Álemdik mýzykanyń áıgili dúldúli – Astanada

Qazaqstan halqynyń birligi kúni elordadaǵy Qazaqstan ortalyq konsert zalynda onynshy Máskeý Pasha festıvali sheńberinde Sankt-Peterbýrgtegi áıgili Marııa teatry­nyń sımfonııalyq orkestriniń keshi ótti. Konsertke Memleket basshysy Nursultan Nazarbaev qatysyp, orkestrdiń ónerin tamashalady. Prezıdent Nursultan Nazarbaev konsert bastalar aldynda sımfonııalyq orkestrdiń kór­kem­dik jetekshisi ári bas dırıjeri Valerıı Gergıevke qazaqstandyq kadrlardy daıyndaýdaǵy jáne onyń Qazaqstanǵa degen súıis­pen­shiligine degen alǵysyn bildirdi. Memleket basshysy odan ári Valerıı Gergıevtiń joǵary deń­geıdegi marapattar men kóp­tegen halyq­ara­lyq syılyq­tar­dyń ıegeri ekenin, onyń 22 jyldan beri Marııa tea­trynyń bas dırıjeri qyzmetin at­qaryp júrgenin aıta kelip, Qazaq­stan ortalyq konsert zalynda qonaqtardy tanystyra ketti. «Jańa astana­myz­daǵy mundaı zal eýrazııalyq sýb­kon­tınenttiń eshbirinde joq. Ita­lııa­lyq myqty arhıtek­tor­lar­dyń qatysýymen salynǵan, syıym­dylyǵy 3500 or­yndy qamtıtyn konsert za­ly­nyń akýs­tıkasy da halyqaralyq stan­darttarǵa saı. Aldaǵy ýaqytta sizdi Qazaq ulttyq opera tea­try­nyń ashylý rásimine shaqyramyz. Sizdiń ujymyńyz ben bizdiń mýzy­kanttardyń dostyǵy ári qaraı jaqsy deńgeıde jalǵasyn tabady degen senimdemin», deı kele Valerıı Gergıevke Qazaq­stannyń eńbek sińirgen qaırat­keri ataǵynyń berilgenin habarlap, oǵan onyń tósbelgisi men kýáligin tapsyrdy. Esimi álemge tanymal dırıjer Valerıı Gergıev Qazaq eliniń jańa astanasynyń sulýlyǵy men damý qarqynyna tańdanysyn jasyrmady. Bul týraly ol elordada Marııa teatry sımfonııalyq orkestriniń konserti qarsańynda ótken baspasóz máslıhatynda: «Astanaǵa kelgen úsh saǵattyń ishinde men tipti barlyq teńeýdi aıta alar emespin. Qalanyń qar­qyndy ósýi men damýy eń kórkem sózdermen ǵana baǵalanýǵa laı­yq­ty», dese osy jıyn ústinde  Qa­zaqstan Respýblıkasynyń Máde­nıet mınıstri Muhtar Qul-Mu­hammed jýrnalıster qaý­y­myn orkestr ujymymen, onyń kórkem­dik jetekshisiniń mýzyka álemin­degi ornymen keńirek tanystyra kelip: «Valerıı Gergıev –  osy za­man­daǵy uly dırı­jerlerdiń biri. Ol Marııa teatry sımfonııalyq orkestriniń dırıjeri ǵana emes, álemdik máde­nıettiń damýyna mol úles qosqan tulǵa», dep atap ótti. Sonymen qatar, mınıstr qazirgi tańda álem­niń kóptegen opera teatr­lary­nyń qarjy daǵdarysyna dýshar bolyp otyrǵandyǵyn, al Sankt-Peterbýrg pen Astana qa­la­synda opera teatrlarynyń qu­ry­lysy qarqyndy júrip jat­qandyǵyn da tilge tıek etti. Valerıı Gergıev Qazaq­stan­nyń eńbek sińirgen qaıratkeri ata­ǵynyń ózine berilgeni úshin Elbasyna alǵysyn bildire kele: «Sizdi alǵash kórgenimde men jas dırıjer bolatynmyn. Bú­gin­de mine, ózińizben betpe-bet tany­syp, óz qolyńyzdan osynaý már­te­beli syılyqty alyp otyr­ǵanyma alǵysym sheksiz. Sizben áli de kezdesemin degen oıdamyn. Barshańyzǵa densaýlyq, baqyt, tabys tileımin!»,  dedi. Festıval aıasy Reseıdiń 40 qalasy men Lıtva, Ýkraına, Belarýs Respýblıkasy jáne Qa­zaq­standy da qamtyǵanyn aıtsaq,  24 sáýir men 9 mamyr aralyǵyna josparlanǵan 16 kún ishinde 100-den asa konserti berilmek kóri­nedi. Taǵy bir qýantarlyǵy, As­tanadaǵy konsertte Reseıdiń ta­lantty pıanısi Denıs Masýev pen tanymal opera ánshileri de óner kórsetti. Konsert baǵdar­la­masyna saı bul kúni jurtshylyq álemdik mýzykanyń áıgili shy­ǵarmalaryn tyńdaǵan bolsa, kon­serttiń shymyldyǵy R.She­drın­niń shy­ǵarmasymen ashyldy. Mýzyka áleminde Valerıı Ger­gıev esimin bilmeıtin adam  kem­de-kem dese de bolady. Árı­ne, tek mýzykanttar qaýymy ǵana emes, jalpy jurtshylyq ta onyń ár konsertin asyǵa kútedi. Týma talanttyń ónerine degen saǵy­nysh ta osy kesh barysynda aı­qyn baıqalǵan bolsa,  Marııa teatrynyń sımfonııalyq orkestri de kóp kóńiline qaryz bolyp qalǵan joq. Joǵary kásibı sheberligi men óz deńgeıin kórermen­derge  alǵashqy shyǵarmasynan-aq baı­qatty. Kóp­shilik qaýym jet­piske jýyq mý­zykanttardy qam­tıtyn orkestr­diń jandy daý­syn estip, ǵajaıyp álemge sapar shek­ti.  Irgetasy sonaý HVII ǵasyr­da qa­lanǵan teatrdyń sımfonııalyq orkestri, onyń dırıjeri Valerıı Gergıev týraly aıta berse, sóz taýsylmaıdy. Dara talant ıe­siniń  kez kelgen konserti erekshe, ári kez kelgeni tamasha shoýǵa aınalatyny álem tarapynan moı­yndalǵan.  Eń bastysy, mýzy­ka súıer qaýym kórnekti dırıjer­diń ár  konsertin asyǵa kútedi. Elordada ótken keshtiń de eń áserli sáti fortepıanoǵa arnal­ǵan konsert barysynda aıqyn­dala tústi. Munda Denıs Masýev qalyń jurtshy­lyqqa pıanıno ar­qyly álemdik mýzykanyń áıgili klassıkasyn tartý etti. Konsert sońy Ekaterına Semenchýktyń oryndaýynda orys jáne shetel kompozıtorlary opera­larynyń úzin­dilerimen aıaqtaldy. Mýzy­kany mádenıettiń bıik shyńy dep biletin qaýym úshin bul kesh erekshe syı boldy. Bir aıta ketetin jaıt, sım­fonııalyq orkestrdiń konserti Almaty qalasynda da ótti. Juldyz BAIDILDA.