Jaqynda Qorǵanys mınıstrligi janyndaǵy Qarý-jaraq qysqartýdy jáne ınspeksııalyq qyzmetti qamtamasyz etýdi baqylaý jónindegi ortalyq UQShU áskerı-saıasattyq ólshemi sheńberinde senim men qaýipsizdikti nyǵaıtý sharalary boıynsha kelissózder týraly 1999 jylǵy Vena qujatynyń erejelerine sáıkes Germanııa Federatıvtik Respýblıkasy jáne Italııa Respýblıkasy Qarýly Kúshteriniń atalǵan aýdandarynda tekserister ótkizdi.
Vena qujaty UQShU-nyń eń mańyzdy quraldarynyń biri bolyp tabylady jáne onda jyl saıynǵy áskerı aqparatpen almasý, múshe memleketter arasynda áskerı yntymaqtastyq jáne senim men ashyqtyqqa múmkindik týǵyzatyn is-sharalardy júzege asyrý boıynsha múshe meleketterdiń mindetteri jazylǵan.
Qazaqstannyń ınspeksııalyq toptary Germanııa aýmaǵyndaǵy obektilerdi, atap aıtqanda, AQSh Qurlyq áskerleriniń 5-shi eýropalyq korpýsyn, Italııa aýmaǵyndaǵy Ońtústik Eýropa taktıkalyq tobyn tekserdi. Tekserister barysynda qazaqstandyq áskerıler atalǵan aýdandarda ornalasqan áskerı bólimder týraly brıfıng usynyp, tehnıka jáne qarý-jaraqtyń negizgi úlgilerin baıqady, sonymen qatar oqý úrdisi men jeke quramnyń kúndelikti qyzmetimen tanysty, dep habarlady QR QM-niń baspasóz qyzmeti.