2011 jylǵy 8 aqpan № 90 Astana, Úkimet Úıi
Qazaqstan Respýblıkasynyń ken oryndaryn alǵashqy ashýshylar týraly erejeni bekitý týraly
«Jer qoınaýy jáne jer qoınaýyn paıdalaný týraly» Qazaqstan Respýblıkasynyń 2010 jylǵy 24 maýsymdaǵy Zańynyń 16-babynyń 21) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Qazaqstan Respýblıkasynyń ken oryndaryn alǵashqy ashýshylar týraly ereje bekitilsin.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń 2011 jylǵy 8 aqpandaǵy №90 qaýlysymen bekitilgen
Qazaqstan Respýblıkasynyń ken oryndaryn alǵashqy ashýshylar týraly ereje
1.Jalpy erejeler
1. Qazaqstan Respýblıkasynyń ken oryndaryn alǵashqy ashýshylar týraly ereje (budan ári – Ereje) «Jer qoınaýy jáne jer koınaýyn paıdalaný týraly» Qazaqstan Respýblıkasynyń 2010 jylǵy 24 maýsymdaǵy Zańy 16-babynyń 21) tarmaqshasyna sáıkes ázirlendi.
2. Qazaqstan Respýblıkasynyń ken ornyn alǵashky ashýshy (budan ári –Alǵashqy ashýshy) - ónerkásiptik qundylyqqa ıe, buryn belgisiz bolǵan ken ornyn ashqan, sondaı-aq burynnan belgili ken ornynda paıdaly qazbalardyń qosymsha qorlaryn nemese onyń ónerkásiptik qundylyǵyn edáýir ulǵaıtatyn jańa mıneraldyq shıkizatty anyqtaǵan tulǵa.
3. Ken ornyn ashýǵa jáne barlaýǵa tikeleı belsendi túrde qatysqan jáne erekshe kózge túsken:
1) shyǵarmashylyq bastama jasaǵan jáne nátıjesinde ónerkásiptik qundylyǵy bar jańa ken orny ashylǵan geologııalyk barlaý jumystaryn júrgizý qajettiligin ǵylymı negizdegen;
2) belgili ken orny sheginde onyń qoryn buryn bekitilgenmen salystyrǵanda keminde eki ese ulǵaıtatyn jańa derbes ýchaskelerdi, kendi denelerdi, qattardy, qabattardy nemese ónerkásiptik paıdalanýǵa jaramdy jańa paıdaly qazbany ashqan jeke tulǵalar Alǵashqy ashýshylar dep tanylady.
4. Alǵashqy ashýshy dep tanylǵan tulǵaǵa dıplom men «Qazaqstan Respýblıkasynyń ken ornyn alǵashqy ashýshy» omyraýǵa taǵatyn qurmet belgisi beriledi.
5. «Qazaqstan Respýblıkasynyń ken ornyn alǵashqy ashýshy» omyraýǵa taǵatyn qurmet belgisiniń sıpattamasy men beınesin qosa alǵanda, «Qazaqstan Respýblıkasynyń ken ornyn alǵashqy ashýshy» omyraýǵa taǵatyn qurmet belgisimen marapattaý týraly nusqaýlyqty, «Qazaqstan Respýblıkasynyń ken ornyn alǵashqy ashýshy» omyraýǵa taǵatyn qurmet belgisine qosa beriletin dıplomnyń úlgisin ındýstrııalyq saıasatty retteý salasyndagy ýákiletti organ bekitedi.
6. Ken ornyn ashýǵa alyp kelgen geologııalyk barlaý jumystaryn júrgizý qajettiligin negizdeýge, ken ornyn ashý men barlaýǵa ózi tikeleı qatyspaǵan, óziniń qyzmettik mindetterine qaraı kórsetilgen jumystarǵa jalpy basshylyqty júzege asyryp otyrǵan laýazymdy tulǵalarǵa «Qazaqstan Respýblıkasynyń ken ornyn alǵashqy ashýshy» omyraýǵa taǵatyn qurmet belgisin tapsyrý júrgizilmeıdi.
