Qazaqstandyq ánshi Dımash Qudaıbergen qatysyp jatqan Qytaıdyń «Singer 2017» án dodasynyń jartylaı fınaldyq kezeńiniń ańdatpasy jarııalandy.
Dımash jartylaı fınalda ıtalııalyq ánshi Adrıano Chelentanonyń «Confessa» ánin oryndady.
Jartylaı fınaldyń túsirilim jumystary 30 naýryz kúni boldy.
"8 sáýir kúni Fınaldyń alǵashqy saıys kúni ıtalıandyq án Adrıano Chelentanonyń "Confessa" jáne "Besinshi element" fılmindegi Dıva Plavalagýnanyń arııasyn tyńdaı alasyzdar! Tilekterińiz ben qoldaýlaryńyzǵa raxmet! Birgemiz", - dep jazdy Dımash Qudaıbergen óziniń Instagramdaǵy paraqshasynda.
Esterińizge sala ketsek, baıqaýdyń jartylaı fınaly 8 sáýir kúni efırge shyǵady. Al eń sońǵy sheshýshi básekesi 15 sáýir kúni ótedi.