«Altaı» Qazaqstan Kýbogyna qatysýdan bas tartqanda bir nárseniń shıki ekeni bilindi. Biraq ujym Shymkentte oqý-jattyǵý jıynyn ótkizgen bolatyn. Shamasy klýb basshylary ózara birnárseni sheshe almaı jatqan sııaqty. Sebebi, kóp nárse túsiniksiz. Menińshe, bul iske Qazaqstan fýtbol federasııasy aralasýy kerek. Qajet bolsa, jankúıerlermen, ákimdermen kezdesý uıymdastyrǵany jón bolar edi. Eger «Altaı» klýby jabylyp qalatyn bolsa, jergilikti ákimdikke, Qazaqstan fýtbol federasııasyna úlken syn bolady», – dedi áıgili qaqpashy.
Sonymen qatar, Kıprge jáne Armenııaǵa qarsy oıyndaǵy ultyq quramanyń deńgeıin synǵa aldy.
«Osyǵan deıin aıtqanymdaı, álem chempıonatynyń irikteý kezeńi aıaqtalǵanǵa deıin Talǵat Baısýfınov óz ornynda qalýy kerek edi. Bul kezeń aıaqtalǵannan keıin bapkerler quramy jaıly sheshim qabyldasa durys bolady. Al sońǵy oıyndarda ulttyq quramamyz Qazaqstan chempıonatynyń deńgeıin anyq kórsetti. Árıne, fýtbolshylarymyzdyń óz deńgeıin arttyrǵanyn qalar edim. Sebebi, «Qaırat» pen «Astananyń» oıynshylaryn eseptemegende ózgeleri baryn salyp oınamaıdy. Osydan keıin olarǵa bostan-bos jalaqy tólenip júr me degen oıda qalamyz. Bul durys emes», – dedi Quralbek Ordabaev.
«Qazaqstan chempıonatyna keler bolsaq, chempıondy anyqtaý ázirge erte sııaqty. Sebebi, «Qaırattyń» ózi birneshe upaıynan aıyrylyp qaldy. Onyń ústine jigitterdiń qandaı alańda oınap júrgenin de eskerýimiz kerek. Sebebi, Tarazda, Qyzylordada, Zatobolda fýtbolshylardyń oınap júrgen jerin kórseńizder. О́z basym jasandy alańǵa qarsy emespin. Biraq ol FIFA-nyń barlyq talabyna saı kelmeıdi. Elimizde «Qaırattikine» eshqaısysy jetpeıdi. Elordalyqtar jasandy alańyn aýystyrý týraly durys sheshim qabyldady. Sebebi, «Astana Arenany» synǵa alǵandar kóp boldy», – dedi ol.
«Mundaı kemshilikke renish bildirgen fýtbolshylar da, jattyqtyrýshylar da kóp. Mine, osydan kelip, eki nárseni túıýge bolady. Birinshisi – sapaly alańdardyń joqtyǵy, ekinshisi – qazaqstandyq fýtbolshylardyń deńgeıiniń tómendigi. Elimizde fýtbol damyp jatyr dep jar salamyz, al ulttyq quramamyz jeńilisten kóz ashpaı keledi. Degenmen, ýaqyt óte kele bári ózgeredi dep úmittenemin», – dedi Ordabaev.
Aıta keteıik, «Altaı» birer aı buryn Qazaqstan premer-lıgasynan shettetilgen bolatyn. Federasııanyń mundaı sheshim qabyldaýyna shyǵysqazaqstandyqtardyń jańa maýsym aldynda sertıfıkasııadan óte almaýy sebep boldy. Onyń ornyn «Taraz» basty. Al birneshe kún buryn qarjylyq qıyndyqtarǵa baılanysty el Kýbogyna qatysýdan da bas tartty.