Búgin Qostanaı qalasynyń «IQostanay» ortalyǵynda Prezıdent Qasym-Jomart Toqaev jarııalaǵan «Sıfrlandyrý jyly» aıasynda aýyl jastarynyń áleýetin arttyrýǵa baǵyttalǵan «Auyl Jastary» respýblıkalyq semınary óz jumysyn bastady. «Aýyl» partııasy uıymdastyrǵan bul shara aýyl men qala arasyndaǵy sıfrlyq alshaqtyqty joıyp, jańa býyn mamandarynyń tehnologııalyq básekege qabilettiligin nyǵaıtýdy kózdeıdi, dep habarlaıdy Egemen.kz.
Semınardyń mazmuny tek tehnologııamen shektelmeı, elimizdegi Konstıtýsııalyq reformalardyń mańyzyna da baǵyttaldy. Jańa quqyqtyq arhıtektýra aıasynda jastardyń memlekettik basqarý men reformalardy iske asyrýdaǵy belsendiligi saıası saýattylyqty arttyrýdyń negizgi faktory retinde qaraldy.
Semınardyń resmı bólimin «Aýyl» partııasy tóraǵasynyń orynbasary Ǵalymjan Qusmanǵalı ashty. О́z sózinde ol elimizde júrip jatqan aýqymdy saıası jańǵyrýlarǵa toqtalyp, Konstıtýsııalyq reformalardyń mańyzdylyǵyn erekshe atap ótti.
Konstıtýsııalyq reforma jastarǵa qandaı múmkindikter usynady?
«Memleket basshysynyń bastamasymen júzege asqan Konstıtýsııalyq reformalar − «Ádiletti Qazaqstandy» qurýdyń berik quqyqtyq negizi boldy. Bul ózgerister tek zańnamalyq jańartý emes, bul − azamattardyń memleketti basqarý isine aralasýyna jol ashqan jańa saıası mádenıettiń bastaýy. Búgingi sıfrlyq dáýirde jastar osy reformalardyń basty qozǵaýshy kúshi ári belsendi qatysýshysy bolýy tıis», dedi Ǵ.Qusmanǵalı.
Qatysýshy aýyl jastary men partııa belsendileri elimizdegi Konstıtýsııalyq reformalardy bir aýyzdan qoldaıtyndaryn málimdedi. Jastar bul reformany jańa múmkindikter men demokratııalyq damýdyń kepili retinde baǵalap, «Ádiletti Qazaqstan» qurý jolynda belsendilik tanytýǵa daıyn ekendikterin jetkizdi.
Qostanaı oblysy ákiminiń orynbasary B. Narymbetov pen partııanyń óńirlik fılıal tóraǵasy N. О́teýlın qatysýshylarǵa sáttilik tilep, qoǵamdyq jumysta úzdik shyqqan birqatar jastardy marapattady.
Jıynnyń erekshe formaty retinde jasandy ıntellekt ókili − AiBatyr-dyń alǵy sózi qatysýshylarǵa sıfrlyq tehnologııanyń shynaıy múmkindikterin pash etti.
Jastar kásipkerligi: qoldaý bar, qaıtarymy qalaı?
Semınardyń sarapshylyq blogynda Damır Myńaıdarov pen Natalııa Abramova jasandy ıntellektiniń kúndelikti ómir men kásipke ákeler paıdasyn praktıkalyq turǵyda kórsetti.
Alııa Orazymbetova ınternettegi jeke derekterdi qorǵaý jáne kıbergıgıena mádenıeti týraly dáris oqydy.
Edgar Volodkın sıfrladyrý úderisindegi zamanaýı JI tehnologııalardyń rólin saraptady.
«Aýyl amanaty» jastardy qoldaıdy