Qazaqstanda jylqy sany 9,1%-ǵa kóbeıdi, dep habarlady UEM Statıstıka komıtetiniń baspasóz qyzmeti.
2017 jylǵy 1 qańtardaǵy jaǵdaı boıynsha aýylsharýashylyq óndirýshilerdiń barlyq sanattaryndaǵy jylqy sany 9,1%-ǵa, túıe 5,6%-ǵa, iri qara mal 3,7%-ǵa, qus – 3,6%-ǵa, qoı men eshki 0,9%-ǵa ulǵaıdy. Shoshqa sany – 6,0%-ǵa kemidi.
«Mal basy negizinen jurtshylyq sharýashylyqtarynda shoǵyrlanǵan: iri qara mal – 59,2%, qoı men eshki – 59,1%, shoshqa – 57,0%, túıe – 53,4%, jylqy – 50,5%. Qus sany aýyl sharýashylyǵy kásiporyndarynda shoǵyrlanǵan (jalpy sanynan 69,2%)», - delingen habarlamada.
2015 jylmen salystyrǵanda ettiń barlyq túrleriniń tirideı salmaqtaǵy óndirisi 3,1%-ǵa ulǵaıdy. Sút 3,1%-ǵa kóp saýyldy, jún – 1,3%-ǵa jáne jumyrtqa 0,5%-ǵa joǵary alynǵan.