Mańyzdy máseleler qozǵaldy

Keshe Qazaqstan Respýblıkasynyń Syrtqy ister mınıstri Erjan Qazyhanov elordada ótip jatqan VI Astana eko­nomıkalyq forýmyna qatysýǵa kelgen BUU Bas hat­shy­sy­nyń orynbasary, Eýropalyq ekonomıkalyq komıssııanyń atqarýshy hatshysy Iаn Kýbıshpen jáne BUU azyq-túlik uıy­mynyń bas dırektory Jak Dıýfpen kezdesti. Kezdesý barysynda eki jaqty yntymaqtastyq máseleleri tal­qy­landy. Sonyń ishinde ener­ge­tıka, kólik ınfraqurylymy, saýda jáne qorshaǵan ortany qorǵaý máseleleri kezdesýdiń mańyzdy túıinine aınaldy. Ekijaqty yn­tymaqtastyqtyń ilgeri damyp kele jatqandyǵyn sóz ete otyryp, E.Qazyhanov Qazaqstannyń EEK-tiń arnaıy komıtetterimen ara­da­ǵy barys-kelisti keńeıtýge jáne ózara qarym-qatynas jasaý­da­ǵy jańa baǵyttar qalyptas­tyrý men tıisti tyń úlgilerdi ja­saýǵa múddeli ekendigin jetkizdi. Kezdesý kezinde Aral ekolo­gııasy, aýyl sharýashylyǵynda sý resýrsynyń jetispeýshiligi, sý máselesin retteýde Ortalyq Azııa­nyń barlyq respýb­lı­ka­laryna onyń tıimdi tásilin tabý sııaqty aımaqtyq máselelerdi sheshýde qoldaý kórsetý asa ma­ńyzdy bolyp tabylatyndyǵy atap kórsetildi. Energetıka sala­syndaǵy yntymaqtastyq ta áńgime ózegine aınaldy. Kezdesý sheńberinde ústimiz­degi jyldyń kúzinde Astanada ótetin «Eýropadaǵy qorshaǵan orta» atty 7-shi mınıstrler kon­fe­rensııasyna daıyndyq jumys­tary qarastyryldy. Iа.Kýbısh jýrnalısterge bergen suh­batyn­da atalǵan konferensııanyń maq­satyna keńinen toqtaldy. Onyń aıtýynsha, EEK qyzmetin ke­ńeıtý jáne Eýrazııa kontınentindegi qorshaǵan ortany, sondaı-aq azııalyq jáne eýropalyq ınte­gra­sııanyń ekologııalyq baǵdar­la­malaryn turaqty jaqsartý óte mańyzdy bolyp tabylady. Al BUU azyq-túlik uıymy­nyń bas dırektory Jak Dıýfpen bolǵan kezdesýde ekonomıkalyq ósý, áleýmettik damý, qorshaǵan orta­ny qorǵaý jáne onyń ara­syndaǵy qolaıly balansty qam­ta­masyz etý máseleleri tal­qy­landy. Qazaqstan turaqty damýdy qam­tamasyz etý úshin júıeli qa­damdar jasap otyr. Atap aıt­qanda, Qazaqstan Respýb­lı­ka­sy­nyń 2007-2024 jyldarǵa ar­nalǵan turaqty damýy tujy­rymdamasy qabyldanǵan. Mun­daı tujyrymdamanyń maqsaty – aldaǵy ýaqytta Qazaqstan eko­nomıkasynyń damýyn qam­ta­ma­syz etý, dep málimdedi E.Qa­zy­hanov. Syrtqy ister mınıstri Qa­zaqstannyń Tájikstan, Pákstan, Qyrǵyzstan, Aýǵanstan sııaqty memleketterge gýmanıtarlyq kómek kórsete otyryp, álemdik rynokta ózin astyq jetkizýden iri qamtamasyz etýshi el retinde tanytqandyǵyn aıtty. Sonymen qatar, óndiris kólemin odan ári qaraı ulǵaıtýda elimizdiń agrar­lyq sektorynda úlken áleýet bar ekendigin atap kórsetti. Araı ÚIRENIShBEKQYZY.