Nursultan NAZARBAEV: «О́zin-ózi jumyspen qamtyǵan halyq bizdiń ekonomıkanyń eń mańyzdy kadrlyq rezervi bolyp tabylady»

«Nur Otan» HDP-nyń Parlament Májilisindegi fraksııa­sy­nyń janyndaǵy Áleýmettik keńes «О́zin-ózi jumyspen qam­tyǵan halyq – Qazaqstandy ın­dýstrııalyq damytýdyń kadr­lyq rezervi» degen taqyrypta dóńgelek ústel ótkizdi. Jınalysty «Nur Otan» HDP-nyń Parlament Máji­li­sindegi fraksııasy janyndaǵy Áleýmettik keńes tóraıymy Aıtkúl Samaqova júrgizip otyr­dy. Negizgi baıandamany Eń­bek jáne halyqty áleýmettik qorǵaý mınıstriniń orynbasa­ry Birjan Nurymbetov jasady. Elbasy Nursultan Nazarbaev Qazaqstan halqyna Jol­daý­ynda «О́zin-ózi jumyspen qam­ty­ǵan halyq – bizdiń eko­no­mıkanyń eń mańyzdy kadrlyq rezervi bolyp tabylady», deı kelip, eldi aýqymdy ındýs­trııa­landyrýǵa ár qazaqstandyqtyń qatysý múmkindigin qamtamasyz etý qajettigin basa aıtqan bolatyn. 2010-2014 jyldarǵa arnal­ǵan Qazaqstan Respýblıkasyn údemeli ındýstrııalyq-ınno­va­sııalyq damytýdyń memlekettik baǵdarlamasy 161 myń turaqty jumys ornyn jáne qurylys kezeńinde 207 myń jumys or­nyn quratyn, jalpy somasy 8,1 trıllıon teńge bolatyn 294 jańa jobany iske asyrýdy qa­rastyrady. Baǵdarlamada jeti basym baǵyt aıqyndalǵan. Bu­lar – AО́K, metallýrgııa, munaı óńdeý, energetıka, hımııa óner­kásibi men farmasevtıka, qury­lys ındýstrııasy, kólik jáne aqparattyq kommýnıkasııalar­dy damytý. Eńbek jáne halyqty áleý­mettik qorǵaý mınıstrliginiń málimetteri boıynsha, údemeli ındýstrııalyq-ınnovasııalyq damý baǵdarlamasy úshin kadr­larǵa suranys 108 myń ma­mandy quraıdy. Atap aıtqanda, tereń burǵylaý ınjenerleri, munaı men gaz operatorlary, geofızıkter, energetıkter, mon­­­tajshylar, dánekerleýshi­ler, tokar-frezerovshıkter, elek­tr júıelerine qyzmet kór­setetin mamandar, kompres­sor­lyq stansalar men jer asty qu­byr­larynyń jáne t.b. sheberleri sııaqty joǵary jáne arnaıy biliktiligi bar jumysshylar qajet. 2010-2014 jyldary eko­no­mıka­nyń kadrlarǵa jalpy suranysy 287 myń adamdy quraıdy. Otyrys barysynda jumys­qa ornalastyrý men ózin ózi ju­myspen qamtyǵandardyń, ju­mys­syzdardyń jáne az qam­tyl­ǵan turǵyndardyń ómir súrý deń­geıin arttyrý joldary talqylandy. Sharaǵa Parlament Máji­li­siniń depýtattary, memlekettik jáne úkimettik emes uıym­dardyń jetekshileri qatysty. Oty­rystyń qorytyndylary boı­ynsha tıisti usynystar ázirlendi. Sáýle DOSJANOVA, jýrnalıst.