Keshe Úkimet Úıinde IV Astana ekonomıkalyq forýmy aıasynda temir jol salasyndaǵy qujattarǵa qol qoıyldy. Atalmysh sharaǵa Premer-Mınıstr Kárim Másimov qatysty.
«Qazaqstan temir joly» ulttyq kompanııasy» AQ prezıdenti Asqar Mamın men «Alstom Holdıng» kompanııasynyń vıse- prezıdenti Bernar Gone temir jol salasynda baǵyttaǵyshtar úshin elektrli jetekter shyǵarý boıynsha birlesken kásiporyn qurý jónindegi yntymaqtastyq memorandýmyna qol qoıdy. Sondaı-aq Asqar Mamın «Sıstra SA» kompanııasynyń atqarýshy vıse-prezıdenti Andre Onaızermen Astana – Almaty joǵary jyldamdyqty temir jol magıstraly qurylysynyń tehnıkalyq-ekonomıkalyq negizdemesin ázirleýge arnalǵan tehnıkalyq maqsatty daıyndaý boıynsha fransýzdyq kompanııa tarapynan konsaltıngtik qyzmet kórsetýdi kózdeıtin kelisimge de qol qoıdy.
Joǵaryda bekitilgen alǵashqy memorandým boıynsha birlesken kásiporyn qurylyp, elimiz aýmaǵynda atalǵan elektrli jetekter shyǵarylmaq. Sonymen birge bul óndiriske áriptes kompanııanyń ónimderi men tehnıkalyq sheshimderi paıdalanylmaq.
Ábdirahman QYDYRBEK.