2. О́tinishti qaraý jáne jeke tulǵany paıdaly qazba ken ornyn Alǵashqy ashýshy dep taný týraly sheshim qabyldaý
7. Jeke tulǵany Alǵashqy ashýshy dep tanýǵa baılanysty máselelerdi jer qoınaýyn zertteý men paıdalaný jónindegi ýákiletti organnyń (budan ári – ýákiletti organ) bilikti mamandarynan quralatyn jáne ýákiletti organnyń janyndaǵy Paıdaly qazbalar ken oryndaryn alǵashqy ashý isteri jónindegi komıssııa (budan ári – Komıssııa) qaraıdy.
8. Geologııa jáne jer qoınaýyn paıdalaný óńiraralyq departamentteri (budan ári – óńiraralyq departamentter) janynan tıisti óńiraralyq departamentterdiń mamandarynan turatyn paıdaly qazbalar ken oryndaryn alǵashqy ashýshylar isteri jónindegi óńiraralyq komıssııalar (budan ári – óńiraralyq komıssııalar) qurylady.
9. Komıssııalar óz qyzmetinde Konstıtýsııany, Zańdy, ózge de normatıvtik quqyqtyq aktilerdi, sondaı-aq osy Erejeni basshylyqqa alady.
10. Paıdaly qazba ken ornyn ashý týraly jeke tulǵanyń ótinishi jeke basyn kýálandyratyn qujattyń kóshirmesimen qosa óńiraralyq departamentke usynylady, onda tirkeledi jáne óńiraralyq komıssııanyń qaraýyna tapsyrylady.
11. О́ńiraralyq komıssııa ótinish túsken kúnnen bastap otyz kúntizbelik kún merzimde ony karaıdy jáne:
1) ken ornynyń ashylý faktisin jáne ken ornyn ashýǵa ótinish berýshiniń (ótinish berýshilerdiń) qatysqanyn;
2) ken ornynyń ónerkásiptik qundylyǵyn, zerdelený dárejesin jáne tolyqtyǵyn, ony rentabeldi óńdeý múmkindigin nemese qosymsha zertteýdiń oryndylyǵyn anyqtaıdy.
12. О́tinishte baıandalǵan materıaldardy qosymsha zertteý nemese tekserý júrgizý qajet bolǵan jaǵdaıda, qaraý merzimi otyz kúntizbelik kúnnen aspaıtyn bolyp uzartylýy múmkin, ol týraly qaraý merzimi uzartylǵan sátten bastap úsh kúntizbelik kúnniń ishinde ótinish berýshige habarlanady.
13. О́ńiraralyk komıssııalar ótinishti qaraǵannan keıin materıaldarmen kosa jáne ótinish berýshini Alǵashqy ashýshy dep taný ne tanýdan bas tartý negizdemesi bar qorytyndyny ýákiletti organǵa jiberedi.
14. Komıssııanyń otyrystary óńiraralyq komıssııalardan paıdaly qazba ken ornyn ashý týraly jeke tulǵanyń ótinishin qaraý nátıjeleri boıynsha qorytyndy alynǵan sátten bastap bir aı ishinde, biraq jylyna bir retten sıretpeı ótkiziledi.
15. О́tinish berýshi Komıssııanyń otyrystaryn ótkizýge baılanysty shyǵystardy tólemeıdi.
16. О́tinish berýshini Alǵashqy ashýshy dep taný ne ony Alǵashqy ashýshy dep tanýdan bas tartý týraly sheshim Komıssııanyń hattamamen resimdeletin usynymy negizinde qabyldanady. Sheshimdi Komıssııanyń usynymy túsken kúninen bastap jeti jumys kúni ishinde ýákiletti organnyń birinshi basshysy bekitedi.
17. О́tinish berýshini Alǵashqy ashýshy dep tanýdan:
1) ol ózi týraly kórineý jalgan málimetterdi usynǵan;
2) ken ornyn barlaýǵa, ony ashýǵa belsendi túrde qatysqan ótinish berýshi úlesiniń jetkiliksizdigi týraly sheshim bolǵan jaǵdaıda bas tartylady.
18. Ýákiletti organnyń ótinish berýshini Alǵashqy ashýshy dep tanýdan bas tartý týraly sheshimine Qazaqstan Respýblıkasynyń zańnamasynda belgilengen tártippen shaǵym berilýi múmkin.