QHP Ortalyq keńsesinde jańa Konstıtýsııa jobasyna arnalǵan ashyq pikirtalas ótti. Is-shara partııa mektebiniń kópshilik aldynda pikir aıtý mádenıetin qalyptastyrýǵa baǵyttalǵan alańynda uıymdastyrylyp, oǵan partııa belsendileri qatysty, dep jazady Egemen.kz.
Pikirtalas formaty qatysýshylardyń naqty faktige súıenip sóıleý, dálelmen jumys isteý, oıdy júıeli jetkizý, rıtorıka men ýaqyt reglamentin saqtaý mashyǵyn jetildirýge qurylǵan. Jas ereksheligine, mamandyǵy men qyzmet salasyna shekteý qoıylmaıdy. Bul alańda túrli áleýmettik top ókilderi bir taqyrypty ár qyrynan talqylaýǵa múmkindik alady.
Áleýmettik zertteý: Qazaqstan halqynyń 85%-y jańa Konstıtýsııa jobasyn qoldady
Joba búginde elimizdiń barlyq óńirinde QHP fılıaldarynyń bazasynda júzege asyrylyp keledi. Ortalyq keńsede ótken bul kezdesý soǵan uqsas pikirtalastar serııasynyń bir bóligi.
«О́kinishke qaraı, keıde belgili bir salanyń beıindi mamandary tıisti bilim men tájirıbege ıe bola tura, óz bastamasyn naqty tujyrymdap, ustanymyn dáleldi túrde qorǵaı almaı jatady. Al shyn máninde olar adamdardyń, partııanyń, salanyń, bıznestiń múddesin qorǵaýy tıis. Polemıkalyq sheberlikti shyńdaý úshin osyndaı alań qurdyq», dedi is-sharany uıymdastyrýshylardyń biri, Májilis depýtaty, QHP «JAS ORTA» jastar qanatynyń basshysy Islam Suńqar.
Qazaqstannyń Azamattyq alıansy konstıtýsııalyq reformany qoldady
Pikirsaıys shartyna sáıkes, spıkerler aldyn ala daıyndalmaıdy. Sóz sóıleý taqyryby men qorǵaýǵa tıis ustanymyn olar pikirtalas bastalǵan sátte ǵana biledi. Qazylar alqasy qatysýshylardyń oıdy jetkizý logıkasyna, dáleliniń dáıektiligine jáne aýdıtorııany ılandyra alý qabiletine baǵa beredi.
Bul joly pikirtalas jańa Konstıtýsııasy jobasy aıasynda ótti. Qatysýshylar «Konstıtýsııanyń preambýlasy – bolashaqtyń kompasy» jáne «Adamǵa baǵdarlanǵan memleket» taqyryptaryn talqylady. Pikirtalasqa qatysqan QHP belsendisi, jobalaý kompanııasynyń basshysy Naılıa Appasova bir palataly Parlament qurý bastamasyna qoldaý bildirdi.
«Saıası júıe reformalanyp, transformasııa júrip jatyr. Bul bir palataly Parlamentke kásibı ári tájirıbeli mamandardy shoǵyrlandyryp, olarǵa sheshim qabyldaýdyń naqty jaýapkershiligin júkteýge múmkindik beredi», dedi ol.
Al saıasattanýshy, «Eýrazııalyq monıtorıng» analıtıkalyq zertteý ortalyǵynyń dırektory Álibek Tájibaev «Kúshti tulǵalardyń ornyna kúshti ınstıtýttar» taqyrybynda baıandama jasap, qazirgi Konstıtýsııalyq reformanyń negizgi maqsaty basqarý júıesin nyǵaıtý ekenin atap ótti.
Astanada jańa Konstıtýsııa jobasyn talqylaýǵa arnalǵan kezdesý ótti
«Bul úshin jańa Konstıtýsııada barlyq quqyqtyq jáne ınstıtýsıonaldyq jaǵdaı qarastyrylǵan», dedi sarapshy.
Qazaqstan Halyq partııasy mundaı pikirtalas alańdaryn aldaǵy ýaqytta da jalǵastyrýdy josparlap otyr. Mundaǵy maqsat – saıası qujattardy qoǵamǵa túsindirý ǵana emes, azamattardyń pikir aıtý mádenıetin kúsheıtý.