34 jastaǵy ázilkesh Nurlan Sabýrovqa Reseıge 50 jylǵa kirýge tyıym salynǵany jáne onyń áýejaıda ustalǵany habarlandy. Bul shekteýler onyń Ýkraınadaǵy soǵysqa aıtqan synyna baılanysty bolýy múmkin. Sondaı-aq oǵan kóshi-qon jáne salyq zańnamasyn buzdy degen aıyp taǵylǵany týraly boljam bar. Atalǵan aqparat reseılik Telegram-arnalarda taraǵan, dep jazady Egemen.kz.
Budan bólek, Sabýrovtyń Reseı aýmaǵynda jalpy quny 60 mıllıon rýblden asatyn múlki bar ekeni anyqtaldy. Ol Reseıde tapqan qarajatyn deldaldar arqyly «jylystatty» degen kúdikke ilingen.
Mash basylymynyń málimetinshe, ázilkesh Dýbaıǵa deportasııalanýdan bas tartyp, óz erkimen elge qaıtqan.
Aıta keteıik, Sabýrov 2025 jyly Reseıde kóshi-qon zańnamasyn buzyp, elde ruqsat etilgen merzimnen artyq bolǵan. Ol kezde aıyppulmen ǵana qutylyp, elden ketýge jáne keıin belgilengen tártip boıynsha qaıta kirýge eki apta ýaqyt berilgen.
Sondaı-aq ótken jyly ázilkeshtiń Reseıdegi konserti birneshe ret toqtatylǵan.
Ázilkesh Nurlan Qoıanbaev jańa qyzmetke taǵaıyndaldy