyrady.
Májbúrlep taratylatyn saqtandyrý uıymynyń saqtandyrý portfelin májbúrlep taratylatyn saqtandyrý uıymyn taratý komıssııasymen saqtandyrýdyń jáne (nemese) qaıta saqtandyrýdyń kepildendirilgen túrleri jóninde lısenzııasy bar jáne onyń (olardyń) osy Erejeniń 52-tarmaǵymen bekitilgen talaptaryna sáıkes bir nemese birneshe saqtandyrýshyǵa beriledi
63. Saqtandyrý portfelin berý saqtandyrý sharttary boıynsha saqtandyrý uıymyn májbúrlep taratqanda saqtanýshylarǵa (saqtandyrylǵandarǵa, paıda alýshylarǵa) saqtandyrý tólemderin júzege asyrýǵa kepildeme beretin uıymnyń esebinen júzege asyrylady.
64. Saqtandyrý portfelin berý týraly shart májbúrlep taratylatyn saqtandyrý uıymynyń taratý komıssııasy, saqtandyrýshy–alýshy jáne saqtandyrý sharttary boıynsha saqtandyrý uıymyn májbúrlep taratqanda saqtanýshylarǵa (saqtandyrylǵandarǵa, paıda alýshylarǵa) saqtandyrý tólemderin júzege asyrýǵa kepildeme beretin uıym arasynda jasalady.
65. Beriletin saqtandyrý portfeliniń quramyna:
1) saqtandyrý jaǵdaılary boıynsha saqtandyrý tólemderin júzege asyrý boıynsha májbúrlep taratylatyn saqtandyrý uıymynyń mindetteri bastalǵan saqtandyrý sharttary, olardyń bastalǵandyǵy týraly málimdelgen jáne olar boıynsha saqtandyrý tólemderi júzege asyrylmaǵan nemese tolyq kólemde júzege asyrylmaǵan;
2) saqtandyrý sharttary tiziliminde jáne (nemese) májbúrlep taratylatyn saqtandyrý uıymynyń derekter bazasynda joq saqtandyrý sharttary;
3) taraptary saqtandyrýshy-alýshy (saqtandyrýshy, qaıta saqtanýshy, qaıta saqtandyrýshy) bolyp tabylatyn saqtandyrý sharttary engizilmeıdi.
66. Taratý komıssııasy saqtandyrýshy-alýshyny tańdaýdy jáne saqtandyrý portfelin berýdi osy Erejeniń 50, 51, 52, 53, 54, 55, 56, 57, 58, 59, 60 tarmaqtarynda belgilengen tártipte júzege asyrady.
Saqtandyrý uıymyn májbúrlep taratqanda saqtandyrý portfelin berýdi júzege asyrý týraly habarlamada osy Erejeniń 60-tarmaǵynda kózdelgen málimetterden basqa májbúrlep taratylatyn saqtandyrý uıymynyń taratý komıssııasynyń jáne saqtandyrýshylarǵa (saqtandyrylǵandarǵa, paıda alýshylarǵa) saqtandyrý tólemderin júzege asyrýǵa kepildeme beretin uıymnyń baılanys telefondary kórsetilgen ornalasqan jeri týraly aqparat bolýy kerek.
67. Májbúrlep taratylatyn saqtandyrý uıymynyń saqtandyrý portfeli berilgen (qabyldanǵan) kúnnen bastap qabyldanǵan saqtandyrý sharttary boıynsha týyndaıtyn mindettemelerdi saqtandyrýshy-alýshy atqarady.
Berilgen saqtandyrý sharttary onda belgilengen merzim aıaqtalǵanǵa deıin qoldanysta bolady.
Májbúrlep taratylatyn saqtandyrý uıymynyń saqtanýshylarymen jańa saqtandyrý shartyn jasaýdyń nemese májbúrlep taratylatyn saqtandyrý uıymynyń saqtanýshylarymen jasalǵan saqtandyrý shartyna ózgerister engizýdiń qajeti joq.
68. Saqtandyrý uıymyn májbúrlep taratý týraly sot sheshimi zańdy kúshine engen kúnnen bastap, saqtanýshylardyń saqtandyrý tólemderin júzege asyrýǵa kepildeme beretin uıym saqtandyrýshyǵa (saqtandyrylǵandarǵa, paıda alýshylarǵa) beriletin májbúrlep taratylatyn saqtandyrý uıymynyń saqtandyrý portfelin tóleý mindettemelerin ózine qabyldaıdy.
Saqtandyrý portfelin berý Erejesiniń 1-qosymshasy
Beriletin saqtandyrý portfeliniń quramyna engiziletin saqtandyrý sharttarynyń tizimi
1.
Saqtandyrý shartynyń nómiri (saqtandyrý polısi)
2.
Saqtandyrý shartynyń jasalǵan kúni
3.
Saqtandyrýshynyń ataýy nemese aty, bar
bolsa ákesiniń aty
4.
Saqtandyrý synyby
5.
Saqtandyrý shartynyń kúshine engen jáne
qoldanylýynyń aıaqtalǵan kúni
6
Saqtandyrý somasynyń mólsheri
7.
Saqtandyrý syılyqaqysynyń mólsheri
8.
Saqtandyrý syılyqaqysynyń mólsheri jáne
tólengen kúni
9.
Saqtandyrý jaǵdaılary týraly ótinishtiń
túsken kúni
10.
Saqtandyrý jaǵdaılarynyń bastalǵan kúni
11.
Saqtandyrý tólemi (tólemderi) júrgizilgen
kún (kúnder).
12.
Júrgizilgen saqtandyrý tóleminiń (tólemderi)
mólsheri (mólsherleri).
13.
Júrgizilmegen saqtandyrý tólemin (tólemderin)
tóleý merzimi
14.
Júrgizilmegen saqtandyrý tóleminiń (tólemderiniń)
mólsheri (mólsherleri)