«Breık-danstyń» bereri

Jańaózen qalasyndaǵy áıgi­li munaıshy Rahmet О́tesinov atyn­daǵy Deneshynyqtyrý-saýyq­tyrý kesheninde osy jyly shilde aıynda Koreıanyń Seýl qalasynda ótetin «RIG» breık-dans bo­ıyn­sha álem chempıonatyna or­ta­azııa­lyq halyqaralyq irikteý týrnıri aıaqtaldy. Respýblıkalyq «Breık-dans» federasııasynyń basta­ma­syn munaıshylar ordasy Ja­ńaózen qalasynyń ákimdigi qol­da­ǵan týrnırge Qazaqstannyń barlyq oblystary men Astana, Al­maty qalalarynan jáne Ázir­­baıjan, О́zbekstan, Qyr­ǵyz­­stan elderinen 20 komanda qura­myndaǵy 200-ge tarta sport­­shy qatysty. Al koman­da­lardyń sheberlikteri men san qyrly sport­tyq is-qımyl­dary­na halyqara­lyq dá­re­jedegi belgili tóreshiler Japonııadan I.Katsýıýkı, J.Song­­ho, D.Sýnkvon, koreıalyq Kım Iýnsý, reseılik D.Kolokolnıkov, qazaq­standyq M.Gýseınova qazylyq etti. Sońǵy jyldary álemdik chempıonat dárejesine jetken mundaı shara kópshilik­tiń, ási­rese, jastardyń ózderin barlyq qyrynan kórsete bilýlerimen belgili bola bastapty. Al ony­men munaıly qalanyń jas­tary alǵashqylardyń biri bolyp tanysýy quptarlyq jaǵ­daı edi. Ol týraly Jańaózen qa­lasynyń ákimi Oraq Sarbó­peev jastar­dyń densaýlyqtary myq­ty, bos ýaqyttary sala­mat­ty ómir saltyna aınalsyn, ja­ńa dostar taýyp demalys­tary jaqsy ótsin degen oımen ótkizip otyr­myz. Mundaı basqosý jas­tary­myzdy ómirge, sportqa, óner­ge degen joǵary súıispenshilikke tár­bıelep, dostyq pen ynty­maqtas­tyqqa shaqyratyn ıgi shara dep biletindigin jetkizip, jınal­ǵan­darǵa sáttilik tiledi. Shyndyǵynda osy sala maman­darynyń aıtýynsha, «Breık-dans» jastardyń jan-jaqty azamat bolýlaryna septigin tıgizetin sporttyń erekshe paıdaly túri. Iаǵnı, sekirip bıleý, shalt, batyl da tez qımyl jasaý arqyly jas balalar denelerin shynyqtyryp, shymyr bolýlarymen qatar sezimtal, sergek, jan-jaqty, jigerli bolyp, shıraqtylyq tanytady eken. Sondaı sporttyń bul túri­men aınalysqandar bilimge qush­tar, eńbekke yntaly bolýmen qa­tar, «temirdeı tártipti» bol­ǵan­dy da qalaıtyndyqtaryn kórsetipti. Osy pikirdi «Breık-dans» respýb­lıkalyq federa­sııa­synyń jetekshisi, belgili horeograf-balet­meıs­ter, gımnastıkadan sport sheberligine kandıdat Marııa Gýseınova óz tájirıbesi arqyly tolyqtyra tústi. Osy aıtylǵandarǵa irikteý týrnırine qatysýshylardyń eń kishkentaıy 8 jastaǵy aqtaý­lyq mektep oqýshysy Rýslan Amangeldi, 24 jastaǵy almaty­lyq aýdıtor Azamat Isahanovtarmen áńgi­melerinde anyq ań­ǵara tústik. Olaı deıtinimiz, Rýslan osy úıir­mege qatysqaly sabaǵymdy jaq­sy oqımyn, bu­rynǵydaı qat­ty sharshamaı ata-anama da qolǵabys tıgizemin dese, Azamat Isahanov jeti jyl­dan beri sport­tyń osy túrimen aına­lysqaly aýrý-syrqaýdy umyt­­tym, jumysym da jeńil ári jemisti, al buryn meni bos júrý sharshatatyn edi. Iаǵnı, osy sport maǵan qýat berdi. Soǵan kópshiliktiń kózin jetkizý úshin ádeıi úıirme quryp, oǵan on bala qabyldadym. Aptasyna úsh kún jınalamyz, qazir olarǵa da, ózime de kóńilim tolady degendi aıtty. Osyndaı pikirdi astana­lyq Tumar Quraq­paev, jańa­ózen­dik Saǵyndyq Myr­zabaev, atyraýlyq mektep oqý­shysy Saı­ran Qaırat jáne basqa­lar­dan estidik. Olarmen jarty kún­deı birge bolyp óner­­lerin tamashalaǵanda tań­ǵa­lar­lyq tus­­tar da kóp boldy. Bári de sıqyr­shylar sııaqty kórindi. Bári de jaıdary, bári de shıraq, sharsha­ǵandary sezilmedi. Al bir-birine degen qa­rym-qatynas, yqylas-iltı­pat­tary ań­dap qara­ǵan adam­ǵa qyzyq­qandaı áser qal­dyrdy. Jalpy, mundaı sport jas­tar­dyń jan-jaqty tárbıe alyp, shyny­ǵýy­na, elimizde sa­la­mat­ty ómir saltyn qalyptas­tyrýǵa septigin tıgizetindigin baı­qap bildik. Al osyn­daı ıgi sha­ranyń jastar qalasy, mu­naı­shylar ordasynda ótki­zilýi óte oryn­dy da paı­daly bol­dy desek qatelespeımiz. Sóı­­tip, eki kún­dik saıys aıaq­tal­dy. Onyń qo­rytyn­dysy boıynsha koman­da­lyq esep­tegi birinshi oryndy As­tana qalasynyń, ekinshi oryn Batys Qazaqstan obly­sy­nyń ko­mandalary alyp, úshin­shi oryn­dy Shymkent, Rıdder qalalary men Pavlodar, Qos­ta­naı obly­synyń ókilderi bólisti. Jolaman BOShALAQ, Mańǵystaý oblysy, Jańaózen qalasy.