Premer-mınıstrdiń birinshi orynbasary Roman Sklıar AQSh-tyń Open Element jáne Ońtústik Koreıanyń Hands Corporation kompanııalarynyń basshylyǵymen kezdesý ótkizip, birlesken kásiporyn qurý týraly memorandýmǵa qol qoıyldy, dep habarlaıdy Egemen.kz.
Joba avtomobıl ónerkásibinde lokalızasııany tereńdetýge jáne ımportqa táýeldilikti azaıtýǵa baǵyttalǵan. Astana Motors kompanııasynyń qatysýymen júzege asyrylady.
Bes jylda 5 ese ósim: Qaı oblystarda avtobólshekter baǵasy sharyqtap tur?
Jańa kásiporyn Qazaqstanda alıýmınıı dóńgelek dıskilerin óndirý boıynsha tolyq tehnologııalyq sıklmen, onyń ishinde ozyq ınjenerlik jáne óndiristik sheshimderdi transferleýdi qamtıtyn alǵashqy zamanaýı óndiris bolady.
Sheteldik seriktester Qazaqstannyń jobany júzege asyrý alańy retinde tańdalýy eldegi avtomobıl óndirisiniń turaqty ósýimen baılanysty ekenin atap ótti. Kezdesý qorytyndysy boıynsha birlesken kásiporyn qurý týraly úshjaqty memorandýmǵa qol qoıyldy.
Memorandýmǵa qol qoıý rásimine Astana Motors negizin qalaýshy Nurlan Smaǵulov, Astana Motors bas dırektory Beknýr Nesipbaev, Open Element negizin qalaýshy jáne bas dırektory Mýstafa Akkarı, Hands Corporation dırektorlar keńesiniń tóraǵasy Syn Hen Chan, sondaı-aq Qazaqstannyń Avtokólik Odaǵynyń prezıdenti Anar Makasheva qatysty.
Elimizde avtokólik óndirisi qarqyndy damyp jatyr
Bul jobany júzege asyrý Qazaqstannyń tek ishki naryq úshin ǵana emes, sonymen qatar óńirlik naryqtar úshin de iri avtokomponentter óndirýshisi jáne jetkizýshisi róline kóshý jónindegi uzaqmerzimdi strategııasynyń bir bóligi bolyp sanalady.