Altynshy ret uıymdastyrylǵan alqaly jıynǵa 400-den astam jas daryndar jınaldy, dep habarlaıdy ınstıtýttyń baspasóz qyzmeti.
Olardyń arasynda Qazaqstannyń barlyq aımaǵyndaǵy orta mektep pen joǵary oqý oryndarynyń stýdentteri, magıstranttary men doktoranttary bar. Sondaı-aq, sharaǵa tanymal tarıhshylar men belgili ǵalym-zertteýshiler, Qazaqstan, Japonııa jáne Qyrǵyzstannyń arnaıy bilim berý mekemeleriniń qyzmetkerleri de shaqyrylǵan.
Pedagogıkalyq oqý orny konferensııany elimizdegi jas ǵalymdardyń shyǵarmashylyq qabiletin shyńdaý úshin eki jylda bir ret uıymdastyrady. Bıylǵy keńes TarMPI-dyń 50 jyldyǵyna arnalyp otyr.
Taraz memlekettik pedagogıkalyq ınstıtýtynyń Tárbıe isi jáne áleýmettik máseleler jónindegi prorektory Orynqyz Joldasova ınstıtýt rektory Darııa Qojamjarovanyń konferensııaǵa qatysýshylarǵa joldaǵan quttyqtaý hatyn oqyp berdi.
– Memleket basshysy Nursultan Nazarbaev elimizdi ǵylymı-ınnovasııalyq salada zor serpilis jasap, eýrazııalyq keńistikte osy salanyń kóshbasshylardyń biri bolý kerektigin mindettedi. Qazirgi kúnde jan-jaqty damyǵan ǵylymsyz órkenıetti memleketterdiń qataryna qosylý múmkin emes ekeni barshaǵa belgili aqıqat. Sizder – sol ǵylym áleminde baq synap júrgen jas urpaqtyń ókilderisizder. Týrasyn aıtsaq, sizderdiń bolashaqtaryńyz – eldiń bolashaǵy, ulttyń erteńi. Aldymyzǵa qoıyp otyrǵan bul mindetter asa aýqymdy. Ol úshin bárimizge úlken kúsh-qaırat, erik pen jiger kerek. Bastysy bilim men ǵylym kerek. Qazaqstan ekonomıkasynyń ózegi bilim men ǵylymǵa negizdelýi qajet. Sonda ǵana josparymyz oryndalyp, kózdegen maqsat údesinen shyǵatynymyzǵa senimdimiz, – delingen rektor quttyqtaýynda.
Konferensııa barysynda Taraz memlekettik pedagogıkalyq ınstıtýtynyń saıasattaný ǵylymdarynyń PhD doktoranty, bilim ǵylymdarynyń PhD doktoranty Lázzát Ilımhanova «Akademııalyq hattardyń Qazaqstan ǵylymyndaǵy mańyzy: álemdik tendensııalar», Qazaq memlekettik qyzdar pedagogıkalyq ýnıversıtetiniń professory, pedagogıka ǵylymdarynyń doktory Gúlnar Muratbaeva «Baǵalaý ólshemderi – bilim sapasyn baqylaýdyń senimdi quraldary», Taraz memlekettik pedagogıkalyq ınstıtýtynyń dosenti, fılologııa ǵylymdarynyń kandıdaty Galına Bedýsenko «Rol dıaloga v prosesse obýchenııa rýsskomý ıazyký nerýsskoı aýdıtorıı», Qazaq memlekettik qyzdar pedagogıkalyq ýnıversıtetiniń PhD doktoranty Raılıa Izmaǵambetova «Oqytýdyń ınnovasııalyq ádis-tásilderi» jáne Taraz memlekettik pedagogıkalyq ınstıtýty janyndaǵy J. Balasaǵun atyndaǵy Túrkistan ólkesiniń tarıhyn zertteý ortalyǵynyń dırektory, tarıh ǵylymdarynyń kandıdaty Ordaly Qońyratbaev «Turar Rysqulov jáne Ortalyq Azııa stýdentteri» taqyryptarynda baıandamalar jasady.
Konferensııanyń basty maqsaty – jas ǵalymdardyń jasampazdyq áleýetin damytý, olardy zamanaýı ǵylymnyń mańyzdy máselelerin sheshýge belsendi túrde tartý, ǵylymı bilim berý keńistigin damytý. Sondaı-aq, jıynnyń taǵy bir kózdegeni – izdenýshilerdiń ózara baılanys ornatýlaryna, tájirıbe almasýlaryna yqpal jasaý. Aıta ketý kerek, bul oraıda Taraz memlekettik pedagogıkalyq ınstıtýtynda «Kids University» jobasy iske asyrylýda.
Bıylǵy konferensııa gýmanıtarlyq jáne jaratylystaný ǵylymdary baǵyttary boıynsha ótkizildi. Atalǵan seksııalarǵa barlyǵy 500-den astamjumys kelip túsken.
Shara barysynda qazaqstandyq jas izdenýshilerdiń ǵylymı jetistikterinińkórmesi ótkizilip, otandyq jáne sheteldik ǵalymdardyń jastarǵa arnalǵansheberlik synyptary júrgizildi.
Jambyl oblysyndaǵy Kókdónen orta mektebiniń 9-synyp oqýshysy BaqnurBaıelıev konferensııaǵa eldi mekenderdi aýyz sýmen qamtamasyz etýgearnalǵan ǵylymı jańalyǵyn ala kelipti.
– Bizdiń aýylda sý kúndiz ǵana aǵady. Ol kemshilikti joıý úshin sýdy qaıtaaınalmaly jolmen úlken munaraǵa quıyp, jibergim keledi. Eger táýlik boıy sýdy úzdiksiz aǵyzsaq, olardy tikeleı úıge qoıyp alsa da bolady, – deıdi B.Baıelıev.
– О́skeleń urpaqtyń shyǵarmashylyq, ǵylymı-zertteý jumystaryn nasıhattaý men ony keń kólemde jarııalaýda, olardyń tulǵalyq damýdyń tásili retindegi jobalyq zertteý is-áreketterine tartýda jáne bilim berý úrdisiniń tıimdiligin kóterý men qoldanbaly ǵylymǵa degen qyzyǵýshylyqtaryn damytýda osy taqilettes jıyndardyń mańyzy zor, – deıdi shara uıymdastyrýshylary.
Konferensııaǵa kelip túsken materıaldar negizinde arnaıy jınaq shyǵarý kózdelip otyr. Bul óz kezeginde elimizdegi izdenýshi jastarǵa, ǵylymı jumystarmen aınalysatyn ǵalymdarǵa jáne ınnovasııalyq damý strategııasyn josparlap, júzege asyrýshylar úshin mańyzdy teorııalyq jáne ádistemelik kómekshi qural bolmaq.